Read KITAB SUCI ZABUR INJIL ZABUR 11 Bible Online

ZABUR 11 - KITAB SUCI ZABUR INJIL bible

ZABUR 11

¹Umaq pemimpin kor. Zabur Daud. Tiang berlindung léq ALLAH ; ndéq araq manpaatne bebase léq tiang, “Selametang diriqde maraq kedit saq kesur ojok gunung.

²Séngaq dengan jahat ngedeng busurne dait masang anak panaqne beterus papahangne ojok taoq saq peteng tipaq dengan saq jujur.

³Lamun hukum dait aturan ndéq araq malik, napi saq bau tepiaq siq dengan saq kenaq nike?”

⁴ALLAH araq léq Gedéng-Ne saq suci, tahte-Ne araq léq sorge. Ie merhatiang umat manusie dait wikan selapuq perbuatan ie pade.

⁵ALLAH nguji dengan saq kenaq dait dengan saq jahat, Ie meriq léq dengan saq demen léq kekerasan.

⁶Dengan jahat hukum-Ne siq bahle, siq api, urirang dait angin saq ngotongang.

⁷Séngaq ALLAH kenaq dait adil, Ie ngasihin dengan saq solah perbuatanne; dengan jujur gen serioq dait kenal kance ALLAH.