Read KITAB SUCI ZABUR INJIL ZABUR 2 Bible Online

ZABUR 2 - KITAB SUCI ZABUR INJIL bible

ZABUR 2

¹ Kembéq bangse-bangse miaq keributan dait suku-suku bangse ngerencaneang saq sie-sie?

²Raje-raje dunie besiep-siep dait pare penguase bemupakat ngelawan ALLAH dait ngelawan raje saq Ie piléq.

³Penguase-penguase nike bebase, “Silaq ite ancurang kekuasean ie pade dait ngerebut kemerdékeante!”

⁴Léman tahte-Ne léq sorge Junjungan Saq Mulie réréq dait ngoloq-oloq rencane ie pade.

⁵Semprak-Ne ie pade siq murke, dait tetinjotang siq murke-Ne.

⁶Manik-Ne, “Léq Sion, bukit Tiang saq suci sampun Tiang sahang raje piléqan Tiang.”

⁷ Basen raje, “Tiang mélé ngumumang napi saq sampun tetetepang siq ALLAH. Manik-Ne léq tiang, ‘Side bije saq asalne léman Tiang, léq jelo niki Tiang sampun jari Bapa side.

⁸Pade tunas, make selapuq bangse Tiang béng tipaq side, dait seantéro gumi Tiang jariang dowénde.

⁹ Ie pade gen side polakang siq gegade besi dait side belaqang maraq keméq.’ ”

¹⁰Jari pade perhatiang, hai raje-raje, pade inget hai penguase-penguase dunie!

¹¹Pade ibadah tipaq ALLAH siq rase takut,

¹²sujut léq arepan-Ne siq ngijik, ndaq jangke ALLAH jari murke dait side langsung tebinaseang, séngaq murke-Ne selung-selung nyale. Bahagie dengan saq berlindung léq ALLAH !