Read KITAB SUCI ZABUR INJIL ZABUR 81 Bible Online

ZABUR 81 - KITAB SUCI ZABUR INJIL bible

ZABUR 81

¹Umaq pemimpin kor. Menurut lagu: Gitit. Léman Asap.

²Nyanyiang puji-pujian bagi Allah, kekuatante, pade besurak siq cemoh bagi Allah Yakub.

³Puniqang rebane, pade nyanyiang lagu, puniqang gambus dait kecapi siq suare saq maiq tedengah.

⁴ Pade tiup terompét léq hari rayente, léq perayaan bulan baru dait bulan purname.

⁵Séngaq hal nike sopoq aturan léq Israel, sopoq préntah léman Allah Yakub.

⁶Ie jariang hal nike sopoq aturan bagi bangse Israel, sewaktu Ie maju ngelawan Mesir. Tiang dengah base saq nénten tiang kenal,

⁷“Tiang sampun ngangkat bandean léman toakde, dait bait keranjang saq berat léman imende.

⁸ Léq waktu side susah, side bekuih, dait Tiang nyelametang side. Tiang jawab side léman guntur taoq Tiang nyeboq, Tiang nguji side léq pengembulan aiq Meriba.

⁹Dengahang peringetan Tiang, hai umat Tiang, Israel, seandéne side mélé dengahang Tiang!

¹⁰ Ndaq araq léq antare side allah saq lain, ndaq nyembah allah saq ndéq tekenal.

¹¹Tiang niki ALLAH, Tuhande, saq jauq side sugul léman Mesir. Waktu side lapah Tiang béng side bekelor.

¹²Laguq umat Tiang ndéq mélé dengahang Tiang, Israel ndéq mélé taat léq Tiang.

¹³Keranaq nike Tiang alurang ie pade jari pagah; alurang ie pade turut keméléqne mésaq.

¹⁴Seandéne umat Tiang mélé dengahang Tiang, seandéne ie pade mélé taat léq Tiang,

¹⁵make Tiang langsung naklukang musuh-musuh ie pade, dait ngalahang selapuq musuh ie pade.

¹⁶Dengan saq meriq léq Tiang gen Tiang taklukang, ie pade gen tehukum selaéq-laéqne.

¹⁷Laguq umat Tiang gen Tiang béng kelorang gandum piléqan, dait Tiang besuhang ie pade siq madulani gawah.”