Read Jinghpaw Hanson Version Bible YAWHAN 16 Bible Online

YAWHAN 16 - Jinghpaw Hanson Version Bible bible

YAWHAN 16

¹“Nanhte myit kataw shara n nga malit ga, ngu nna she, ndai lam ngai nanhte hpe tsun da made ai.

²Shanhte gaw tara jawng ni hta nna, nanhte hpe shapraw kau na mara ai: gaja wa nan, nanhte hpe sat kau lu ai wa kadai mung, Karai Kasang a magam hpe gun hpai nngai, nga nna myit la ai aten du wa ra ai.

³Shanhte gaw nye Wa hpe mung, ngai hpe mung n chye ma ai majaw, shing di na mara ai.

⁴Rai timung, shanhte a nhtoi du ai shaloi, ngai nanhte hpe ning ngu tsun hkap da sai gaw, nanhte dum lu myit ga, ngu nna ga ndai ngai nanhte hpe tsun nngai: shawng de gaw ngai nanhte hte rau naw nga nngai majaw, ngai nanhte hpe ning ngu n tsun yu nngai.

⁵“Ya chyawm gaw, ngai hpe shangun dat ai wa hpang de ngai wa na ni ai: nanhte hta na mung, ‘Nang gade wa na n ta?’ nga nna ngai hpe kadai n san yu myit dai.

⁶Rai timung, ndai lam ni ngai nanhte hpe tsun made ai majaw, nanhte a myit masin hta yawn hkyen ai hpring mat ma salit dai.

⁷Ning nga timung, tengman ai lam she ngai nanhte hpe tsun nngai: ngai wa ai gaw nanhte a akyu matu rai nga ai: kaning rai nme law, ngai n wa yang gaw, dai Shalan Shabran ai wa nanhte kaw du sa na n rai: ngai wa jang chyawm gaw, ngai shi hpe nanhte hpang de shangun dat na we ai.

⁸Dai wa du jang shi gaw mungkan ga hpe, yubak mara lu ai lam mung, dinghpring lu ai lam mung, tara jeyang na lam mung, dawdan da na wu ai:

⁹yubak mara lu ai lam dawdan da na gaw, shanhte ngai hpe n kam n sham ma ai majaw, rai na rai nga ai:

¹⁰dinghpring lu ai lam dawdan da na gaw, ngai gaw nye Wa hpang de wa mat nna, htawm hpang de nanhte ngai hpe n mu lu na majaw, rai na rai nga ai;

¹¹tara jeyang ai lam dawdan da na gaw, ndai mungkan ga a Du wa tara jeyang hkrum sai majaw, rai na rai nga ai.

¹²Ngai nanhte hpe tsun da na lam law law naw nga ai rai timung, nanhte ya garai n hkam la lu myit dai.

¹³Rai timung, dai tengman ai Wenyi du sa jang, shi gaw tengman ai lam yawng mayawng nanhte hpe madun na ra ai: dai wa gaw shi a myit hte tsun na ra ai n rai; na la lu ai hte made tsun dan na ra ai: htawm hpang de byin na ra ai lam mung, shi nanhte hpe tsun dan na ra ai.

¹⁴Dai wa gaw, ngai lu ai hta na shaw la nna, nanhte hpe tsun shana ya na rai nga ai majaw, nye a hpung shingkang shapraw ya na ra ai.

¹⁵Nye Wa lu malu gaw ngai lu ai rai nga ai: dai majaw, ngai lu ai hta na shi shaw la nna, nanhte hpe tsun shana ya na ra ai,” ngu nna ngai tsun ni ai.

¹⁶“Hkring mi rai jang, nanhte ngai hpe n mu na myit dai; hkring mi bai rai jang, bai mu lu na myit dai,” ngu mu ai.

¹⁷Shing nga ai majaw shi a sape ni nkau mi gaw, “Hkring mi rai jang, nanhte ngai hpe n mu na myit dai; hkring mi bai rai jang, bai mu lu na myit dai,” nga nna mung, “Wa hpang de ngai wa na nngai, nga nna mung, shi anhte hpe tsun mi ai ga gaw, hpa nga ai ga re ai i?” nga nna shada da san shajang ma ai:

¹⁸bai shanhte gaw, “Hkring mi rai jang, nanhte ngai hpe n mu na myit dai, hkring mi bai rai jang bai mu na myit dai, ngu nna ngai tsun ai ga hpe, nanhte shada jawm san hkat da mu ni?”

²⁰Ngai nanhte hpe gaja wa teng teng tsun made ga, “Nanhte gaw hkrap ngu hkrap ngoi ai hte, sharung shayawt ai hkrum na marin dai; mungkan masha ni chyawm gaw kabu gara lu na mara ai; nanhte gaw yawn hkyen ai hkrum na marin dai, rai timung, nanhte a yawn hkyen ai gaw kabu gara ai bai tai na ra ai.

²¹Numsha gaw kasha shangai na rai yang, shi a shangai nhtoi gu sai majaw, yawn hkyen nga ai, rai timung, kasha shangai ngut jang, ndai dinghta ga e masha langai mi shaprat tawn nu ai majaw, kabu gara nga ai rai nna, shawng na ru tsang ai hpe bai n dum wu ai.

²²Dai hte maren nanhte ya yawn hkyen nga myit dai: rai timung, nanhte hte ngai bai hkrum lu nna, nanhte a myit masin kabu gara na ra ai: dai nanhte a kabu gara ai hpe kadai kashun la ya lu na n rai.

²³Dai nhtoi hta nanhte ngai hpe hpa mung n san ra na myit dai: ngai nanhte hpe gaja wa teng teng tsun made ga, Wa kaw na lama ma hpyi myit yang, nye amying a marang e shi nanhte hpe jaw na ra ai.

²⁴Ya du hkra nye a amying hta gang nna, nanhte hpa mung n hpyi yu myit dai: nanhte a kabu gara ai hpring tup wa hkra, lu la na matu, hpyi nga mu.

²⁵“Ndai lam ni hpe ga shadawn hku hte ngai nanhte hpe tsun dan masade ai; ga shadawn hku hte n re ai sha, Wa a lam nanhte hpe dan dan leng leng tsun dan na ahkying gaw, du na ra ai.

²⁶Dai nhtoi e, nanhte nye a amying hpe gang nna hpyi na marin dai; nanhte a matu mara nye Wa kaw ngai hpyi na, n ngu nngai:

²⁷kaning rai nme law, nanhte ngai hpe tsawra myit dai rai nna, ngai gaw Wa kaw na pru sa nngai hpe, nanhte kamsham myit dai majaw, Wa gaw shi hkum nan nanhte hpe tsawra nga ai.

²⁸Ngai gaw Wa kaw na pru sa nna, mungkan ga de du sa ni ai; bai mungkan ga hpe ngai kau da nna, Wa hpang de wa na nngai,” ngu mu ai.

²⁹Shaloi shi a sape ni gaw, “Yu u, ya gaw ga shadawn hku hte n re ai, dan dan leng leng nang tsun nit dai:

³⁰yawng mayawng hpe nang chye nga ndai mung, gade e nang hpe hpa n san ra ai mung, ya anhte chye saga ai: dai re ai majaw nang Karai Kasang kaw na du sa ndai gaw, anhte kam saga ai,” ngu nna tsun mu ai.

³¹Yesu bai htan wu ai gaw, “Nanhte ya kam manit ni?

³²Yu mu, nanhte bra mat nna, ngai hkrai hpe sha kau da nhtawm, langai hte langai tinang a shara de wa mat na ahkying gaw du wa ra ai rai nna, ya pyi du ra ai: rai timung ngai gaw, ngai hkrai nga nngai n rai, Wa gaw ngai hte rau rai nga ai.

³³Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.