Read Jinghpaw Hanson Version Bible HOSEA 11 Bible Online

HOSEA 11 - Jinghpaw Hanson Version Bible bible

HOSEA 11

¹“Israela gaw ma naw rai nga yang, ngai shi hpe tsawra nna, ngai sha hpe Egutu mung na shaga la se ai.

²Myihtoi ni gaw shanhte hpe je shaga, shanhte je lam dam mat wa ma ai: shanhte gaw Balim hpara ni hpe hkungga nawng ya nna, tawk ai sumla ni hpe manam pyaw ai baw nat nawng ya ma ai.

³Ngai chyawm gaw Ehprim hpe hkawm sharin nngai; nye a lata hta shanhte hpe pawn nngai: rai timung ngai lanu lahku ai hpe, shanhte n chye ma ai.

⁴Masha hpe dun ga ai sumri ngu ai, tsawra ai sumri hte, ngai shanhte hpe dun nngai: kandang hpe yawn ya nna, shanhte hpe angwi sha ushat jaw ai wa zawn, ngai rai nga nngai.”

⁵“Shanhte gaw Egutu mung de nhtang wa lu na n rai: ngai hpang de n wa hkraw ai majaw, Asuri wa gaw, shanhte a hkawhkam tai na ra ai.

⁶Tinang a hpaji daw ai lam majaw, nhtu tsin-yam gaw, shanhte a mare ni a ntsa e du nna, mare htinggrang ni hpe agrawp kau ai hte shamyit kau na ra ai.

⁷Nye a amyu masha ni gaw, ngai kaw na htak mat mayu ai myit rawng nga ma ai: Tsaw htum ai wa hpang de shanhte hpe shaga timung, shi hpe shagrau sha-a mayu ai wa langai mi n nga ai.”

⁸“Ehprim e, ngai nang hpe kaning rai kau da lu na rai ta? Israela e, nang hpe kaning rai ap kau lu na rai ta? Adma mare zawn, nang hpe kaning di shatai kau lu na rai ta? Zeboim mare zawn, kaning di tawn da na rai ta? Nye kraw kata e nye a myit galai nga nna, nye a n-gaw nwai ai myit katu nga ai.

⁹Ngai gaw masin pawt kahtet ai hte maren, n dawdan mayu nngai; Ehprim hpe shamyit kau na, ngai nhtang wa na nngai, n rai: kaning rai nme law, ngai gaw masha n rai, Karai Kasang rai nga nngai: na a ka-ang e shanu nga ai Chyoi pra Htum ai wa, ngai rai nga nngai; ngai gaw n-yun bu ai hte du na n rai.

¹⁰Yehowa gaw hkanghkyi zawn shabam nna, shanhte gaw shi hpang de hkan nang na mara ai: shi shabam yang, kashu kasha ni gaw, sinna maga de na, hkrit gari ai hte du na mara ai.

¹¹Shanhte gaw, u zawn Egutu mung na hkrudu zawn Asuri mung na, hkrit gari let du nna, ngai shanhte hpe tinang nang a buga hta shanu nga shangun na nngai,” nga nna Yehowa tsun ai.