Read Jinghpaw Hanson Version Bible JAW JAU 23 Bible Online

JAW JAU 23 - Jinghpaw Hanson Version Bible bible

JAW JAU 23

¹Bai Yehowa Mawshe hpe tsun wu ai gaw,

²Israela kashu kasha ni hpe ning ngu tsun mu: Yehowa a poi nhtoi ngu nna, nanhte san tawn da ai chyoi pra ai zuphpawng ladaw ni gaw, ngai tawn da ai poi ni ngu na rai nga ai.

³Kru ya tup makan amu shachyen lu na rai nga ai: sanit ya ngu na shani gaw simsa nga na laban nhtoi hte chyoi pra ai zuphpawng nhtoi rai nga ai: dai shani e hpa amu bungli mung galaw lu na myit dai n rai: nanhte nga ai shara shagu hta, dai gaw Yehowa a laban nhtoi rai nga ai.

⁴Da ndai gaw, aten ladaw du jang, nanhte shaga da na chyoi pra ai zuphpawng ngu ai, Yehowa a poi ni rai nga ai.

⁵Shata langai ngu na hta shi mali ya shana de, Yehowa a shalai dat ai poi rai nga ai.

⁶Bai, dai shata a shi manga ya shani e Yehowa a azuma poi rai nga ai: nhtoi sanit ya tup matsi n rawng ai muk nanhte sha na rai myit dai.

⁷Nnan shani hta e chyoi pra ai zuphpawng, hpawng na rai myit dai: makan amu hpa mung galaw lu na myit dai n rai.

⁸Sanit ya tup Yehowa hpe wan nat kumhpa nawng jau lu na rai myit dai; dai sanit ya du ai shani, chyoi pra ai zuphpawng bai rai nga ai: makan amu hpa mung galaw lu na myit dai n rai, ngu wu ai.

⁹Bai Yehowa Mawshe hpe tsun wu ai gaw,

¹⁰Israela kashu kasha ni hpe ning ngu tsun mu: Ngai nanhte hpe jaw ai mung de nanhte du nna, mam dan ai shaloi, shawng dan hpang ai hkauling gaw hkinjawng wa hpang de la wa na rai myit dai:

¹¹nanhte a kumhpa hkap la ra hkra, hkinjawng wa gaw laban nhtoi hpang shani e dai hkauling hpe Yehowa man e nwat na rai mu ai.

¹²Dai hkauling nwat ai shani e, ladu hkrum ai hte ra n rawng ai sagu la hpe Yehowa matu wan nat hkungga di nna jaw na rai mu ai.

¹³Dai hkungga hte seng ai Yehowa a manam pyaw matu wan hte nat nawng na shadung mani uma lahkawng rai na rai nga ai: ru hkaw kumhpa gaw tsabyi jahku loga masum rai na rai nga ai.

¹⁴Nanhte a Karai Kasang hpang de kumhpa sak ai nhtoi garai n du yang, nlung shadung rai timung, nmyi rai timung, nsi katsing rai timung, nanhte sha lu na n rai: dai gaw nanhte nga ai shara shagu e nanhte a shu mashi shu masha prat dingsa hkan nga lu na matsun maroi rai nga ai.

¹⁵Nwat kumhpa hkauling sa jaw ai shani ngu na laban nhtoi hpang jahpawt kaw nna, bat sanit du hkra hti nhtawm,

¹⁶sanit du ai bat a laban nhtoi hpang jahpawt htep, nhtoi manga shi ya hti la nna, Yehowa hpe shadung kumhpa ningnan sa sak jaw na rai myit dai.

¹⁷Yehowa a matu shawng ngai ai nsi naisi shatai na, shadung mani uma lahkawng hpe matsi hte shawawm nna kabaw ai nwat kumhpa muk tawng lahkawng hkawng nanhte a nta na shapraw na rai myit dai.

¹⁸Dai muk tawng hte rau ladu hkrum ai hte ra n rawng ai sagu kasha sanit, usu uram langai mi, sagu la lahkawng mung sa jaw nna, shadung kumhpa hte ru hkaw kumhpa hpawn, Yehowa a manam pyaw na matu, wan hte nawng ai kumhpa di nna, Yehowa hpe wan nat hkungga jaw jau na rai mu ai.

¹⁹Bai nanhte gaw htingrai hkungga matu bainam la langai mi, mahku hkungga matu ladu hkrum ai sagu la lahkawng jaw lu na rai myit dai.

²⁰Shaloi hkinjawng wa gaw shawng ngai ai nsi a muk hte rau, dai sagu la lahkawng hpe Yehowa man e nwat hkungga di nna nwat na rai wu ai: dai gaw hkinjawng wa a matu Yehowa a man na chyoi pra ai arai rai nga ai.

²¹Dai shani hta mung nanhte shada shana la nna, chyoi pra ai zuphpawng hpawng na rai myit dai: makan amu hpa mung galaw lu na myit dai n rai: dai gaw nanhte nga ai shara shagu hta nanhte a shu mashi shu masha prat dingsa hkan nga lu na matsun maroi rai nga ai.

²²Tinang a yi hkauna hta ngai ai nai mam shu la yang, njut nnaw hkan na atsai awai dan la lu na n rai: hkauling hta na ngam ai nlim mung gut la lu na n rai: dai gaw matsan mayan re ai ni hte hkrun lam manam ni a matu ngam da lu na rai myit dai: ngai gaw nanhte a Karai Kasang Yehowa rai nga nngai, ngu wu ai.

²³Bai Yehowa Mawshe hpe tsun wu ai gaw,

²⁴Israela kashu kasha ni hpe ning ngu tsun mu: Shata sanit hta langai ya ngu na shani gaw, nanhte a matu simsa nga na nhtoi hte, dum hprang let kabu gara nga na chyoi pra ai zuphpawng nhtoi rai malit dai.

²⁵Makan amu hpa mung galaw lu na myit dai nrai; Yehowa hpe wan hte nawng ai kumhpa sak jaw lu na rai myit dai, ngu wu ai.

²⁶Bai Yehowa Mawshe hpe tsun wu ai gaw,

²⁷Rai timung, ndai shata sanit a nhtoi shi ya gaw, htingrai htingrat nhtoi rai nga ai: dai gaw nanhte a matu chyoi pra ai zuphpawng rai nga ai rai nna, nanhte a myit masin hpe shagrit nga na nhtoi rai malit dai: Yehowa hpe wan hte nawng ai kumhpa sak jaw lu na rai myit dai.

²⁸Dai shani e hpa amu bungli mung, galaw lu na myit dai n rai: kaning rai nme law, dai shani gaw, nanhte a Karai Kasang Yehowa a man e, nanhte a matu htingrai htingrat ya na, htingrai htingrat nhtoi rai nga ai.

²⁹Dai shani e tinang myit n shagrit ai wa gaw, tinang a amyu hta na sumri dan kau ya ai hkrum lu na wu ai.

³⁰Dai shani e amu lama ma galaw ai wa hpe, shi a amyu hta na sumri dan kau ya na we ai.

³¹Amu makan hpa mung nanhte galaw lu na myit dai n rai: dai gaw nanhte nga ai shara shagu hta nanhte a shu mashi shu masha prat dingsa hkan nga lu na matsun maroi rai malit dai.

³²Dai shani simsa ai laban nhtoi, tinang a myit shagrit ai shani, rai malit dai: jahku ya shana kaw nna hpang shani na shana du hkra nanhte ban sa lu na rai myit dai. ngu wu ai.

³³Bai Yehowa Mawshe hpe tsun wu ai gaw,

³⁴Israela kashu kasha ni hpe ning ngu u: Dai shata sanit a nhtoi shi manga ya kaw nna sanit ya tup, Yehowa a matu sum poi rai nga ai.

³⁵Nnan shani e chyoi pra ai zuphpawng hpawng na rai myit dai: Makan amu hpa mung galaw lu na myit dai n rai.

³⁶Sanit ya tup Yehowa hpe wan nat kumhpa nawng jau na rai myit dai: matsat ya ngu na shani mung, chyoi pra ai zuphpawng hpawng nna, Yehowa hpe wan hte wan nat hkungga jau na rai myit dai: dai gaw jahtum zuphpawng rai nga ai: makan amu hpa mung galaw lu na myit dai n rai.

³⁷Dai hte gaw Yehowa a laban nhtoi ni hte Yehowa hpe jaw jau ai alu kumhpa, ga shaka kumhpa, mayu kumhpa ni hta n-ga,

³⁸ladaw hkan nna Yehowa hpe jau na matu, wan hte nat ai kumhpa, wan nat hkungga, shadung kumhpa, uhkrung hkungga hte ru hkaw kumhpa re ai ni a jaw jau lam hpajang na, chyoi pra ai zuphpawng ngu ai nanhte shana la na Yehowa a poi ni rai nga ai.

³⁹Dai hta kaga, nanhte nsi naisi shu la ai hpang, shata sanit a nhtoi shi manga ya kaw nna, sanit ya tup Yehowa a poi nanhte galaw na rai myit dai: nnan shani hte matsat ya ngu na shani hta, ban sa nga lu na rai myit dai.

⁴⁰Nnan shani e tsawm ai hpun hta na namsi si ai lakung lakying, namhtan hpun, lap wum htat ai hpun, hka numri hpun re ai ni a lakung lakying nanhte dan lang nna, nanhte a Karai Kasang Yehowa man e sanit ya tup kabu gara nga na rai myit dai.

⁴¹Dai poi hpe shaning shagu sanit ya ya Yehowa a matu galaw na rai myit dai: dai gaw nanhte a shu mashi shu masha prat dingsa hkan nga na matsun maroi rai nga malit dai: shata sanit hta hkrai galaw lu na rai myit dai.

⁴²Egutu mung na Israela kashu kasha ni hpe Egutu mung na ngai woi shaw wa ai shaloi, ngai shanhte hpe nam singwum sum hta nga shangun ai lam, nanhte a shu mashi shu masha ni dum chye nga na matu,

⁴³Israela kashu kasha ni nlang nam singwum sum hta sanit ya tup nga lu na rai mu ai: ngai gaw nanhte a Karai Kasang Yehowa rai nga nngai, ngu wu ai.

⁴⁴Shing rai Mawshe gaw, Yehowa a ladaw langa da ai poi ni a lam Israela kashu kasha ni hpe htawn shana wu ai.