Read Jinghpaw Hanson Version Bible AMO 5 Bible Online

AMO 5 - Jinghpaw Hanson Version Bible bible

AMO 5

¹Israela dap e, ya ngai na a lam sharung shayawt ai ga hpe, madat mara la u.

²Israela hkawnsek kataw nga sai, htawm hpang de rawt lu na n rai: shi gaw shi a ga hta kabai jahkrat kau ai hkrum nga ai; shi hpe bai sharawt ai wa n nga ai.

³Kaning rai nme law, masha hkying mi shapraw ai mare hta latsa, latsa shapraw ai mare hta marai shi sha, Israela dap hta ngam nga na ra ai, nga nna Madu Yehowa tsun ai.

⁴Bai Yehowa gaw Israela dap hpe, Ngai hpe hkan tam mi, shaloi nanhte hkrung nga na myit dai;

⁵Betela hpe hkum tam myit; Gilgala de hkum shang myit; Berasheba de hkum lai sa myit: kaning rai nme law, Gilgala gaw teng teng bawng dung hkrum na ra ai; Betela gaw be lagya tai na ra ai.

⁶Yehowa hpe hkan tam mu, shaloi nanhte hkrung nga na myit dai; shing n rai, shi gaw Yawsep a nta ntsa e wan zawn lung nna, kadai n sat lu hkra, Betela shara hpe hkru kau na ra ai, nga ai.

⁷Tara malang ai hpe lashi pila shatai nna, dinghpring ai lam hpe ga de jahkrat kabye kau ai ni e,

⁸kru majan hte wala shingtau hpan da ai wa; si ai shingnip hpe jahpawt nhtoi zawn, shani nhtoi hpe shana zawn, hpajang da ai wa; nammukdara hka hpe shaga nna, lamu ga ntsa e ru dat ai wa;

⁹hpyen dap ni hten byak ai hkrum hkra, wa-ngan ni hpe akajawng sha jahten shabyak chye ai wa hpe, hkan tam mu: shi a amying shingteng Yehowa rai nga ai.

¹⁰Shanhte gaw, mare chyinghka lam e sharin achyin ai wa hpe n dawng nna, malang ai ga tsun ai wa hpe, matsat kau manu ai.

¹¹Nanhte gaw matsan mayan ni hpe adip arip di nna, mam hkaulaw hpyi ai majaw, tawk ai nlung hte wahpang gaw da timung, dai hta rawng lu na myit dai n rai; tsawm ai tsabyi sun hkai sharing da timung, tsabyi jahku lu lu na myit dai, n rai.

¹²Kaning rai nme law, nanhte a tawt lai ai yubak amyu myu hte, nanhte a mara gade kaba nga ai hpe, ngai chye nngai: nanhte gaw dinghpring ai ni hpe zingri zingrat nna, sake manawn sha let, matsan mayan ni hpe mare chyinghka lam e n tara ai hku dawdan myit dai.

¹³Dai rai nna, ndai aten gaw n shawp ai aten rai nga ai majaw, nyan rawng ai wa gaw, atsin sha nga na ra ai.

¹⁴Nanhte ahkrung nga lu hkra, kaja ai hpe tam mu; n kaja ai hpe koi kau mu; dai rai yang, nanhte tsun ai hte maren: Zaw nawng zaw wa up ai Karai Kasang Yehowa, nanhte hte rau nga na ra ai.

¹⁵N kaja ai hpe n dawng nna, kaja ai hpe tsawra mu: mare chyinghka lam e tara malang ai hku tawn da mu: shing rai yang, Zaw nawng zaw wa up ai Karai Kasang Yehowa gaw, naw ngam nga ai Yawsep a masha ni hpe, matsan dum dam nhten.

¹⁶Dai re ai majaw, Zaw nawng zaw wa up ai Karai Kasang, Madu Yehowa ning nga ai: Lam nmaw yawng hta, hkrap shabam nga nna, mare lam shagu hta, Ala, ala, nga nna jahtau na mara ai: yawn hkyen na matu, yi hkauna galaw ai wa hpe mung, hkrap shabam na matu, sharung shayawt chye ai wa hpe mung, shanhte shaga na mara ai.

¹⁷Kaning rai nme law, ngai na a ka-ang hku ga hkawm wa na nngai majaw, tsabyi sun ni yawng, hkrap shabam na mara ai, nga ai.

¹⁸Yehowa a nhtoi hpe marit ai ni, dingnye lu ma ai; Yehowa a nhtoi du na, nanhte a matu hpa akyu nga a ta? dai nhtoi gaw, htoi na n rai, nsin tai na ra ai.

¹⁹Masha gaw hkanghkyi hprawng nna, tsap hkrum ai zawn, nta nhku de shang nna, shakum hta shamyet yang, lapu kawa hkrum ai zawn, tai na ra ai.

²⁰Yehowa a nhtoi gaw, htoi na n rai, nsin tai na ra ai, n rai ni? gaja wa nsin mak rai nna, hpa mung htoi na n rai.

²¹Nanhte galaw ai poi ni hpe ngai n dawng nna, matsat kau nngai; nanhte a shawa zuphpawng ni hta, ngai sharawng awng nga na n rai.

²²Gaja wa, nanhte gaw, wan nat hkungga hte shadung hkungga ngai hpe nawng ya timung, ngai n hkap la na nngai: hpum sau ai yamnga ni hpe, mahku hkungga jaw timung, ngai hpa n nawn na nngai.

²³Nanhte a mahkawn mangoi ga a wu ngoi ai hpe, jasim kau mu; na a tingse ni a mahku, ngai n na ra nngai.

²⁴Tara malang ai lam hka zawn, dinghpring ai lam tut lwi ai hka nu zawn, lwi nga u ga.

²⁵Israela amyu e, nanhte gaw nam mali hkan e, shagu hkungga hte shadung kumhpa, mali shi ning tup, ngai hpe nawng ya myit ni?

²⁶Gaja wa nanhte gaw, tinang a matu galaw tawn ai, nanhte a hkawhkam wa a sum hte, nanhte a hpara shagan sumla shadun ai sumpu hpe, hpai hkawm manit hka!

²⁷Dai re ai majaw, Damasku mare tawt hkra, ngai nanhte hpe bawng dung sa shangun na nngai, nga nna Zaw nawng zaw wa up ai, Karai Kasang a mying shingteng mying ai, Yehowa tsun nga ai.