Read Jinghpaw Hanson Version Bible KASA 15 Bible Online

KASA 15 - Jinghpaw Hanson Version Bible bible

KASA 15

¹Ya Yuda mung na ni nkau mi sa du nna, hpunau ni hpe, “Nanhte Mawshe a htung hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

²De a majaw bra na lam pru nna, Pawlu yan Barnaba dai ni hte grai ndang kalang hkat ma yang, dai lam hpe jahkrup yu na matu, hpunau ni gaw, Pawlu yan Barnaba hte shanhte hta na nkau mi hpe, Yerusalem de nga ai kasa ni hte salang ni hpang de, shangun dat na san da ma ai.

³shing rai Hpung masha ni shanhte hpe sa sa jang, shanhte gaw Hpinisi mung hte Samari mung ga sa wa let, maigan masha ni a myit malai ai lam hkai dan nna, hpunau ni yawng mayawng hpe grai kabu shangun mu ai.

⁴Yerusalem mare de du jang, Hpung masha ni, kasa ni hte salang ni, shanhte hpe hkap hkalum la ma ai rai nna, Karai Kasang shanhte hta galaw dan ai lam magup shanhte hkai dan ma ai.

⁵Shaloi Hparishe hpung hta na, kamsham ai ni nkau mi rawt nna, “Shanhte hpe matu gadoi hking jaw na hte, Mawshe a tara hku hkan shangun na naw ra nga ai,” nga nna tsun ma ai.

⁶Ya kasa ni hte salang ni, ndai lam bawng yu na matu, zuphpawng nga ma ai.

⁷Dai lam hta law law wa san htailai nga ma yang, Petru rawt nna shanhte hpe, “Hpunau ni e, maigan amyu ni nye a n-gup hta nna, dai kabu gara shiga na la ai hte kamsham u ga nga, shawng nnan e Karai Kasang ngai hpe, nanhte kaw na lata la ai gaw, nanhte chye nga myit dai.

⁸Kraw lawang hpe chye ya lu ai Karai Kasang gaw, anhte hpe jaw mi ai hte maren, shanhte hpe mung, Chyoi pra ai Wenyi jaw ya nna, shanhte a hpang maga sakse hkam ya manu ai;

⁹shing rai, kamsham ai hte shanhte a myit masin hpe kashin ya mu ai rai nna, anhte hte shanhte a lapran e, hpa hku mung ginhka mi ai n rai.

¹⁰Dai rai yang, ji wa ni e mung n dang, anhte mung n hpai dang ai lit hpe, sape ni a lahpa hta shagun ga nga, hpa rai Karai Kasang hpe chyam yu nga myit ta?

¹¹Anhte mung shanhte zawn, Madu Yesu a chyeju hte sha hkye hkrang la ai kaw du na, anhte kamsham nga ga ai,” ngu nna tsun mu ai.

¹²Shaloi shawa hpung ting atsin sha nga nna, Barnaba yan Pawlu, shan a lata hte maigan amyu ni hta, Karai Kasang kaning re ai lamik kumla hte mauhpa amu shabyin ya ai lam ni hkai dan ai ga, madat nga ma ai.

¹³Shan a ga htum jang Yaku mung, “Hpunau ni e, nye ga madat ya yu mi:

¹⁴Karai Kasang gaw maigan amyu ni hta na, shi a amying ningsang a matu, masha amyu mi hpe shaw la na nga, kaning rai shawng nna shanhte kaw kawan katsan sa yu sai lam, Simun tsun dan ma ni ai.

¹⁵Dai lam gaw myihtoi ni a ga hte mung bung nga ai: dai gaw ning nga ka da nga ai,

¹⁶‘Dai amu lam ni a hpang e ngai bai wa nna, Daw taw mat ai Dawi a nawku nta hpe bai gap na we ai; De a marawng marang ni ngai bai gaw nna, Dai hpe bai sharawt da na we ai:

¹⁷Shaloi she, hti nga ai masha ni hte, Nye amying hta shamying la ai maigan amyu danghta, ngai Madu hpe tam lu na mara ai,’ nga nna,

¹⁸Ndai lam hpe chyi nma kaw nna shachye shachyang ai Madu tsun nga ai,” nga ai.

¹⁹“Dai re ai majaw, maigan masha ni hta na Karai Kasang hpang de kayin wa ai ni hpe, hpa mi n sharu ai sha,

²⁰Hpara sumla ni a n san n seng ai hte, ndaw liknga lam, du manat sat ai shan hte, asai re ai ni hpe koi gam na lam, shanhte hpe laika hte shana mai ai, ngu nna ngai myit da we ai.

²¹Kaning rai nme law, Mawshe a tara gaw laban nhtoi shagu, tara jawng ni hta a hti dan nga ma ai majaw, moi prat kaw nna mare shagu, hta dai tara hkaw dan ai ni nga nga ma ai,” ngu nna tsun mu ai.

²²Shaloi kasa ni hte salang ni gaw hpung masha nlang hte bawng nna, shanhte hta na masha lata la nhtawm, Pawlu yan Barnaba hte rau Antioki de shangun dat na lam myit hkrum ma ai: dai hte maren hpunau ni hta na, myit su ai salang Barsaba ngu ai Yuda yan Sila hpe lata la nna,

²³shan a lata hta ka ya dat mu ai ga gaw, “Anhte kasa ni, salang ni, hpunau ni gaw, Antioki mare hte Suri mung, Kiliki mung hkan e nga ai maigan amyu hpunau ni hpang de ngwipyaw ga shana dat ga ai.

²⁴Anhte kaw na pru wa wa re ai nkau mi, anhte muk n hkang dat yang, nanhte hpe ga hte shatsang nna myit gale galau di ya ai hpe, anhte na lu saga ai majaw,

²⁵anhte nlang bawng yu nna, masha lata la nhtawm, anhte a Madu Yesu Hkristu a mying ningsang majaw tinang asak pyi n lahpawt ai,

²⁶anhte a tsawra ai Barnaba yan Pawlu hte rau, nanhte hpang de shangun dat na, myit hkrum ga ai.

²⁷Dai re ai majaw anhte gaw Yuda yan Sila hpe shangun dat gaw ai rai nna, shan a n-gup hte nan, laika hta rawng ai lam hte maren, tsun dan na mara ai.

²⁸Nanhte a matu gaw, Hpara sumla ni hpe nawng ai rai hte, asai, du manat sat ai shan hte, ndaw liknga lam koi gam lu na hta kaga, grau ai lit shaje nanhte hta shagun shara n nga ai, nga nna, Chyoi pra ai Wenyi hte anhte myit hkrum ga ai;

²⁹dai hte hpe nanhte koi gam nga yang, mai kaja na rai malit dai. Hkam kaja nga myit ga law,” nga ai.

³⁰Shanhte hpe shangun dat mu yang, Antioki mare de du nna, hpung masha ni hpe jahpawng tawn nhtawm, dai shagun dat ai laika hpe ap ya mu ai.

³¹Dai hpe hti ngut jang, dai shalan shabran ga majaw, shanhte kabu gara nga ma ai.

³²Yuda yan Sila gaw, myihtoi mung rai ma ai rai nna, mungga law law hte hpunau ni hpe shadum jahprang let shadaw shangang da mu ai.

³³Dai yang e tawng marang mi na hkra nga nga ai hpang, shanhte hpe shangun dat ai hpunau ni hpang de, ngwipyaw ai hte bai shabawn dat mu ai.

³⁴Sila chyawm gaw shi myit shadang nna anga nga ai.

³⁵Pawlu yan Barnaba chyawm gaw, Antioki mare e naw hkring nga ma ai rai nna, manang law law hte, Madu a mungga sharin achyin ya nna, hkaw dan mu ai.

³⁶Dai hpang, nhtoi ram ram na wa jang, Pawlu gaw Barnaba hpe, “Madu a mungga hkaw dan da sai mare shagu hkan na kahpu kanau ni kaning rai nga ma ai, bai sa kawan yu saga,” ngu nna tsun wu ai.

³⁷Barnaba chyawm gaw Marku ngu ai Yawhan hpe shanan la mayu wu ai.

³⁸Pawlu mahtang, shi gaw Pamhpuli mung nna shan hpe kau da ai hte, shan hte rau amu gun hpai ai de n hkan hkraw ai wa re ai, nga nna n shalawm mayu wu ai.

³⁹Dai nhkan e shan ga lai nna, langai hte langai hka mat ma ai; Barnaba gaw Marku hpe woi nna, Kupru zunlawng de li hte sa wa ai.

⁴⁰Pawlu chyawm gaw Sila hpe lata la nna, hpunau ni mung shi hpe Madu a chyeju hte ap dat ngut jang, pru sa wa ma ai.

⁴¹Shing rai Pawlu gaw, Suri mung, Kiliki mung hku ga sa wa nna, Hpung masha ni hpe shadaw shangang mu ai.