Read KITAB SUCI ZABUR INJIL ZABUR 141 Bible Online

ZABUR 141 - KITAB SUCI ZABUR INJIL bible

ZABUR 141

¹Zabur Daud. Ya ALLAH, kaji bekuih tipaq Deside, gelis tulung kaji! Pirengang kaji lamun kaji bekuih tipaq Deside.

² Terimaq do'e kaji jari persembahan dupe, dait imen kaji saq kaji angkat ojok atas jari kurban kekelem.

³Ya ALLAH , jagaq biwih kaji dait awasin bibir kaji.

⁴Jaoqang kaji léman keméléq gawéq jahat. Sampunang menengang kaji begabung kance dengan durhake dait milu bekelor waktu ie pade begawé.

⁵Lamun sopoq dengan saq solah peringet kaji, dait ngukum kaji, bagi kaji, nike maraq minyak saq paling solah. Laguq sampunang minyak dengan saq jahat, ngerias ulun kaji! Setetune kaji tetep bedo'e nentang kejahatan-kejahatan ie pade.

⁶Lamun pare penguase ie pade tesaut léman jurang-jurang batu, ie pade gen ngakuq bahwe ucapan-ucapan kaji kenaq.

⁷Maraq batu saq tebelaq dait teancurang léq tanaq, maraq nike gen tesangkurang tolang-tolang ie pade léq sedin kubur.

⁸Laguq kaji tetep beharep tipaq Deside, ya Allah Junjungan kaji Saq Mulie, sampunang menengang kaji maté, séngaq kaji berlindung léq Deside.

⁹Lindungin kaji léman perangkep saq tepasang jari bau kaji, léman perangkep penjahat-penjahat nike.

¹⁰Menengang ie pade geriq ojok dalem perangkepne mésaq, laguq semoge kaji selamet.