Read KITAB SUCI ZABUR INJIL ZABUR 7 Bible Online

ZABUR 7 - KITAB SUCI ZABUR INJIL bible

ZABUR 7

¹Kesedihan Daud saq tenyanyiang bagi ALLAH lantaran Kus, dengan Benyamin nike.

²Ya ALLAH , Tuhan kaji, kaji berlindung léq Deside; selametang dait lepasang kaji léman selapuq dengan saq maléq kaji.

³Sampunang menengang ie pade maraq singe nyakrah dait ngoros kaji dait nénten araq saq nulung kaji.

⁴Ya ALLAH, Tuhan kaji, lamun araq perbuatan kaji saq celang, gawéq jahat léq batur, atao ngerugiang musuh nénten bedowé alasan, lamun kaji piaq maraq nike,

⁶menengang kaji tepaléq dait tebau siq musuh, terus tematéq dait tendotang léq tanaq.

⁷Silaq Deside bangkit, ya ALLAH, léq tengaq murke Deside, lawan musuh-musuh kaji saq ngamuk nike. Bangkit jari nulung kaji, séngaq Deside nuntut keadilan.

⁸Kumpulang bangse-bangse léq sekelining Deside, dait bekuase léq ie pade léman tahte Deside léq sorge.

⁹Deside hakimin umat manusie; icanin kaji keadilan, ya ALLAH, séngaq kaji nénten salaq.

¹⁰ Engkahang kejahatan dengan durhake dait teguqang até dengan saq soléh, séngaq Deside Allah saq adil, saq paham angen dait pikiran manusie.

¹¹Pelindung tiang nike Allah saq nyelametang dengan saq tulus até.

¹²Allah nike hakim saq adil, saq sebilang waktu ngukum dengan jahat.

¹³Lamun kelakuan ie pade nénten berobah, Ie siep siq senjate saq nyematéqang. Ie asaq kléwang-Ne dait ngedeng busur-Ne, beterus papahang panaq-panaq-Ne saq berapi.

¹⁵Cingakin, dengan jahat ngerencaneang kejahatan; ie miaq rencane jahat dait ngelaksaneang penipuan.

¹⁶Ie kedukang dengan lain longkak, laguq ie mésaq saq geriq ojok dalemne.

¹⁷Jari ie tehukum siq kejahatanne mésaq, dait tesiksaq siq kekerasanne mésaq.

¹⁸Tiang besyukur tipaq ALLAH séngaq Ie adil, tiang nyanyiang pujian bagi ALLAH, Saq Maheagung.