Read KITAB SUCI ZABUR INJIL ZABUR 8 Bible Online

ZABUR 8 - KITAB SUCI ZABUR INJIL bible

ZABUR 8

¹Umaq pemimpin kor. Menurut lagu Gitit. Zabur Daud.

²Ya ALLAH, Junjungan kaji Saq Mulie, kuase Deside kesohor léq seantéro gumi! Keagungan Deside saq atasan léman langit tenyanyiang.

³ Léman biwih bebéaq dait kanak-kanak saq masih nyusu sampun Deside toloq dasar kekuatan lantaran lawan Deside, jari nungkem biwih musuh dait dengan saq dendem.

⁴Lamun kaji serioq langit saq Deside cipteang, bulan dait bintang-bintang saq Deside pasang,

⁵ napi manusie nike, sehingge Deside ilingang ie, sai ie, sehingge Deside merhatiang ie?

⁶Laguq Deside angkat ie jangke gen pade kance Allah, Deside icanin ie mahkote keagungan dait kehormatan.

⁷ Deside icanin ie kuase tipaq selapuq alam semeste, selapuq ciptean Deside, sampun Deside taklukang tipaq ie:

⁸Dombe, sampi dait ternak selapuqne, maraq nike éndah binatang léq tanaq lendang saq galuh;

⁹kedit-kedit dait empaq-empaq, selapuq mahluk léq dalem segare.

¹⁰Ya ALLAH, Junjungan kaji Saq Mulie, keagungan Deside kesohor léq seantéro gumi!