Read KITAB SUCI ZABUR INJIL ZABUR 4 Bible Online

ZABUR 4 - KITAB SUCI ZABUR INJIL bible

ZABUR 4

¹Umaq pemimpin kor. Kadu iringan kecapi. Zabur Daud.

²Ya Allah, Deside pembéle kaji; jawab lamun kaji bekuih nunas tulung. Waktu kaji susah, Deside nulung kaji; mangkin periakang kaji dait pirengang do'e kaji.

³Hai dengan-dengan, pire ngonéq malik side menghine Allah tiang? Jangke piran side demen léq hal saq sie-sie dait memaléq saq ndéq kenaq?

⁴Adéq pade nenaoq, ALLAH sampun piléqang diriq-Ne sopoq dengan saq Ie kasihin. ALLAH mirengang lamun tiang bekuih nunas tulung tipaq Ie.

⁵ Waktu side sili, ndaq piaq dose. Pikirang sambil tedoq, sewaktu begélaq léq petindoqan.

⁶Aturang kurban saq kenaq dait percaye léq ALLAH.

⁷Luwéq dengan beketuan, “Sai saq ngicanin ite berkah?” Semoge Deside suke léq kaji pade, ya ALLAH.

⁸Deside ngicanin sukecite saq beléqan tipaq kaji ketimbang dengan saq limpah hasil mataqne.

⁹Make kaji begélaq dait tindoq siq tentrem, séngaq cume Deside, ya ALLAH, miaq idup kaji aman!