Read Jinghpaw Hanson Version Bible JAW JAU 6 Bible Online

JAW JAU 6 - Jinghpaw Hanson Version Bible bible

JAW JAU 6

¹Bai Yehowa Mawshe hpe tsun wu ai gaw,

²Masha langai ngai, manang wa ap da ai arai, shing n rai tang da ai arai a lam masu la ai rai timung, manang wa a arai hpya lu hpya sha rai timung, manang wa hpe dip lu dip sha ai rai timung;

³manang wa mat ai arai mu yang nyet la nna n teng n man dagam dala nga ai rai timung:

⁴shing re ai lam langai ngai galaw hkrup nna, Yehowa a man e mara rawng nga ai rai yang, dai wa gaw shi shut nna, mara lu nga sai majaw, shi hpya sha ai arai rai timung, dip la ai arai rai timung, manang wa ap da ai arai rai timung, mat ai kaw na mu ai arai rai timung,

⁵n teng n man ai dagam dala nga nna lu la ai arai hpa baw rai timung, arai dai hpe bai jaw nna dai hte nawng de a jahpu sawn nna htam manga hta htammi naw jat jaw na rai wu ai: dai hpe shi ahka yin ai shani hta rai madu hpe wa lu na rai lu ai.

⁶Shing rai dai wa gaw mara raw na hkungga a matu jahpu sawn nna hkrat ang ai made ging ai mara raw ai hkungga di na, ra n rawng ai sagu la Yehowa a man de hkinjawng wa kaw la sa lu na rai wu ai:

⁷hkinjawng wa mung shi a matu Yehowa a man e htingrai htingrat ya na rai nna, shi shut ai yubak nga manga raw dat kau ya ai hkrum na ra ai, ngu wu ai.

⁸Bai Yehowa Mawshe hpe tsun wu ai gaw,

⁹Wan hte hkungga nat nawng na tara a lam, Arun hte shi a shadang sha ni hpe ning ngu tsun u: Wan nat hkungga shan hpe tawn hkungri na wan mang hta shana de nna jahpawt du hkra nat da na rai mu ai: dai tawn hkungri na wan hpe tutnawng shagrung da lu na rai mu ai.

¹⁰Hkinjawng wa gaw shi a sumpan palawng hte sumpan bu hkung bu hpun nna, tawn hkungri hta hkru krawp ai hkungga a wan wu hpe magawn la nhtawm, tawn hkungri a makau e tawn na rai wu ai.

¹¹Bai hpun palawng galai kau nna wan wu dai hpe dap shinggan na san ai shara e sa sa kau na rai wu ai.

¹²Tawn hkungri na wan gaw n si ai sha a grung nga lu na rai nga ai: hkinjawng wa gaw jahpawt shagu hpun ju nna, hpun na ntsa e wan nat hkungga mara nat na rai wu ai: dai hta mahku hkungga sau mung nat na rai wu ai.

¹³Tawn hkungri na wan gaw, galoi mung si mai na n rai; a grung nga lu na rai nga ai.

¹⁴Ndai gaw shadung kumhpa a tara lam rai nga ai: Arun a shadang sha ni gaw, dai hpe Yehowa a man e tawn hkungri hta sa jau lu na rai mu ai.

¹⁵Hkinjawng wa gaw dai shadung kumhpa hta na mani ai shadung latup mi, sau nkau mi hte, dai kumhpa a lawban yawng hpe karan la nna, Yehowa a manam pyaw ai sangau hte dum ya na matu di nna, tawn hkungri hta nat na rai wu ai.

¹⁶Ngam ai hte gaw Arun hte shi a shadang sha ni sha na rai mu ai: dai hpe shawa sum kata na chyoi pra ai shara e, matsi n bang ai, sha na rai mu ai; shawa sum a wang kata e shanhte dai hpe sha na rai mu ai.

¹⁷Dai hpe matsi hte kabaw lu na n rai; ngai e wan hte nawng ai kumhpa ni hta na, shanhte a kumhtaw tai nga u ga, ngu nna ngai jaw da se ai: dai gaw htingrai hkungga hte mara raw ai hkungga zawn, chyoi pra htum ai rai nga ai.

¹⁸Yehowa hpe wan hte nawng ai hkungga ni hta na, kumhtaw dai gaw, nanhte a shu mashi shu masha prat dingsa tai nga na rai nna, Arun a shadang sha ni yawng sha lu na rai ma ai: dai hpe hkra ai ni yawng gaw chyoi pra ai ni rai na rai nga ai, ngu wu ai.

¹⁹Bai Yehowa Mawshe hpe tsun wu ai gaw,

²⁰Arun hte shi a shadang sha ni aya dang hkam la ai shani na Yehowa hpe nawng ya ai kumhpa gaw, ndai rai na rai nga ai: tutnawng na matu shadung kumhpa shatai na, shadung mani uma mi hte, jahpawt e ka-ang hkup shana de ka-ang hkup di nna jau na rai mu ai.

²¹Shadung dai hpe sau hte di hpyen hta gumrin kumpa nhtawm, kayau hkut jang la shang wa na rai wu ai: shadung kumhpa dai hpe Yehowa a manam pyaw sangau di na, gang gyi ahkyep nhtawm nawng na rai wu ai.

²²Arun a hkringhtawng dagraw ai kasha mung kumhpa dai jaw lu na rai nga ai: dai gaw Yehowa a matu hkum ting yawng nawng ya ai a htani htana ga matsun rai na rai malit dai.

²³Hkinjawng wa a matu nawng ai shadung kumhpa rai yang gaw hkum ting yawng nat nawng kau na rai wu ai: dai hpe sha mai na n rai, ngu wu ai.

²⁴Bai Yehowa Mawshe hpe tsun wu ai gaw,

²⁵Arun hte shi a shadang sha ni hpe htingrai hkungga a lam, nang ning ngu tsun na rai ndai; wan nat hkungga sat ai shara hta, Yehowa a man e htingrai hkungga sat na rai myit dai:

²⁶dai gaw chyoi pra htum ai rai nga ai. Htingrai hkungga nawng ai hkinjawng wa gaw, dai hkungga shan sha lu na rai nga ai; shan dai hpe, shawa sum a wang kata na chyoi pra ai shara e sha na rai wu ai.

²⁷Shan dai hpe hkra ai hpa mung chyoi pra ai rai na rai nga ai: de a sai bun ai hpun palawng ni hpe mung, chyoi pra ai shara e hkrut na rai wu ai.

²⁸Shan dai hpe shadu ai ga dibu hpe gaw agrawp kau na rai wu ai; magri di rai yang gaw, arut nhtawm, ntsin hte kashin kau na rai wu ai.

²⁹Hkinjawng ni hta na lasha ni yawng dai mai sha na rai ma ai: dai gaw chyoi pra htum ai rai nga ai.

³⁰Dai chyoi pra ai shara e htingrai htingrat na matu, shawa sum kata de asai la shawn ai htingrai hkungga shagu a ashan gaw mai sha na n rai: dai gaw wan hte nat kau na rai wu ai.