Read KITAB SUCI ZABUR INJIL ZABUR 59 Bible Online

ZABUR 59 - KITAB SUCI ZABUR INJIL bible

ZABUR 59

¹ Umaq pemimpin kor. Menurut lagu: Sampunang musnahang. Zabur léman Daud, sewaktu Saul suruq dengan ngawasin gedéng Daud adéqne bau nyematéq ie.

²Ya Allah kaji, selametang kaji léman musuh-musuh kaji, lindungin kaji léman dengan saq nyerang kaji.

³Lepasang kaji léman dengan saq gawéq jahat, selametang kaji léman tukang-tukang nyematéq.

⁴Cingakin, ie pade ngadang mélé nyematéq kaji, dengan-dengan kejem begabung ngelawan kaji; laguq nénten lantaran kaji sampun gawéq dose atao gawéq hal saq salaq, ya ALLAH.

⁵Nénten éndah lantaran kesalaqan kaji, ie pade gupuh-gupuh dait siep-siep.

⁶Silaq bangkit, ya ALLAH, Tuhan Saq Mahekuase, silaq tulung kaji. Ya Allah Israel, silaq cingakin mésaq. Bangkit dait hukum bangse-bangse, sampunang periak léq dengan jahat saq behianat.

⁷Léq waktu sandikale ie pade tulak, nyalung maraq acong sambil ngiterin kote.

⁸Ie pade terus nyindir dait menghine; ucapan-ucapan ie pade merang maraq kléwang, ie pade paran nénten araq dengan saq dedengah.

⁹Laguq Deside ngeréréqang ie pade, ya ALLAH, selapuq bangse nike Deside oloq-oloq.

¹⁰Deside kekuatan kaji, kaji beharep léq Deside, Deside taoq pengungsian kaji, ya Allah.

¹¹Lantaran kesolahan-Ne, Allah Tiang rauh tipaq tiang, Ie menengang tiang serioq musuh tiang tekalahang.

¹²Sampunang Deside nyematéq ie pade, adéq bangse tiang nénten lupaq. Kelin ie pade sopoq kance saq lain dait kalahang ie pade siq kuase Deside, ya Junjungan Saq Mulie, pelindung kaji pade.

¹³Séngaq ie pade bedose siq ucapan-ucapan ie pade; menengang ie pade tejeret siq kesombonganne, séngaq ie pade demen ngutuk dait beduste.

¹⁴Binaseang ie pade léq dalem kemenggahan Deside, ya Allah, binaseang ie pade jangke bis. Make sebilang dengan nenaoq bahwe Allah mréntah Israel, dait pemréntahan-Ne jangke dateng poton gumi.

¹⁵Léq waktu sandikale ie pade tulak, nyalung maraq acong sambil ngiterin kote.

¹⁶Ie pade ngambar boyaq kakenan, dait nyalung lamun ndéq besuh.

¹⁷Laguq kaji mélé nyanyiang kekuatan Deside; sebilang kelémaq kaji benyanyi siq suare saq beléq lantaran kasih dait kesetiean Deside. Séngaq Deside taoq pengungsian kaji, taoq kaji berlindung léq waktu susah.

¹⁸Ya Allah, kekuatan kaji, kaji nyanyiang puji-pujian bagi Deside, séngaq Deside taoq kaji berlindung. Ya Allah, saq ngasihin kaji.