Read KITAB SUCI ZABUR INJIL ZABUR 52 Bible Online

ZABUR 52 - KITAB SUCI ZABUR INJIL bible

ZABUR 52

¹Umaq pemimpin kor. Nyanyian pengajahan Daud,

² sewaktu Doeg, dengan Edom dateng matur léq Saul bahwe Daud sampun dateng léq gedéng Abimelek.

³Hai dengan kuat, kembéq side nyombongang kejahatande tipaq dengan saq tekasihin siq Allah?

⁴Sejeloan side nipu dait ngerencaneang saq jahat; élaq side maraq ladik pengurisan saq merang.

⁵Side demenan léq kejahatan ketimbang kebajikan, demenan berugung ketimbang ngeraos saq kenaq.

⁶Siq ucapan-ucapande side nipu dait nyakitin até dengan lain!

⁷Laguq side gen tebinaseang siq Allah selaéq-laéqne; side tebau dait teoros léman balénde, dait temusnahang léman dunie dengan idup.

⁸Serioq nike, dengan soléh gen ketakutan, terus ngeréréqang side dait bebase,

⁹“Nike ie dengan saq ndéq berlindung léq Allah, laguq percaye léq kesugihanne saq belimpah-limpah dait boyaq keamanan léq barang rampasanne.”

¹⁰Laguq tiang maraq lolo zaitun saq subur léq dalem Gedéng Allah. Tiang percaye bahwe Allah tetep ngasihin selaéq-laéqne.

¹¹Kaji tetep besyukur léq Deside selaéq-laéqne, lantaran napi saq sampun Deside laksaneang; séngaq peséngan Deside solah, kaji mélé beriteang kesolahan Deside léq julu umat Deside.