Read KITAB SUCI ZABUR INJIL ZABUR 111 Bible Online

ZABUR 111 - KITAB SUCI ZABUR INJIL bible

ZABUR 111

¹Pade puji ALLAH ! Siq sepenoq angen tiang besyukur tipaq ALLAH léq tengaq kumpulan umat-Ne.

²Tetu-tetu ajaip perbuatan-perbuatan ALLAH , patut teselidik siq dengan-dengan saq demen léq hal nike.

³Karye ALLAH agung dait tepuji, keadilan-Ne kekel selaéq-laéqne.

⁴ALLAH nike pengasih dait penyayang, Ie ngelaksaneang perbuatan-perbuatan saq ajaip, adéq ite tetep nginget hal nike.

⁵Ie ngicanin rejeki tipaq dengan saq takut léq Ie, dait tetep iling léq perjanjian-Ne.

⁶Ie sampun nyatayang kuase-Ne léq umat-Ne, siq care ngicanin ie pade dowé pusake bangse-bangse.

⁷ALLAH adil dait setie léq selapuq perbuatan-Ne, selapuq préntah-Ne bau teandelang.

⁸Hukum-Ne tahen selaéq-laéqne, teicanin léq dalem kebenaran dait keadilan.

⁹Ie bébasang umat-Ne, dait miaq perjanjian saq kekel kance ie pade. Ie ALLAH saq suci dait perkase!

¹⁰ Sai-sai saq melét jari bijaksane harus hormatin ALLAH, Ie ngicanin pengertian léq selapuq dengan saq taat. Tepuji ALLAH selaéq-laéqne!