Read KITAB SUCI ZABUR INJIL ZABUR 142 Bible Online

ZABUR 142 - KITAB SUCI ZABUR INJIL bible

ZABUR 142

¹ Nyanyian pengajahan Daud, sewaktu ie araq léq dalem goe.

²Siq suare saq beléq tiang bekuih tipaq ALLAH ; siq suare saq beléq tiang nunas pertulungan-Ne.

³Léq arepan-Ne tiang bekeluh kesah; tiang sampéang selapuq kesusahan tiang léq Ie.

⁴Sewaktu kaji gen putus ase, Deside wikan napi saq harus kaji laksaneang. Léq langan saq harus kaji liwatin, tedoq-tedoq kaji tepasangang perangkep siq musuh kaji.

⁵Sewaktu kaji ngéngat andang lempéng, nénten araq kaji serioq saq gen nulung kaji. Nénten araq saq ngelindungin kaji, atao saq peduli léq diriq kaji.

⁶Kaji bekuih tipaq Deside, ya ALLAH , Deside taoq perlindungan kaji, Deside doang saq kaji perluang léq dalem idup kaji niki.

⁷Perhatiang kuihan kaji, séngaq kaji sengsare gati. Selametang kaji léman musuh-musuh kaji, séngaq bagi kaji ie pade kuat gati.

⁸Bébasang kaji léman bui, make léq tengaq-tengaq kumpulan dengan saq kenaq kaji gen memuji peséngan Deside, séngaq Deside sampun ngelaksaneang saq solah léq kaji.