Read Jinghpaw Hanson Version Bible HOSEA 4 Bible Online

HOSEA 4 - Jinghpaw Hanson Version Bible bible

HOSEA 4

¹Israela kashu kasha ni e, Yehowa a ga madat mara nga mu: kaning rai nme law, dai mungdan hta kangka ai, matsan dum ai hte Karai Kasang hpe chye chyang ai myit n nga ai majaw, Yehowa gaw mung masha ni hte tara dangrang hkat na amu rawng nga ai.

²Matsa mawa, masu ai ga, masha sat ai, lagu lagut hte num shaw la shaw ai amu hkrai, rai nga ai: shanhte hpya sha nna, masha sat ai yubak matut manoi rai nga ai.

³Dai re ai majaw, dai mungdan gaw yawn hkyen nga nna, dai hta shanu nga ai ni yawng hte hpawn, pa ga na ashu ashan ni, ntsa malen u ni gawng kya na mara ai: gaja wa, nammukdara nga ni pyi, htum mat na mara ai.

⁴Rai timung, kadai mung n daru u ga; kadai mung n sharin u ga: kaning rai nme law, na a amyu masha ni gaw, hkinjawng wa hte pyi nhtan shai ai ni zawn, rai nga ma ai.

⁵Nang gaw shani chyingtung e ahtu kataw na rin dai; myihtoi wa mung, shana aten e nang hte rau ahtu kataw na ra ai: ngai gaw na nnu hpe shamyit kau na nngai.

⁶Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.

⁷Shanhte law htam wa ai hte maren, ngai hpe yubak galaw masai: ngai shanhte a arawng sadang hpe, kaya kahpa hte shayu kau na nngai.

⁸Nye amyu masha ni a yubak gaw, shanhte a galaw lu galaw sha shara rai nga ai: dai ni a shut hpyit ai hta, shanhte myit manoi nga ma ai.

⁹Shing rai yu maya masha ni hta byin ai zawn, hkinjawng ni hta mung byin na ra ai: shanhte a arawn alai hpe ngai sawk yu nna, shanhte galaw ai hte maren matai htang na nngai.

¹⁰Shanhte gaw Yehowa hpe shinggan kau ai majaw, shanhte sha timung, hkru kat lu ai, n rai; liknga lam shachyut timung, law htam wa na, n rai.

¹¹Liknga lam, tsabyi jahku hte chyaru, myit hpe shamak kau nga ai.

¹²Nye a amyu masha ni gaw, tinang a hpuntawng hte bawng yu ma ai; shanhte a dawhkrawng gaw, hpaji daw ya ai: liknga lam hta kayut ai majaw, shanhte lam dam nna, shawa num tai let, tinang a Karai Kasang npu na, pru mat wa ma ai.

¹³Shanhte gaw bum pungding ntsa e mung, kawng ni a ntsa e mung, shingnip tsawm ai wamyi hpun, libna hpun hte magyeng hpun npu e mung, hkungga nawng ya nna, manam pyaw ai baw nat nawng ma ai: dai re ai majaw, nanhte a shayi sha ni shawa num tai nna, nanhte a nnam ni la shaw ai amu galaw ma ai.

¹⁴Nanhte a shayi sha ni shawa num, nanhte a nnam ni la shaw ai num tai yang, ngai shanhte hpe ari jaw na, n rai: kaning rai nme law, la ni pyi shawa num hkan tam nna, n se ai num ni hte rau hkungga nawng ya ma ai: nyan n rawng ai amyu gaw, htum mat ai hkrum na ra ai.

¹⁵Israela amyu e, nang shawa num tai timung, Yuda amyu n shut n hpyit u ga: Gilgala de hkum shang myit; Bet-awen de hkum lung myit; Yehowa hkrung nga ai hte maren, nga nna hkum dagam myit.

¹⁶Israela amyu gaw, n bik ai upra zawn, myit ja ai madun nga ai: ya Yehowa gaw shanhte hpe sagu kasha zawn, dam lada ai shara e rem na ra ai.

¹⁷Ehprim gaw hpara sumla ni hta matut manoi nga ai; shi nga nga u ga.

¹⁸Shanhte a lu lai sha lai poi lai wa sai; shanhte gaw tutnawng shawa num amu galaw ma ai; mung du ni gaw kaya kahpa amu grai ra ma ai.

¹⁹Nbung gaw tinang a singkaw hte shi hpe ka-up nna, shanhte gaw tinang a shagu hkungga majaw, kaya kahpa hkrum na mara ai.