Read Jinghpaw Hanson Version Bible JAW JAU 21 Bible Online

JAW JAU 21 - Jinghpaw Hanson Version Bible bible

JAW JAU 21

¹Bai Yehowa Mawshe hpe tsun wu ai gaw, Arun a shadang sha hkinjawng ni hpe ning ngu tsun u, Nanhte hta kadai mung amyu masha ni si ai hta wu sin ai hkam lu na n rai:

²rai timung tinang a makyin ngu na kanu kawa, kashu kasha, kahpu kanau hte,

³la garai n lu ai kajan majing a majaw gaw, wu sin ai hkam mai nga ai.

⁴Dai wa gaw shi a amyu masha ni hta adu rai nga ai majaw, shi hkum hpe shayuk na wu sin hkam lu na n rai.

⁵Shanhte gaw tinang a baw shangun lu na n rai; nmun mung doi lu na n rai; tinang hkum hpe gadoi jahpye lu na n rai.

⁶Shanhte gaw tinang a Karai Kasang a matu chyoi pra nga na rai nna, shanhte a Karai Kasang a mying ningsang hpe jahpoi lu na n rai: kaning rai nme law, shanhte gaw Yehowa hpe wan hte nawng ai kumhpa ngu ai, shanhte a Karai Kasang a lusha hpe nawng jau ma ai: dai rai nna shanhte gaw chyoi pra nga na ma ai. kaning rai nme law

⁷Shanhte gaw Karai Kasang a matu chyoi pra nga na rai ma ai majaw, shawa num, sawse seng breng ai num, la hte hka ai num re ai ni la lu na n rai.

⁸Na a Karai Kasang a lusha nawng jau ai re ai majaw, shanhte hpe shachyoi shapra nna, na a matu chyoi pra nga na rai nga ai: kaning rai nme law, nanhte hpe shachyoi shapra ai ngai Yehowa chyoi pra nga nngai.

⁹Hkinjawng a shayi sha gaw shawa num tai nna tinang hkum dai shayuk ai rai yang, dai gaw kawa hpe shayuk ai hku shang nga ai rai nna, shi hpe wan hte nat kau na rai mu ai.

¹⁰Tinang a kahpu kanau ni hta hkinjawng agyi nga nna, baw hta namman chya ai hte, hkinjawng hpun palawng bu hpun na matu aya dang hkam la sai wa gaw, tinang a kara hpyan ayai lu na n rai, hpun palawng mung gang je lu na n rai:

¹¹Gade a si mang hpe mung htep lu na n rai; kanu kawa matu pyi wu sin hkam lu na n rai;

¹²Chyoi Pra ai nta pru lu na n rai; shi a Karai Kasang a chyoi pra ai nta hpe jahpoi lu na nrai: kaning rai nme law, shi a karai kasang a aya dang ai namman gaw shi a baw hta rai nga ai: ngai gaw Yehowa rai nga nngai.

¹³Hkinjawng agyi wa gaw hkawn jet sha la lu na rai wu ai.

¹⁴Gaida jan, la hte hka ai num, sawse seng breng ai num, shawa num re ai ni la lu na n rai: tinang a amyu hta na hkawn jet sha la lu na rai wu ai.

¹⁵Shi a amyu masha ni hta tinang a kashu kasha ni hpe jahpoi kau lu na n rai: kaning rai nme law, shi hpe ngai Yehowa shachyoi shapra da se ai, ngu wu ai.

¹⁶Bai Yehowa Mawshe hpe tsun wu ai gaw,

¹⁷Arun hpe ning ngu tsun u: Shu mashi shu masha prat dingsa, na a amyu matu hta hkumhkrang n hkum ai wa gaw, shi a Karai Kasang a lusha nawng jau na, sit sa lu na n rai.

¹⁸N hkum ai hkumhkrang ngu ai, myi kyaw ai, lagaw hten ai, ladi pyet ai, hkrang shan jan ai:

¹⁹Lata dut ai, lagaw dut ai.

²⁰Marung htingkung ai, gadun akyek ai, myi machyi ai, maru ru ai, nma hpye ai, adi hten ai re ai ni gaw sit sa lu na n rai;

²¹Hkinjawng Arun a amyu hta hkumhkrang n hkum ai wa kadai mung Yehowa hpe wan hte nawng ai kumhpa sa jau na sit sa lu na n rai: dai wa gaw hkrang n hkum ai majaw shi a Karai Kasang a lusha nawng jau na sit sa lu na n rai.

²²Chyoi pra ai hte chyoi pra htum ai hte seng ai, shi a Karai Kasang a muk gaw shi sha lu na rai wu ai:

²³Rai timung, shi hta hkrang n hkum ai majaw, nye a chyoi pra ai shara hpe wu sin kau na, tsang ra ai rai nna, nba grang a kata de shang lu na n rai: tawn hkungri de mung sit sa lu na nrai: kaning rai nme law, dai arai ni hpe shachyoi shapra nga ai ngai Yehowa rai nga nngai, ngu wu ai.

²⁴Mawshe mung Arun hte shi a shadang sha ni, Israela kashu kasha ni nlang hte hpe shing ngu htawn tsun wu ai.