Read Jinghpaw Hanson Version Bible ZEHKARIA 13 Bible Online

ZEHKARIA 13 - Jinghpaw Hanson Version Bible bible

ZEHKARIA 13

¹“Dai shani e, Dawi a nta na ni hte, Yerusalem mare na ni a yubak mara hte agang chyalang kashin kau na hka hpawk, hpaw nga na ra ai.”

²“Zaw nawng zaw wa up ai Yehowa ning nga ai: Dai shani e ngai gaw, Hpara sumla ni a amying hpe dai mungdan hta na jahtum kau nna, htawm hpang de dai ni hpe, kadai dum na n rai; dai hta n-ga, myihtoi ni hpe mung, n san n seng ai wenyi ni hpe mung, ndai mungdan kaw na ngai shapraw kau na nngai.

³Marai langai ngai naw htoi ai rai yang, shi hpe shangai ai kanu yan kawa gaw, Yehowa amying gang nna, masu ga tsun ndai majaw, nang hkrung nga lu na n rai, nga nna daru let, shi myihtoi htoi nga yang, shi hpe galun htinggrang na mara ai.

⁴Dai shani e myihtoi htoi ai wa kadai mung, tinang mu ai shingran majaw, kaya dum na ra ai: shanhte gaw hkalem hkalau sha na matu, mazut ai nba lawai na n rai:

⁵shi chyawm gaw, ‘Ngai myihtoi n rai; yi hkauna galaw sha ai wa rai nngai; brang ram prat kaw nna, ngai mayam tai ni ai,’ nga nna yin la na ra ai.

⁶Shaloi langai ngai gaw, ‘Ataw, na a lata na nma hkang, hpa rai ta? nga nna san yang, Ndai gaw, jinghku ni a nta e ngai hkrum ai nma rai nga ai,’ nga nna shi htan na ra ai.”

⁷“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

⁸Mung ting hta e, htam masum hta htam lahkawng, jahtum kau ai hkrum nna, nsa hti mat timung, htammi naw ngam nga na ra ai, nga nna Yehowa tsun ai.

⁹Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.