Read Jinghpaw Hanson Version Bible ROMA 13 Bible Online

ROMA 13 - Jinghpaw Hanson Version Bible bible

ROMA 13

¹Shinggyim masha nlang hte gaw, daru magam ahkang aya lu ai ni a npu e ataw nga mu ga: kaning rai nme law, Karai Kasang kaw nna sha n rai yang gaw, ahkang aya n nga nga ai: nga nga ai ahkang aya hte mung, Karai Kasang e san da manu ai.

²Dai re ai majaw, ahkang aya hpe lale ai wa gaw, Karai Kasang a tawn da ai aya hpe nhkap shadang nga ai; nhkap shadang nga ai ni chyawm gaw, tinang nan tara dara ai hkrum na mara ai.

³Kaning rai nme law, du ni gaw kaja ai bungli a matu mara hkrithpa tai ma ai n rai; n kaja ai a matu mara hkrithpa rai ma ai. Ahkang aya lu ai wa hpe n hkrit mayu ai nga na myit ni? Mai kaja ai bungli galaw u, shing rai jang shi nang hpe shakawn kungdawn na rin dai:

⁴kaning rai nme law, shi gaw na a akyu ara a matu mara, Karai Kasang a hkringmang rai nga ai. N hkru n hkra ai bungli nang galaw n yang gaw, hkrit kang nga u; kaning rai nme law, shi gaw dai nhtu hpe be lagya hpye wu ai n rai; n hkru n hkra ai bungli galaw ai wa hpe pawt sindawng hkra matai tai ai wa ngu ai, Karai Kasang hkringmang shi rai nga ai.

⁵Dai rai nna, pawt sindawng na hpe tsang ai majaw sha n rai, tinang a myit masin e hkang ai majaw mung, ahkang aya npu e nanhte taw lu na marin dai.

⁶Dai majaw mung, nanhte hkansi bang nga myit dai; kaning rai nme law, Karai Kasang a agyi salang ni shanhte rai nga ma ai rai nna, ndai amu hpe tutnawng e a gun hpai nga ma ai.

⁷langai hte langai hte hpe mai ang ai hte maren jaw ya mu: hkansi mai hta ai wa hpe hkansi, kang mai hta ai wa hpe kang, bang mu; hkrit kamyin mai ai wa hpe hkrit kamyin nga mu, hkungga lara ram ai wa hpe, hkungga lara di mu.

⁸Shada da tsawra ai hta kaga, kadai hte mung hpa hka hkum kap mu: masha kaga hpe tsawra ai wa gaw jep ai tara hpe shatup ngut nu ai.

⁹Kaning rai nme law, Masha num hkum shaw, masha hpe hkum sat, hkum lagu, myit hkum marin, nga ai hte htet da ai ga kaga naw nga a yang gaw, dai hte gaw, Na a htingbu wa hpe na a hkum hte maren nang tsawra lu na ndai, nga ai ga langai sha hta gumhpawn lawm nga ai.

¹⁰Tsawra ai gaw htingbu wa hpe n hkru n hkra galaw yu ai n rai: dai rai nna tsawra ai gaw, jep ai tara a shatup shadik ai lam rai nga ai.

¹¹Dai hta kaga, ndai aten hpe nanhte chye nga myit dai majaw, nanhte a yup hprang wa na ahkying, ya e pyi rai ra ai; kaning rai nme law, shawng nnan kamsham saga ai hta, dai hkye hkrang la ai gaw ya e nan anhte hte grau nna ni wa sai.

¹²Shana ahkying lai magang wa nna, shani nhtoi du magang wa ra ai. Dai re ai majaw, nsin hte seng ai bungli hpe anhte raw sharun kau nna, nhtoi a hpyen hking hpe dagraw nga ga.

¹³Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

¹⁴Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.