Read KITAB SUCI ZABUR INJIL ZABUR 16 Bible Online

ZABUR 16 - KITAB SUCI ZABUR INJIL bible

ZABUR 16

¹Zabur Daud. Jagaq kaji, ya Allah, séngaq léq Deside kaji berlindung.

²Kaji matur, “Deside Junjungan kaji, kebahagiean kaji, nénten araq saq lebihan léman Deside!”

³Kaji hormatin léq dengan-dengan suci léq negeri niki; saq kaji demenang ndot bareng ie pade.

⁴Menengang dengan saq nyembah déwe-déwe sayan beromboq kesedihanne. Kaji nénten suke ngaturang kurban tipaq déwe-déwe malahan nyebut aran ie pade kaji nénten suke.

⁵Ya ALLAH, Deside doang dowén kaji; Deside icanin selapuq saq kaji perluang, nasib kaji araq léq gading Deside.

⁶Tetu-tetu solah rahmat Deside léq kaji, tetu-tetu nyenengang angen kaji!

⁷Tiang memuji ALLAH saq ngicanin naséhat léq tiang; léq tengaq kelem éndah batin tiang ngajah tiang.

⁸ Tiang tetep inget léq ALLAH ; Ie araq léq sedi kanan tiang, make tiang ndéq teguncang siq napi juaq.

⁹Keranaq nike angen tiang besukecite dait jiwen tiang besurak-surak, dait awak tiang mentelah siq tentrem.

¹⁰ Séngaq Deside nénten menengang jiwen kaji ndot dalem dunie dengan maté, Deside nénten gen menengang Dengan Suci Deside cingakin kebinasean.

¹¹Deside petitoqang léq kaji langan kehidupan; léq Deside kaji mauq sukecite saq belimpah dait kebahagiean selaéq-laéqne.