Read KITAB SUCI ZABUR INJIL ZABUR 60 Bible Online

ZABUR 60 - KITAB SUCI ZABUR INJIL bible

ZABUR 60

¹Umaq pemimpin kor. Menurut lagu: Kembang bakung kesaksian. Zabur pengajahan léman Daud,

² sewaktu ie perang kance dengan Aram-Mesopotamia dait dengan Aram-Zoba, dait sewaktu Yoab uléq dait ngalahang due olas iyu dengan Edom léq Lembah Asin.

³Deside nolaq kaji pade, ya Allah, dait menengang kaji pade tekalahang. Deside menggah léq kaji pade; mangkin tulakang keadaan kaji pade.

⁴Deside miaq gumi inggur jangke retéq; pesolah saq retéq-retéq, séngaq gumi inggur.

⁵Deside menengang umat Deside ngalamin penderitean saq berat; kaji pade sempoyongan maraq dengan bowos.

⁶Deside icanin peringetan tipaq dengan-dengan saq takut léq Deside, adéq ie pade luput léman hukuman.

⁷ Selametang kaji pade siq kuase Deside, jawab do'e kaji pade, adéq dengan-dengan saq Deside kasihin teselametang.

⁸Léman gedéng-Ne saq suci Allah bemanik, “Tiang mélé besurak dait bagi-bagiang tanaq Sikem; Lembah Sukot gen Tiang undi.

⁹Gilead dait Manasye nike dowén Tiang, Epraim songkoq waje Tiang, dait Yehuda tunjang kerajaan Tiang.

¹⁰Laguq Moab nike taoq pembisoqan naén Tiang; Tiang besurak lantaran menang ngelawan Pilistea. Tiang saut sepatu Tiang ojok Edom jari tande bahwe ie dowén Tiang.”

¹¹Sai saq jauq tiang ojok Edom? Sai saq déndén tiang ojok kote saq bepenyengker nike?

¹²Ya Allah, tekan Deside sampun nolaq kaji pade, dait Deside nénten maju bareng prajurit kaji pade?

¹³Tulung kaji pade léman musuh, séngaq pertulungan manusie nénten araq manpaatne.

¹⁴Bareng Allah, ite gen ngelaksaneang perbuatan saq gagah perkase, Ie saq kalahang musuhte.