Read Jinghpaw Hanson Version Bible LUKA 4 Bible Online

LUKA 4 - Jinghpaw Hanson Version Bible bible

LUKA 4

¹Dai hpang Yesu gaw, Chyoi pra ai Wenyi hte hpring let, Yawdan hka nna bai wa yang, dai Wenyi e nam mali de

²nhtoi mali shi ya tup woi hkawm wu ai rai nna, Nat e gunglau ai hkrum wu ai. Dai nhtoi hte laman e shi hpa mung n sha ai rai nna dai hte ya lai jang kawsi wu ai.

³Dai rai nna Nat gaw, “Nang karai Kasang a Kasha rai n yang gaw, ndai nlung hpe muk tai u ga, tsun u,” ngu nna shi hpe tsun wu ai.

⁴Yesu gaw, “Masha gaw muk hte sha hkrung nga lu na n rai, nga nna ka da nga ai,” ngu nna htan wu ai.

⁵Bai Nat gaw, shi hpe woi lung wa nna, mungkan ga na mungdan nlang hpe myi grip mi hta sha madun dan nna,

⁶Ndai ahkang aya mahkra hpe, dai ni a hpung shingkang hte nawng, ngai nang hpe jaw na de ai; dai gaw ngai hpe ap ya ni ai rai nna, ngai jaw mayu ai wa kadai hpe mung jaw lu nngai:

⁷dai re ai majaw, nye man e nang nawku n yang gaw, ndai yawng mayawng na a tai na ra ai, ngu nna shi hpe tsun wu ai.

⁸Shaloi Yesu gaw, “Dai Madu na a Karai Kasang hpe nang nawku lu na rai nna, shi hpe hkrai daw jau lu na ndai, nga nna ka da nga ai,” ngu nna shi hpe htan wu ai.

⁹Bai Nat gaw Yerusalem mare de shi hpe woi sa wa nna, dai Nawku Htingnu a nchyun e shadun tawn nhtawm, “Nang Karai Kasang a Kasha rai n-yang gaw, na a hkum hpe nang nna le de jahkrat dat u;

¹⁰kaning rai nme law, “Nang hpe bau sin na, na a matu shi a lamu kasa ni hpe shi hkang da na nu ai.

¹¹Bai, Nlung hta, na a lagaw n ahtu u ga, Shanhte a lata hta nang hpe pawn la na mara ai, nga nna ka da nga ai,” ngu wu ai.

¹²Yesu gaw, “Dai Madu na a Karai Kasang hpe nang chyam yu lu na n rai, nga nna rawng nga ai,” ngu nna htan wu ai.

¹³Nat gaw agung alau lam mahkra shatup ngut jang, shi kaw na tawng marang mi pru nga nga ai.

¹⁴Yesu chyawm gaw Wenyi a atsam hte Galile mung de bai wa ai. Dai ginwang shara magup hkan e shi a lam kajai gumhkawng mat wa ai.

¹⁵Shanhte a tara jawng ni hta shi sharin shaga ya nna, nlang hte gaw shi hpe shagrau sha-a ma ai.

¹⁶Shaloi, shi nga kaba wa ai Nazaret mare de du wa ai; shi a htung hte maren laban nhtoi e dai tara jawng hta shi shang wa ai rai nna, laika hti na rawt wu ai.

¹⁷Shaloi myihtoi Esaia a laika shi hpe jaw wu ai rai nna, dai laika hpaw yang, ning nga ka da ai shara mu hkrup wu ai;

¹⁸“Madu a Wenyi nye a ntsa e nga nga ai: Matsan mayan ni hpe kabu gara shiga hkaw tsun na matu, shi ngai hpe namman chya ni ai: Bawng dung ai ni hpe shalawt lu na lam, Myi kyaw ai ni hpe myi bai mu na lam, hkaw tsun na matu mung, Zingri zingrat hkrum ai ni hpe dat dat shangun na hte,

¹⁹Madu a sharawng awng ai shaning hkaw tsun dan na matu mung, shi ngai hpe shangun dat ni ai,” nga ai.

²⁰Dai laika katsu nna, tara jawng sin ai wa hpe bai ya kau nhtawm, shi dung nga ai: tara jawng na ni nlang hte gaw shi hpe azi yu nga ma ai.

²¹Shi gaw, “Ndai ka da ai ga gaw dai ni nan nanhte a na hta dik mat sai,” ngu nna shanhte hpe ga tsun hpaw wu ai.

²²Nlang hte gaw shi a lam sakse hkam ya ai hte, shi a n-gup hta na pru ai chyeju ga majaw mau nga nna, “Ndai wa gaw Yawsep a kasha n rai nga a ni?” nga nna tsun shajang ma ai.

²³Dai rai nna shi gaw, “Nanhte gaja wa teng teng, Tsi sara e, tinang hkum dai shamai la u; anhte na ai hte maren, Kaperna-um mare e shabyin ai amu zawn, nang na a buga e mung galaw dan u,” nga nna ga shadawn ndai hte ngai hpe tsun na marin dai.

²⁴Bai shi gaw, “Nanhte hpe ngai teng teng tsun made ga, Kadai myihtoi mung tinang buga e arawng n lu ga ai.

²⁵Bai nanhte hpe ngai gaja wa tsun made ga, Elia a aprat e, masum ning e shata kru tup jan gri nna, dai mung ting hkan e nachying hku hku hpang gara rai wa yang, Israela a amyu hta gaida law law nga ma ai:

²⁶rai timung, shanhte hta na langai mi kaw muk Elia hpe n shangun dat wu ai; Sidun mung Zarephta mare na gaida jan langai mi kaw she shangun dat wu ai.

²⁷Myihtoi Elisha a aprat e mung, Israela a amyu hta manggang kap ai masha law law wa nga ma ai, rai timung, shanhte hta na langai mi muk san pra wa lu ai n rai; Suri masha Naman ngu ai wa chyu sha san pra wa lu ai,” ngu mu ai.

²⁸Dai tara jawng na ni nlang hte gaw dai lam na jang, ja ja masin pawt bu ai hte,

²⁹gan rawt nna, mare shinggan de shi hpe shapraw nhtawm, shanhte a mare de ai bum pungding na hkin-gau mahka kaw nna, shi hpe kanawng jahkrat kau na woi sa wa mu ai.

³⁰Shi chyawm gaw shanhte a ka-ang hku ga pru nna sa mat wa ai.

³¹Shaloi Galile mung na Kaperna-um ngu ai mare langai mi de shi sa du ai. Laban nhtoi ni hta mung shi shanhte hpe sharin shaga mu ai;

³²shi sharin shaga ai lam hpe shanhte mau mat nga ma ai: kaning rai nme law, shi a ga gaw daru magam ahkang ga rai lu ai.

³³Shaloi dai tara jawng hta, n san n seng ai nat shung ai masha langai mi nga ai: dai wa gaw nsen kaba hte jahtau nna,

³⁴“A! Nazaret wa Yesu e, anhte nang hte hpa seng ga ta? anhte hpe jahten na nang sa du n ni? nang kadai re ai ngai chye nga nngai, Karai Kasang a chyoi pra ai wa nang rai nga ndai,” nga ai.

³⁵Shaloi Yesu gaw, “Atsin sha nga u, shi kaw na pru wa u,” ngu nna shi hpe daru kau wu ai. Dai rai nna Nat gaw dai wa hpe ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

³⁶Dai majaw nlang hte gaw mau mahka nga ma ai rai nna, “Ndai ga gaw kaning re ai ga re ai i? daru magam ahkang hte mung, n-gun atsam hte mung, n san n seng ai nat ni hpe shi htet da nna shanhte pru mat wa ma ai,” nga nna shada da tsun hkat ma ai.

³⁷Shaloi, dai ginwang grup yin shara shagu hkan e, shi a lam kajai gara gumhkawng pri rai wa sai.

³⁸Dai tara jawng na shi rawt wa nna, Simun a nta de shang wa ai. Simun a kani gaw hkali ja ja bu nga ai rai nna, shanhte shi a matu shi hpe hkap hpyi ma ai.

³⁹Dai numsha a makau e tsap nga let, dai hkali hpe shi daru kau wu ai rai nna, shi a hkali kawp mat wa ai: shaloi jang shi rawt nna, shanhte hpe galaw daw mu ai.

⁴⁰Jan shang wa jang, machyi makaw re ai hte ana ahkya amyu myu kap ai masha lu ai ni nlang hte gaw, dai ni hpe shi hpang de woi sa mu ai; shi gaw langai hte langai a ntsa e lata mara ai hte shanhte hpe shamai ya mu ai.

⁴¹Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai: shi Hkristu rai nga ai hpe shanhte chye ma ai majaw, ga n tsun lu hkra, shanhte hpe jet kau mu ai.

⁴²Nhtoi htoi jang shi pru wa nna, nam na machyi shim ai shara de sa du ai. Shawa masha ni chyawm gaw shi hpe hkan tam nna, shi kaw du jang, shanhte kaw na n wa mat u ga, nga nna hkan hkum mayu ma ai.

⁴³Shi gaw, “Karai Kasang mungdan a kabu gara shiga hpe, mare kaga ni hta mung ngai hkaw tsun lu na nngai; dai matu ngai hpe shangun dat ni ai,” ngu nna shanhte hpe tsun mu ai.

⁴⁴Shaloi, Galile mung na tara jawng ni hta, shi hkaw dan nga ai.