Read KITAABKA QUDUUSKA AH TIRINTII 33 Bible Online

TIRINTII 33 - KITAABKA QUDUUSKA AH bible

TIRINTII 33

¹Reer binu Israa'iil sodcaalladoodii waa kuwan markay gacanta Muuse iyo Haaruun koox koox ugaga soo bexeen dalkii Masar.

²Oo Muuse wuxuu amarka Rabbiga ugu qoray bixitimmadoodii sidii sodcaalladoodu ahaayeen, oo sodcaalladoodii sidii bixitimmadoodu ahaayeen waa kuwan.

³Oo bishii kowaad maalinteedii shan iyo tobnaad ayay Racmeses ka guureen. Habeenkii Kormaridda maalintii ka dambaysay ayay reer binu Israa'iil gacan sarraysa ku bexeen iyadoo Masriyiintii oo dhammu ay u jeedaan,

⁴intii Masriyiintu ay aasayeen curadyadoodii uu Rabbigu ku dhex laayay oo dhan. Oo ilaahyadoodiina Rabbigu xukummo buu ku soo dejiyey.

⁵Oo reer binu Israa'iil Racmeses bay ka guureen, oo waxay degeen Sukod.

⁶Oo Sukodna way ka guureen, oo waxay degeen Eetaam oo ku taal cidlada darafkeeda.

⁷Oo haddana Eetaam bay ka guureen, oo waxay dib ugu noqdeen Fiihaahiirod oo ku hor taal Bacal Sefoon; kolkaasay degeen Migdol horteeda.

⁸Oo Haxiirod horteedana way ka guureen, oo badday dhex mareen oo waxay gaadheen cidlada, oo cidladii Eetaam ayay saddex maalmood socodkood ku dhex socdeen, kolkaasay Maaraah degeen.

⁹Oo Maaraahna way ka guureen, oo waxay yimaadeen Eelim, oo Eelim waxaa ku yiil laba iyo toban ilood oo biyo ah iyo toddobaatan geed oo timir ah, kolkaasay halkaas degeen.

¹⁰Oo haddana Eelim way ka guureen, oo waxay degeen Badda Cas agteeda.

¹¹Oo Badda Cas way ka guureen, oo waxay dhex degeen cidlada Siin la yidhaahdo.

¹²Oo cidladii Siinna way ka guureen, kolkaasay degeen Daafqaah.

¹³Oo Daafqaahna way ka guureen, oo waxay degeen Aaluush.

¹⁴Oo Aaluushna way ka guureen, oo waxay degeen Refiidiim, meeshaas oo aan lahayn biyo ay dadku cabbaan.

¹⁵Oo Refiidiimna way ka guureen, oo waxay dhex degeen cidladii Siinay.

¹⁶Oo cidladii Siinayna way ka guureen, kolkaasay degeen Qibrood Xatawaah.

¹⁷Oo Qibrood Xatawaahna way ka guureen, kolkaasay degeen Xaseerood.

¹⁸Oo Xaseeroodna way ka guureen, oo waxay degeen Ritmaah.

¹⁹Oo Ritmaahna way ka guureen, oo waxay degeen Rimmon Feres.

²⁰Oo Rimmon Feresna way ka guureen, oo waxay degeen Libnaah.

²¹Oo Libnaahna way ka guureen, oo waxay degeen Risaah.

²²Oo Risaahna way ka guureen, oo waxay degeen Qeheelaataah.

²³Oo Qeheelaataahna way ka guureen, oo waxay degeen Buur Shefer.

²⁴Oo haddana Buur Shefer way ka guureen, oo waxay degeen Xaraadaah.

²⁵Oo Xaraadaahna way ka guureen, oo waxay degeen Maqheelod.

²⁶Oo Maqheelodna way ka guureen, oo waxay degeen Taxad.

²⁷Oo Taxadna way ka guureen, oo waxay degeen Terax.

²⁸Oo Teraxna way ka guureen, oo waxay degeen Mitqaah.

²⁹Oo Mitqaahna way ka guureen, oo waxay degeen Xashmonaah.

³⁰Oo Xashmonaahna way ka guureen, oo waxay degeen Mooseerood.

³¹Oo Mooseeroodna way ka guureen, oo waxay degeen Bini Yacaqaan.

³²Oo Bini Yacaqaanna way ka guureen, oo waxay degeen Xor Haggidgaad.

³³Oo Xor Haggidgaadna way ka guureen, oo waxay degeen Yaatbaataah.

³⁴Oo haddana Yaatbaataah way ka guureen, oo waxay degeen Cabronaah.

³⁵Oo Cabronaahna way ka guureen, oo waxay degeen Cesyoon Geber.

³⁶Oo Cesyoon Geberna way ka guureen, oo waxay degeen cidladii Sin (taasoo ah Qaadeesh).

³⁷Oo Qaadeeshna way ka guureen, oo waxay degeen Buur Xor oo ku taal dalka reer Edom darafkiisa.

³⁸Markaasaa wadaadkii Haaruun ahaa wuxuu Buur Xor ku fuulay amarka Rabbiga, oo halkaasuu ku dhintay sannaddii afartanaad bishii shanaad maalinteedii kowaad markay reer binu Israa'iil dalkii Masar ka soo bexeen dabadeed.

³⁹Haaruunna markuu Buur Xor ku dhintay wuxuu jiray boqol iyo saddex iyo labaatan sannadood.

⁴⁰Oo boqorkii Caraad oo reer Kancaan ahaa oo degganaa xagga koonfureed ee dalka reer Kancaan wuxuu maqlay in reer binu Israa'iil soo socdaan.

⁴¹Oo waxay ka guureen Buur Xor, kolkaasay degeen Salmonaah.

⁴²Oo Salmonaahna way ka guureen, oo waxay degeen Fuunon.

⁴³Oo Fuunonna way ka guureen, oo waxay degeen Obod.

⁴⁴Oo Obodna way ka guureen, oo waxay degeen Ciyee Hacabaariim, oo ku taal soohdinta dalka Moo'aab.

⁴⁵Oo Ciyiimna way ka guureen, oo waxay degeen Diibon Gaad.

⁴⁶Oo Diibon Gaadna way ka guureen, oo waxay degeen Calmoon Diblaatayimaah.

⁴⁷Oo Calmoon Diblaatayimaahna way ka guureen, oo waxay degeen buuraha Cabaariim oo Neboo ku hor yaal.

⁴⁸Oo haddana buurihii Cabaariim way ka guureen, oo waxay degeen bannaanka dalka Moo'aab oo Webi Urdun u dhow ee Yerixoo ka soo hor jeeda.

⁴⁹Oo haddana waxay degeen Webi Urdun agtiisa tan iyo Beytyeshimood iyo xataa tan iyo Aabeel Shitiim oo ku yaal bannaanka dalka Moo'aab.

⁵⁰Markaasaa Rabbigu Muuse kula hadlay bannaankii dalka Moo'aab oo Webi Urdun u dhowaa ee Yerixoo ka soo hor jeeday, oo wuxuu ku yidhi,

⁵¹Reer binu Israa'iil la hadal, oo waxaad ku tidhaahdaa, Markaad Webi Urdun gudubtaan oo aad dalka Kancaan gashaan,

⁵²waa inaad dadka dalka deggan oo dhan hortiinna ka eridaan, oo aad dhagaxyadooda sawirrada ah oo dhan wada baabbi'isaan, oo aad sanamyadooda la shubay oo dhan wada burburisaan, oo aad meelahooda sarsare oo dhan wada dumisaan.

⁵³Markaas waa inaad dalka hanti ahaan u qaadataan oo aad iska dhex degtaan; waayo, dalka idinkaan idin siiyey inaad lahaataan.

⁵⁴Oo dalka waa inaad qabiil qabiil saami ugu dhaxashaan. Inta badan waxaad siisaan dhaxalka badan, oo inta yarna waxaad siisaan dhaxalka yar. Oo meel alla meeshii nin saami ugu dhaco halkaas isagaa iska lahaanaya, oo sida qabiilooyinkii awowayaashiin yihiin waa inaad u dhaxashaan.

⁵⁵Laakiinse haddaydnan dadka dalka deggan hortiinna ka eryin, markaas kuwii aad daysaan waxay idinku noqon doonaan sidii wax indhihiinna muda, iyo sidii qodxan dhinacyada idinkaga jira, oo waxay idinku dhibi doonaan dalka aad deggan tihiin.

⁵⁶Oo sidii aan ku talo galay inaan iyaga ku sameeyo ayaan idinka idinku samayn doonaa.