Read Jinghpaw Hanson Version Bible LUKA 13 Bible Online

LUKA 13 - Jinghpaw Hanson Version Bible bible

LUKA 13

¹Dai tawng hte hta, dai yang e nga ai ni nkau mi, Pilat munggyi gaw Galile masha nkau mi a asai hpe, shanhte nawng ai hkungga hte kayau kau ai lam, shi hpe tsun dan mu ai.

²Shi shanhte hpe, “Dai Galile masha ni shing re ai hkrum ma ai majaw, Galile masha yawng hta yubak grau law ma ai, ngu nna nanhte myit da mu ni?

³Dai n rai, ngai nanhte hpe tsun made ga; nanhte mung myit malai n lu myit yang gaw, nanhte nlang dai hte maren hten bya mat na marin dai.

⁴Dai hta kaga, ‘Siloam kahtawng na langchyi daw hkrat nna, kamyet si ai masha shi matsat gaw, Yerusalem mare na ni yawng hta mara grau law ma ai,’ ngu nna nanhte myit da mu ni?

⁵Dai n rai, ngai nanhte hpe tsun made ga; nanhte mung myit malai n lu myit yang gaw, nanhte nlang dai lam hte hten bya mat na marin dai,” ngu mu ai.

⁶Ndai ga shadawn mung shi tsun wu ai gaw, “Masha langai mi shi a tsabyi sun hta hkai da ai maihpang hpun langai mi tu lu ai rai nna, dai hta na asi sa tam yang, n mu wu ai.

⁷Dai rai nna shi gaw, ‘Yu u, ngai masum ning tup dai maihpang hpun hta na asi sa tam timung n mu we ai; dai hpe kran kau u: hpa rai ga lahpawt tu nga na a ta?’ ngu nna tsabyi sun lajang ai wa hpe tsun wu ai.

⁸Dai wa gaw, ‘Madu e, dai ning sha gaw naw tu nga yu u ga, de a nhpang grup e ngai htu kapun nna hpun apawm na we ai:

⁹dai hpang asi si yang gaw, tu nga u ga: asi n si yang gaw, nang kran kau na rai nga ai,” ngu nna madu hpe htan wu ai.

¹⁰Laban nhtoi hta e tara jawng langai mi hta shi sharin shaga nga ai.

¹¹Shaloi, Yu mu, shi matsat ning tup machyi jahkrum nat kap ai numsha langai mi nga ai: shi gaw marung htingkung mat nna, shi hkum hpe loi mi muk n malan lu nu ai.

¹²Yesu dai numsha hpe mu jang, shi hpang de shaga la nna, “Numsha e, na machyi ai hta na nang lawt lu nit dai,” nga nna

¹³shi a ntsa e lata mung mara ya wu ai: shaloi jang shi a malang jan rai lu nna, Karai Kasang hpe shakawn kungdawn nga ai.

¹⁴Shing rai Yesu gaw laban nhtoi e shamai ya ai majaw, tara jawng agyi wa gaw masin kahtet nna shawa masha ni hpe, “Amu bungli galaw mai ai nhtoi kru ya nga ai; dai nhtoi ni hta shamai la na sa mu: laban nhtoi hta gaw hkum sa myit,” ngu nna tsun mu ai.

¹⁵Shaloi dai Madu shi hpe, “Sawt ai masha ni e, nanhte langai hte langai laban nhtoi e tinang a yamnga lawze hpe ntsin shayaw na ulawng na raw dat ga myit dai, n rai ni?

¹⁶Dai rai yang gaw, ndai Abraham a shayi sha hpe mung, shi matsat ning tup, Satan e gyit hkang da ai sumri hta na, laban nhtoi e mai raw dat ai, n rai ni?” ngu nna htan wu ai.

¹⁷Shing ngu tsun jang, shi hte nhtan shai ai ni nlang hte gaw kaya mat shajang ma ai: shawa masha ni yawng hte chyawm gaw, shi galaw ai hpung shingkang amu mahkra a majaw, kabu gara shajang nga ma ai.

¹⁸Dai re ai majaw shi gaw, “Karai Kasang a mungdan gaw hpa hte bung a ta? ngai hpa hte shadawn na rai ta?

¹⁹Dai gaw, masha langai mi shi a sun hta gat dat ai chyinghkrang tum hte bung nga ai: dai tum gaw tu kaba wa ai hte, hpun tai hkra rai nna, ntsa malen u ni de a lakung lakying ni hta dung nga lu ma ai,” ngu wu ai.

²⁰Bai shi gaw, “Karai Kasang a mungdan hpe, ngai hpa hte shadawn na rai ta?

²¹Dai gaw, numsha e la nna, muk shadung dang masum hta bang nhtawm, mahkra hte hpe shawawm dat lu ai matsi hte bung nga ai,” ngu wu ai.

²²Bai shi gaw, mare kahtawng langai hte langai de shang sa wa nna, sharin shaga let, Yerusalem de lai sa wa ai.

²³Shaloi masha langai mi gaw, “Madu e, hkye hkrang la ai kaw du ai ni n law ma ni?” ngu wu ai.

²⁴Yesu gaw, “Gyip ai chyinghka hku shang lu na, shaja mu: ngai nanhte hpe tsun made ga, masha law law wa shang na tam ma ai rai timung, n shang lu ai nga na mara ai.

²⁵Nta madu wa chyinghka rawt la kau sayang, nanhte shinggan e tsap nga nna chyinghka akawk let, ‘Madu e, anhte e hpaw la mi,’ nga nna hpyi myit yang, dai wa gaw, ‘Nanhte kanang na rai myit dai gaw, ngai n chye made ai,’ nga nna htan myit jang,

²⁶shaloi nanhte gaw, ‘Anhte na a man e lu sha saga ai; anhte a lam hkan e mung nang sharin shaga ya yu nit dai, nga na marin dai:

²⁷nta madu wa chyawm gaw, Nanhte kanang na rai myit dai gaw ngai gaja wa n chye ngu nga nngai; n teng n man ai hku hkan galaw ai ni nlang hte e, ngai kaw na pru wa mu,’ ngu nna htan kau na myit dai.

²⁸Abraham, Isak, Yaku hte myihtoi ni nlang, Karai Kasang a mungdan e nga nga ai hpe nanhte mu lu nna, nanhte hkum dai gaw shinggan de shapraw kau hkrum myit dai shaloi, dai yang e hkrap ngu hkrap ngoi ai hte wa urin udik ai, rai na ra ai.

²⁹Dai shaloi, sinpraw sinna, dingdung dingda maga de na masha ni sa nna, Karai Kasang a mungdan hta ningngai nga na mara ai.

³⁰Shaloi, yu mu, hpang hkrat ai ni a nkau mi gaw, shawng na mara ai; shawng ai ni nkau mi mung, hpang hkrat na mara ai,” ngu nna shanhte hpe tsun mu ai.

³¹Dai ahkying hta nan Hparishe nkau mi, “Nang na pru mat wa u: Herod nang hpe sat na maw nga ai,” ngu nna shi hpe sa tsun mu ai. Shaloi shi gaw,

³²“Dai chyahkyawn hpe ning ngu wa tsun mu, ‘Yu u, dai ni hte hpawt ni nhtoi hta mung, ngai nat shaden kau nna machyi makaw shamai ya na rai nga nngai; masum ya nhtoi du jang she nye amu ngut na,’ rai nga ai:

³³rai timung, dai ni, hpawt ni hte hpawt din ni ngai naw sa wa ra nga nngai: kaning rai nme law, Yerusalem mare hta kaga, myihtoi si mai ai shara n nga lu ai.

³⁴“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! u kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu timung, nanhte n hkraw myit dai.

³⁵Yu mu, nanhte a nta gaw a katsi katsang kram nga ai. Nanhte hpe ngai tsun made ai gaw, nanhte nan, Madu a amying ningsang hte du sa ai wa gaw, a nga ai law, n nga nga gaw, nanhte ngai hpe n mu lu na manit dai, ngu nna shanhte hpe tsun mu ai.