Read KITAB SUCI ZABUR INJIL ZABUR 12 Bible Online

ZABUR 12 - KITAB SUCI ZABUR INJIL bible

ZABUR 12

¹Umaq pemimpin kor. Menurut lagu saq kebaluq. Zabur Daud.

²Tulung kaji, ya ALLAH, séngaq nénten araq malik dengan saq soléh, dengan saq setie léq Deside sampun musnah.

³Ie pade selapuq saling berugung, saling tipu siq ucapan-ucapan saq manis.

⁴Engkahang ucapan saq ngerayu nike, ya ALLAH, tungkem dengan-dengan saq beléq raosne saq bebase,

⁵“Tiang pade bekuase siq élaq tiang pade! Napi doang bau tiang pade ucapang, dait ndéq araq saq bau ngalangin!”

⁶Manik ALLAH, “Dengan miskin tetindes dait dengan sengsare ngeluh. Make mangkin éndah Tiang dateng ngebéng ketentreman saq ie pade melétang.”

⁷Janji ALLAH teguq dait bau teandelang, maraq perak murni saq teuji léq dalem api.

⁸Dengan jahat begerame léq mbé-mbé, kejahatan teajum siq sebilang dengan. Laguq Deside ngelindungin kaji, ya ALLAH, jagaq kaji léman dengan-dengan jahat nike.