Read Jinghpaw Hanson Version Bible 1 KORINHTU 4 Bible Online

1 KORINHTU 4 - Jinghpaw Hanson Version Bible bible

1 KORINHTU 4

¹Shing rai an gaw Hkristu a hkringmang ni hte Karai Kasang a sung htum ai lam ni a kunhting yan an rai nga ga ai, an a lam masha ni myit nga mu ga.

²Dai hta kaga, kunhting ni gaw kangka rai nga yang she, masha e ra ai hku rai nga ai.

³Nanhte hte, masha e da ai nhtoi hta e, ngai hkum jeyang ai hkrum dam timung, dai gaw nye a matu amu kaji naw rai nga ai: nye a hkum hpe pyi ngai jeyang nngai n rai.

⁴Kaning rai nme law, ngai hkum dai mara n lu dum nngai: rai timung, dai gaw nye a dinghpring ai lam n rai nga ai: ngai hpe jeyang ai wa gaw, dai Madu rai nga ai.

⁵Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

⁶Hpunau ni e, ka da nga ai hte maren nanhte n lai lu na hte, langai wa hta myit kaba nna kaga wa hpe shinggan kau na n rai u ga, an a lam tau yu let nanhte sharin lu myit ga, ndai ga hte hpe ngai hte Apolo a lam, ngai nanhte a matu ga shadawn shatai nna sha-ang we ai.

⁷Kaning rai nme law, kadai wa mi nang hpe ginhka shangun nga a ta? Hkam la ai sha n rai yang gaw, nang hpa lu nga a ta? Hkam la n yang gaw, n hkam la ai zawn, hpa majaw gumrawng nga n ta?

⁸Ya hte sha nanhte hkru kat manit hka; ya hte sha nanhte sut su rau myit hka; anhte pyi n lawm ai sha nanhte up nga myit ni? gaja wa, anhte mung nanhte hte rau up nga lu u ga, nanhte up nga na ngai ra nga nngai.

⁹Kaning rai nme law, sat na matu san da ai ni hpe zawn, Karai Kasang gaw kasa ni ngu ai anhte hpe hpang chyahtum e shadan dan ma ni ai, ngai myit nga nngai: anhte gaw mungkan ga hte, lamu kasa ni hte shinggyim masha ni a man e, ginsup poi dan ai ni tai wa saga ai.

¹⁰Anhte gaw Hkristu a majaw angawk angak rai nga ga ai, nanhte mahtang Hkristu hta e myit su nga myit dai; anhte gaw n-gun n ja ga ai, nanhte mahtang n-gun ja myit dai; nanhte hpung rawng myit dai, anhte mahtang arawng hpoi saga ai.

¹¹Ya ten du hkra anhte kawsi hpang gara, singgu krin, adup adep hkrum nna, nga shara garen nga ai hte,

¹²anhte a lata hte shakut nna bungli galaw sha ga ai; arip aroi hkrum yang anhte shaman ga ai; zingri zingrat hkrum yang anhte shakut sharang ga ai;

¹³shatan nhkan hkrum yang anhte ga ngwi ga pyaw tsun ga ai; ya du hkra, mungkan ga a mazuk mazak hte yawng mayawng na shanut shanaw zawn, anhte tai wa saga ai.

¹⁴Nanhte hpe kaya jahkrum na, ndai lam ngai ka da nngai n rai; ngai tsawra ai sha ni hpe zawn ngai nanhte hpe shadum jahprang made ai.

¹⁵Kaning rai nme law, Hkristu a lam sharin achyin ai sara mun mi dang nanhte lu myit timung, kawa law law wa n nga malit dai; dai kabu gara shiga jaw e, ngai nanhte hpe Hkristu Yesu hta e shaprat dat made ai.

¹⁶Dai rai nna, nye a samnang ai ni tai nga mu, ngu nna ngai nanhte hpe shadut jahkat made ai.

¹⁷De a majaw, dai Madu hta tsawra ai hte sadi sahka nga ai, ngai sha Timohti hpe nanhte hpang de ngai shangun dat we ai; shi gaw, shara magup hkan e Hpung ni yawng hte hpe ngai sharin shaga ya ai hte maren, Hkristu Yesu hta na nye a lam ni, nanhte hpe shadum jahprang na marin dai.

¹⁸Ngai hkum nanhte hpang de n sa du na zawn nawn nna, nkau mi gaw gumlu gumlan rai wa masai.

¹⁹Rai timung, dai Madu hkraw a yang gaw, ngai nanhte hpang de alawan sa du na ring ngai rai nna, gumlu gumlan re ai ni a n-gup ga hpe n rai, shanhte a n-gun atsam hpe sha ngai matsing na nngai:

²⁰kaning rai nme law, Karai Kasang a mungdan gaw n-gup ga hta rawng nga ai n rai, n-gun atsam hta rawng nga ai.

²¹Nanhte gara hku ra nga myit ta? Ngai gaw shingna hte, shing n rai, tsawra nna sumnung ai wenyi hte, nanhte hpang de sa du na kun?