Read Jinghpaw Hanson Version Bible HOSEA 8 Bible Online

HOSEA 8 - Jinghpaw Hanson Version Bible bible

HOSEA 8

¹Pahtau dum u; hpyen wa gaw langda zawn Yehowa nta de du ra ai: kaning rai nme law, shanhte gaw nye a ga shaka hpe lai kau nna, nye a tara hpe tawt lai kau manu ai.

²Shanhte gaw, Nye a Karai Kasang e, anhte Israela amyu nan nang hpe chye ga ai, nga nna ngai hpe jahtau timung,

³Israela gaw mai kaja ai hpe kau da ai majaw, hpyen wa gaw shi hpe hkan shachyut na ra ai.

⁴Shanhte gaw hkawhkam hpe aya dang timung, nye a ahkang hte n rai; du hpe tawn da timung, ngai n chye nngai: shanhte shamyit kau ai hkrum hkra, tinang a aja gumhpraw hte tinang a matu, hpara sumla galaw manu ai.

⁵Samari e, na a dumsu kasha hpe shi kau da nu ai; nye a pawt sindawng ai myit, nawku ai ni hpe kahtet nga ai: shanhte gaw gaten du hkra, san seng ai myit n rawng na ma hka?

⁶Kaning rai nme law, dai gaw Israela masha ni shapraw ai sha rai nga ai: lasama wa dai hpe galaw nna, dai gaw Karai Kasang n rai; gaja wa, Samari a dumsu kasha gaw, kahtum gadaw agrawp kau ai hkrum na ra ai.

⁷Shanhte gaw nbung nli gat nna, bungsha shu la na mara ai; mam hpun tu na n rai. Nkyang hta shadung rawng na, n rai: rawng timung, tsasam masha ni dai hpe gamaw kau na mara ai.

⁸Israela gaw gamaw kau ai hkrum nga ai: ya shanhte gaw masha amyu ni hta, kadai n ra ai hka wan zawn rai nga ma ai.

⁹Kaning rai nme law, shanhte gaw shi hkrai rai nga ai lawze nhprang zawn, Asuri mung de lung wa masai: Ehprim gaw sumtsaw sumra ni hpe kumhpa jaw nga ai.

¹⁰Gaja wa, shanhte gaw maigan amyu ni hpe kumhpa jaw timung, ngai shanhte hpe ya shinggyin tawn nna, shanhte gaw gade n na yang, du ni a hkawhkam wa lit majaw, yawm hpang wa na mara ai.

¹¹Ehprim gaw yubak galaw na matu, tawn hkungri shalaw ai majaw, tawn hkungri ni shi a yubak lam tai wa sai.

¹²Ngai gaw nye a tara mun sen shi a matu ka da timung, dai hpe hpa n re ai zawn nawn nga ai.

¹³Ngai hte seng ai shagu hkungga gaw, nawng ya ai ni sat nna, de a shan hpe sha ma ai; Yehowa chyawm gaw dai ni hta sharawng lu ai, n rai: ya shi gaw, shanhte a shut hpyit ai hpe dum nna, shanhte a yubak majaw ari jaw na ra ai; shanhte gaw Egutu mung de nhtang wa na mara ai.

¹⁴Kaning rai nme law, Israela gaw tinang a Hpan Madu hpe malap kau nna, nawku Htingnu ni dè da nga ai; Yuda gaw bunghku kum ai mare ni shalaw ma ai; rai timung, ngai gaw mare ni hpe nat kau nna, de a hpyen dap ni hkru mat na ra ai.