Read KITAB SUCI ZABUR INJIL ZABUR 61 Bible Online

ZABUR 61 - KITAB SUCI ZABUR INJIL bible

ZABUR 61

¹Umaq pemimpin kor. Kadu iringan kecapi. Léman Daud.

²Pirengang kuihan kaji, ya Allah, perhatiang do'e kaji.

³Léman poton gumi kaji bekuih tipaq Deside, séngaq kaji putus ase. Deside gen ngatong kaji ojok taoq pengungsian saq aman, taoq saq atas gati bagi kaji;

⁴séngaq Deside pelindung kaji, pertahenan saq kuat jari ngelawan musuh kaji.

⁵Menengang kaji seumur idup nyodoq léq Kémah Deside, adéq aman léq bawaq keléték Deside.

⁶Séngaq Deside sampun mirengang sesangi kaji, ya Allah, dait ngicanin kaji dowé pusake dengan saq takut léq peséngan Deside.

⁷Semoge raje bélo umur, sehingge ie idup turun-temurun.

⁸Semoge ie mréntah selaéq-laéqne jari raje piléqan Deside, ya Allah, lindungin ie siq kasih dait kesetiean Deside.

⁹Make kaji gen tetep nyanyiang pujian bagi Deside, sambil bayah sesangi kaji sebilang jelo.