Read KITAB SUCI ZABUR INJIL ZABUR 41 Bible Online

ZABUR 41 - KITAB SUCI ZABUR INJIL bible

ZABUR 41

¹Umaq pemimpin kor. Zabur Daud.

²Bahagie dengan saq merhatiang dengan saq lemah; ALLAH gen nulung ie sewaktu kebucuq.

³ALLAH gen ngelindungin dait meliharaq ie, ALLAH gen miaq ie bahagie léq gumi, dait nénten nyerahang ie ojok musuhne.

⁴ALLAH gen nulung ie léq waktu sakit, dait nyelahang ie.

⁵Lamun kaji, kaji matur, “Kaji sampun bedose tipaq Deside, ya ALLAH, periakang kaji dait selahang kaji.”

⁶Musuh tiang ngeraosang saq jahat mengenai tiang, ie pade melét adéq tiang maté dait telupaqang.

⁷Dengan-dengan saq jangoq tiang ndéq tulus ihlas. Ie pade ngumpulang kabar saq lengé mengenai tiang, terus nyiarang ojok mbé-mbé.

⁸Selapuq saq meriq léq tiang bepéséq-péséq; ie pade ngeraosang saq paling lengé mengenai tiang.

⁹Ie pade bebase, “Penyakitne parah gati, ie ndéqne mungkin ures malik.”

¹⁰ Malahan sahabat karib saq paling tiang percaye, dengan saq bareng bekelor kance tiang, sampun menghine tiang.

¹¹Periakang kaji ya ALLAH, selahang kaji, adéq kaji bau bales kejahatan musuh-musuh kaji.

¹²Lamun kaji nénten tekalahang siq musuh kaji, kaji nenaoq bahwe Deside suke léq kaji.

¹³Deside nulung kaji lantaran ketulusan kaji, dait miaq kaji idup bareng Deside selaéq-laéqne.

¹⁴ Pade puji ALLAH, Tuhan Israel! Puji Ie léman selaéq-laéqne jangke selaéq-laéqne. Adéq telaksane maraq nike. Amin!