Read Jinghpaw Hanson Version Bible LUKA 14 Bible Online

LUKA 14 - Jinghpaw Hanson Version Bible bible

LUKA 14

¹Shaloi shi gaw laban nhtoi langai mi hta, Hparishe agyi langai mi a nta e shat sha na nga, shang nga nga yang, shanhte gaw shi hpe la mada yu nga ma ai.

²Shaloi, yu mu, namling ling ai masha langai mi, shi a man e nga nga ai.

³Dai rai nna Yesu gaw, “Laban nhtoi hta machyi shamai mai a ni? n mai a ni?” ngu nna tara sara ni hte Hparishe ni hpe san mu ai.

⁴Shanhte gaw atsin sha nga ma ai. Shaloi dai wa hpe shi jum la nhtawm, shamai ya nna, dat dat wu ai.

⁵Shi shanhte hpe mung, “Nanhte hta tinang a kasha, shing n rai, yamnga, laban nhtoi shani e hka htung hta hkrat bang yang, shaloi jang n dun shaw la ai nga na, kadai wa rai myit ta?” ngu nna tsun mu ai.

⁶Shanhte chyawm gaw dai ga hpe hpa n htan lu ma ai.

⁷Shaga da ai ni gaw reng grau ai dung shara ni lata la ai hpe mu wu yang, shi shanhte hpe ga shadawn hku tsun mu ai gaw,

⁸“Masha langai ngai nang hpe num hkungran poi de shaga yang, reng grau ai shara hta hkum dung et: nang hta grau arawng lu ai wa hpe mung shi shaga ra nhten;

⁹nan lahkawng hpe shaga ai wa sa nna, ‘Ndai wa hpe shara yen ya u,’ nga nna nang hpe tsun kau yang, nang gaw kaya ai hte nhting htang de htawt lu na ndai.

¹⁰Dai rai nna, masha nang hpe shaga yang, nhting htang e sa dung u: shaloi nang hpe shaga ai wa sa nna, ‘Jinghku wa e, naw sit lung u,’ nga nna nang hpe tsun yang, nang hte rau dung nga ai ni nlang hte a man e, nang arawng lu na rin dai.

¹¹Kaning rai nme law, tinang hkum shagrau ai wa kadai mung, grit mat ai hkrum na ra ai: tinang hkum shagrit ai wa chyawm gaw, shagrau ai hkrum na ra ai,” ngu wu ai.

¹²Shi hpe shaga ai wa hpe mung shi tsun wu ai gaw, “Jahpawt shat, shing n rai, shana shat nang galaw daw ai rai yang, na a jinghku jing-yu ni, nhpu nnau ni, mayu dama ni hte sut lu ai htingbu ni hpe hkum shaga et: shing n rai jang she, shanhte mung nang hpe bai shaga daw nna, chyeju htang lu na mara ai.

¹³Nang poi galaw daw n-yang gaw, matsan mayan ni, jahten labye ni, lagaw hten ai ni hte myi kyaw ai ni hpe shaga la u:

¹⁴shing rai jang gaw, nang a lu na ndai: shanhte nang hpe chyeju htang lu na ma ai n rai: dai re ai majaw, tengman ai ni a bai hkrung rawt wa ai hta, de a akyu chyeju nang hkam la na rin dai,” ngu wu ai.

¹⁵Shi hte rau sha dung nga ai masha langai mi dai ga na jang, “Karai Kasang a mungdan hta shat sha lu na wa gaw a lu ai, ngu nna shi hpe tsun wu ai.

¹⁶Yesu gaw dai wa hpe, Masha langai mi shana shat daw na poi kaba lawn wu ai rai nna, masha law law hpe shaga da wu ai:

¹⁷shat daw hkying du jang, shaga da sai ni hpe, ‘Sa marit, lusha yawng jin masai,’ ngu nna shi a mayam hpe shaga shangun dat wu ai.

¹⁸Shaloi dai ni nlang hte gaw, myit langai sha hte tinang hpe dat kau na hku hpyi ma ai. Langai mi gaw, ‘Ngai hkauna lung mi mari da se ai rai nna, dai sa yu ra nngai majaw, ngai hpe naw dat e,’ ngu nna shi hpe tsun wu ai.

¹⁹Langai wa mi gaw, ‘Ngai wutang gap manga mari ni ai rai nna, dai shagun chyam yu ra nngai majaw, ngai hpe naw dat e,’ ngu wu ai.

²⁰Langai wa mi mung, ‘Ngai num la ni ai rai nna, n sa lu nngai,’ ngu wu ai.

²¹Shaloi dai mayam bai wa nna shi a Madu hpe dai lam mahkra tsun dan wu ai. Dai ga na jang nta madu wa gaw masin pawt la ai hte shi a mayam hpe, ‘Mare na nmaw lam ni hte htingwan lam ni de alawan sa nna, matsan mayan ni, jahten labye ni, myi kyaw ai ni hte lagaw hten ai ni hpe shaga woi wa rit,’ ngu nna shangun dat wu ai.

²²Dai hpang mayam wa gaw, ‘Madu e, na a ga hte maren galaw ngut se ai; rai timung, dung shara naw man nga ai,’ ngu wu ai.

²³Shing nga jang madu gaw, ‘Lam nmaw ni hte sun nhpan hkan pru sa nna, nye a nta hpring wa u ga, shanhte hpe adip akrip woi bang rit:

²⁴ngai nanhte hpe tsun made ai gaw, Shawng e shaga da ai ni langai mi muk, nye a shana shat chyim lu na n rai, ngu nna mayam hpe tsun dat wu ai,” ngu wu ai.

²⁵Dai shaloi shawa hpung kaba shi hte rau sa wa nga ai rai nna, dai ni hpe kayin yu let,

²⁶“Ngai kaw sa du ai wa kadai mung, tinang a kanu kawa, madu jan kasha ni hte, kahpu kanau kajan ni hpe mung, dai hta n ga tinang a asak hpe mung, n dawng n rai yang gaw, dai wa gaw nye a sape n tai lu ai.

²⁷Kadai mung tinang a wudang hpai let nye hpang n hkan ai wa gaw, nye a sape n tai lu ai.

²⁸Kaning rai nme law, nanhte hta na masha langai mi, wahpang langchyi gaw mayu yang, dai ngut ram hkra shi lu ai gumhpraw law na n law na, hkrat ang ai jahpu hpe dung nna, shawng n sawn yu na masha nga a ni?

²⁹Shing n rai yang, npawt nhpang jung ngut nhtawm, ngut hkra n di lu yang gaw,

³⁰‘Ndai wa gaw npawt gaw hpang nhtawm ngut hkra n di lu nu ai,’ nga nna mu ai ni yawng e jaw na mara ai.

³¹Lam mi gaw, hkawhkam langai mi kaga hkawhkam hpe gasat na maw yang, masha mun lahkawng hte sa ai wa hpe, mun mi hte hkap manga lu na, n manga lu na, dung nna shawng n bawng yu ai, nga na a ni?

³²Shing n rai yang, dai kaga hkawhkam wa tsan tsan e naw rai nga yang, kasa shangun dat nna, htinglu htinglai na lam hpyi nem na ra ai.

³³Dai hte maren, nanhte hta tinang a arai nga manga hpe n kau da ai wa gaw, nye a sape n tai lu ai.

³⁴Jum gaw kaja nga ai; rai timung, jum shum ai hkawng mat yang gaw, hpa hte jashum la lu na rai ta?

³⁵Dai gaw ga a matu mung, namhpun di na matu mung, akyu n rawng ai rai nna, shinggan de kabai kau ga ma ai. Na la na, na tu ai wa gaw, na la u ga”