Read Jinghpaw Hanson Version Bible JAW JAU 2 Bible Online

JAW JAU 2 - Jinghpaw Hanson Version Bible bible

JAW JAU 2

¹Masha langai ngai Yehowa hpe shadung hte kumhpa nawng ai rai yang gaw, shi a kumhpa mani ai shadung rai na rai nna, dai hta namman ru jaw nhtawm lawban bang na rai wu ai.

²Dai hpe Arun a shadang sha hkinjawng ni hpang de shi la sa nna, mani ai shadung, namman hte lawban hta na latup mi magra la nhtawm, wan hte nat nawng ai hkungga, Yehowa a matu manam pyaw ai sangau tai na, shi a matu dum ya na, hkinjawng wa gaw dai hpe tawn hkungri ntsa e nat na rai wu ai.

³Ngam nga ai shadung kumhpa gaw Arun hte shi a shadang sha ni a matu tai na rai nga ai: dai gaw Yehowa hpe wan hte nawng ai kumhpa ni hta na chyoi pra reng ai kumhpa rai nga ai.

⁴Bai, na a shadung kumhpa dai, wan htung hta kabaw hkut sai rai yang gaw, namman hte kayau ai matsi n rawng ai muk pa, shing n rai namman hte galu ai matsi n rawng ai muk hkrawp rai na rai nga ai.

⁵Bai, na a shadung kumhpa dai, hpri di hpyen hta kaba ai muk rai yang gaw, namman hte kayau ai matsi n rawng ai mani ai shadung hte rai na rai nga ai.

⁶Dai hpe nang ahkyep nna namman ru bun na rai wu ai: dai gaw shadung kumhpa rai nga ai.

⁷Bai, na a shadung kumhpa dai, di dam hta kangau ai rai yang gaw, namman hte kayau ai mani ai shadung hte rai na rai nga ai.

⁸Shing re ai shadung kumhpa amyu hpe Yehowa hpang de nang la sa nhtawm, hkinjawng wa a lata de ap ya nna, shi gaw dai hpe tawn hkungri de la sa na rai wu ai.

⁹Bai, hkinjawng wa gaw dai shadung kumhpa hta na dum ya na kumhtaw magra la nhtawm, Yehowa a matu wan hte nat nawng ai manam pyaw sangau di nna, tawn hkungri hta nat na rai wu ai.

¹⁰Ngam nga ai shadung kumhpa gaw Arun hte shi a shadang sha ni a matu tai na rai nga ai: dai gaw Yehowa hpe wan hte nawng ai kumhpa ni hta na chyoi pra reng ai kumhpa rai nga ai.

¹¹Yehowa hpe nanhte sak jaw ai shadung kumhpa baw hta matsi lawm lu na n rai: Yehowa hpe wan hte kumhpa nawng yang, matsi rai timung, lagat jahku rai timung, nat shalawm lu na n rai.

¹²Shawng ngai ai nsi naisi sak jaw ai lam hta Yehowa hpe matsi hte lagat jahku sak jaw lu ai rai timung, manam pyaw hkra nga tawn hkungri hta nat mai na n rai.

¹³Shadung kumhpa nawng shagu jum bang lu na rai ndai: na a shadung kumhpa nawng ai hta, na a Karai Kasang a ga shaka jum n bang ai nawng jau lu na ndai n rai: nang nawng jau ai kumhpa shagu hta, jum bang lu na rai ndai.

¹⁴Shawng ngai ai nsi naisi hte Yehowa hpe shadung kumhpa hku nawng mayu yang gaw, shawng myin ai mam gungsi hpe wan hta kakang nna, dai mam gungsi hta na n-gu tum rip la na rai wu ai.

¹⁵Dai hta nang namman ru bun nna lawban bang na rai wu ai: dai gaw shadung kumhpa rai nga ai.

¹⁶Shing rai hkinjawng wa gaw dai rip la ai n-gu nkau mi, namman nkau mi hte lawban mahkra hpe dum ya na kumhtaw di nna nat nawng na rai wu ai: dai gaw Yehowa hpe wan hte nat nawng ai kumhpa rai nga ai.