Read KITAB SUCI ZABUR INJIL ZABUR 58 Bible Online

ZABUR 58 - KITAB SUCI ZABUR INJIL bible

ZABUR 58

¹Umaq pemimpin kor. Menurut lagu: Sampunang musnahang. Zabur léman Daud.

²Hai pare penguase, napi adil keputusande? Napi side jujur sewaktu hakimin manusie?

³Ndéq, side ngerencaneang saq jahat, dait piaq kekerasan léq negeri niki.

⁴Dengan jahat sampun sesat léman ie tepetianang ie pade sampun nipu mulai léman teanakang.

⁵Ie pade bedowé racun maraq ulah, dait nyumpel kentokne maraq sopoq ulah senduk saq kedok,

⁶saq ndéq dengah suare pawang saq ceket, atao suare dengan saq ceket ngucapang mentre.

⁷Ya Allah, polakang gigi-gigi ie pade, embot caling singe-singe mendare nike, ya ALLAH.

⁸Menengang ie pade telang maraq kukus aiq saq bangkal, maraq anak panaq saq sampun kongol.

⁹Menengang ie pade maraq sisoq saq jari anyong, maraq bebéaq saq milinang sendéqman serioq cahaye.

¹⁰Sendéqman ie pade sadar, ie pade sampun binase, maraq bebenes saq masih ijo dait ndéqman beléq bis tekesurang siq angin, maraq tetaletan saq gero.

¹¹Serioq dengan jahat tehukum, dengan jujur cemoh, dait bisoq naéne léq dalem daraq dengan durhake.

¹²Dengan gen bebase, “Mule dengan solah mauq pahale, tetu, araq Allah saq jari hakim léq gumi.”