Read KITAB SUCI ZABUR INJIL ZABUR 138 Bible Online

ZABUR 138 - KITAB SUCI ZABUR INJIL bible

ZABUR 138

¹Léman Daud. Ya ALLAH , kaji mélé besyukur tipaq Deside, siq sepenoq atén kaji. Léq julun pare déwe kaji nyanyiang pujian tipaq Deside.

²Kaji sujut andang Gedéng Deside saq suci sambil memuji peséngan Deside, lantaran kasih dait setie Deside. Deside piaq peséngan Deside dait janji Deside lebihan léman selapuq hal.

³Léq waktu kaji bekuih tipaq Deside, Deside jawab kaji, Deside ngicanin kekuatan léq dalem jiwen kaji.

⁴Selapuq raje léq gumi gen memuji Deside, ya ALLAH , séngaq ie pade sampun dengah janji Deside.

⁵Ie pade gen benyanyi mengenai perbuatan Deside dait mengenai keagungan Deside saq beléq.

⁶Deside luhur gati, laguq dengan saq hine Deside perhatiang éndah; dengan sombong nénten bau nyeboq léman Deside.

⁷Waktu kaji tetimpe kesusahan, Deside pertahenang idup kaji. Deside lawan musuh kaji saq kenyeke ngamuk dait Deside selametang kaji siq kuase Deside.

⁸Deside gen nepatin janji Deside tipaq kaji! Ya ALLAH , kasih setie Deside selaéq-laéqne; sampunang Deside bilin napi saq Deside piaq bagi umat Deside!