Read KITAABKA QUDUUSKA AH SABUURRADA 65 Bible Online

SABUURRADA 65 - KITAABKA QUDUUSKA AH bible

SABUURRADA 65

¹Kanu waa sabuur gabay ah oo Daa'uud u tiriyey madaxdii muusikaystayaasha. Ilaahow, ammaan baa Siyoon kugu sugaysa, Oo nidarkana waa in adiga laguu oofiyo.

²Kaaga baryootanka maqlow, Dadka oo dhammu adigay kuu iman doonaan.

³Waxaa iga adkaada xumaatooyin, Xadgudubkayagase waad naga nadiifin doontaa.

⁴Waxaa barakaysan ninkii aad dooratid, oo aad ka dhigto inuu kuu soo dhowaado, Inuu degganaado barxadahaaga. Waxaan ka dhergi doonnaa wanaagga gurigaaga, Kaas oo ah meesha quduuska ah oo macbudkaaga.

⁵Ilaaha badbaadadayadow, Waxyaalo cabsi badan ayaad xaqnimo noogu jawaabi doontaa, Waxaad tahay kalsoonida kuwa dunida darfaheeda oo dhan, Iyo kuwa badda fogba,

⁶Kaas oo xooggiisa buuraha ku adkeeya, Isagoo dhexda xoog ku xidhay.

⁷Wuxuu aamusiiyaa guuxa badaha, iyo guuxa hirarkooda, Iyo dadyowga buuqooda.

⁸Oo weliba kuwa dhulka meelaha ugu fog deggan waxay ka cabsadaan calaamooyinkaaga, Oo adigu waad ka farxisaa meelaha ay subaxda iyo fiidkaba ka baxaan.

⁹Dhulka waad soo booqataa, oo waad biyaysaa, Oo aad baad u barwaaqaysaa, Webiga Ilaahna biyaa ka buuxa, Waxaad iyaga siisaa hadhuudh, markii aad dhulka sidaas u diyaarisay.

¹⁰Adigu beerta jeexjeexeeda aad baad u waraabisaa, Oo waxaad dejisaa jeexjeexa tuurahooda, Oo tiixtiix baad ku jilcisaa, Oo waxa ka soo baxana waad barakaysaa.

¹¹Sannadda waxaad taaj uga dhigtaa wanaaggaaga, Oo waddooyinkaagana waxaa ka tifqa subag.

¹²Waxay ku tifqaan daaqa cidlada, Oo buuruhuna waxay guntadaan farxad.

¹³Berrimmada daaqu waxay huwadaan tirooyin adhyo ah, Dooxooyinkana waxaa qariya hadhuudh, Markaasay farxad la qayliyaan, oo weliba gabyaan.