Read KITAB SUCI ZABUR INJIL ZABUR 112 Bible Online

ZABUR 112 - KITAB SUCI ZABUR INJIL bible

ZABUR 112

¹Pade puji ALLAH ! Bahagie dengan saq takut léq ALLAH , saq demen léq préntah-préntah-Ne.

²Bije-bijene gen bekuase léq negeri niki, keturunan dengan solah gen teberkahin.

³Keluargene gen sugih dait makmur, kesolahanne gen tetep selaéq-laéqne.

⁴Terang besinar léq dalem peteng tipaq dengan saq kenaq, tipaq dengan saq adil, pengasih dait penyayang.

⁵Bahagie dengan saq murah até dait demen nyinggaqang dait jujur léq dalem selapuq urusan.

⁶Dengan solah ndéq gen gagal; ie gen teinget selaéq-laéqne.

⁷Ie ndéq takut nerimaq kabar saq lengé, aténe teguq séngaq percaye léq ALLAH.

⁸Ie ndéq kuatir atao takut, lantaran yakin musuhne gen tekalahang.

⁹ Ie bagi-bagiang dowéne, dait ngebéng sedekah tipaq dengan miskin; kesolahanne tetep selaéq-laéqne, keranaq nike ie bekuase dait tehormatin.

¹⁰Dengan jahat serioq ie dait jari sili; ie pade ngeretekang gigi lantaran meriq. Beterus ie pade binase; harepan ie pade telang selaéq-laéqne.