Read Jinghpaw Hanson Version Bible 1 KORINHTU 13 Bible Online

1 KORINHTU 13 - Jinghpaw Hanson Version Bible bible

1 KORINHTU 13

¹Ngai gaw masha a ga hte lamu kasa ni a ga amyu myu hpe chye tsun rai timung, tsawra ai myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

²Ngai myihtoi chye htoi ai hte, sung ai ga yawng mayawng, chye chyang ai lam amyu myu hkum nga ai hte, bum hpe jasit lu hkra re ai makam masham rawng timung, tsawra ai myit n rawng yang gaw, ngai hpa n rai nga nngai.

³Nye a arai ni yawng hte hpe ngai gam kau nna, nye a hkum hpe pyi nat kau na matu ap kau rai timung, tsawra ai myit n rawng yang gaw; hpa akyu nga na n rai.

⁴Tsawra ai myit gaw galu kaba nga ai, sumnung shingdi nga ai; tsawra ai myit gaw manawn masham n nga ai, grang ai ga n tsun ai, gumrawng gumtawng n rawng ai;

⁵n se n sa n galaw ai, tinang a akyu n tam ai, sin pawt la htet n nga ai, mara n tam nga ai,

⁶n ding n man ai hta n kabu ai sha, dai tengman ai hte rau kabu gara nga ai:

⁷yawng mayawng hpe hkam mana nga ai, yawng mayawng hpe kamsham nga ai, yawng mayawng hpe myit mada nga ai hte yawng mayawng hpe shakut sharang nga ai.

⁸Tsawra ai myit gaw galoi mung htak chye ai n rai: myihtoi chye htoi ai lam rai yang gaw, hkoi mat na ra ai: ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw, hkoi mat na ra ai.

⁹Kaning rai nme law, daw chyen sha mi anhte chye ga ai hte, daw chyen sha mi myihtoi htoi ga ai:

¹⁰rai timung, dai hkum tsup re ai gaw du ngut jang, daw chyen re ai gaw hkoi mat na ra ai.

¹¹Ngai ma kaji naw rai nga yang, ma ga ngai ga ai hte ma myit naw rawng nna, ma a myit mang ai hku naw taw nngai; ya ngai salang wa jang she, ma kaji a lam ngai shinggan kau nngai.

¹²Ya gaw gumwai hku rai nga ai jamna shingna sha anhte naw mu nga ga ai; rai timung, dai shaloi e myi man yawng let mu na ra ga ai: ya gaw daw chyen mi sha ngai chye nngai; dai shaloi e, Karai Kasang ngai hpe chye chyang ai zawn, ngai mung chye na ring ngai.

¹³Ya chyawm gaw, makam masham, myit mada ai hte tsawra ai myit ngu ai lam masum rai nga ai, rai timung, dai hte hta grau kaba ai gaw tsawra ai myit rai nga ai.