Read KITAB SUCI ZABUR INJIL ZABUR 83 Bible Online

ZABUR 83 - KITAB SUCI ZABUR INJIL bible

ZABUR 83

¹Zabur Asap: Sopoq nyanyian.

²Ya Allah, sampunang meneng doang, sampunang abot dait meneng doang.

³Séngaq musuh Deside pade uyut, dengan-dengan saq meriq léq Deside gen ngelawan.

⁴Ie pade miaq rencane saq licik ngelawan umat Deside; dait berunding ngelawan dengan-dengan saq Deside lindungin.

⁵Basen ie pade, “Silaq ite ancurang bangse Israel, adéq aran ie pade ndéq teinget malik.”

⁶Bangse-bangse sampun besekongkol, dait bemupakat ngelawan Deside:

⁷Bangse Edom dait Ismael, dengan-dengan Moab dait Hagar;

⁸bangse Gebal, Amon dait Amalék, bangse Pilistea dait penduduk Tirus.

⁹Maraq nike éndah Asyur sampun begabung kance ie pade, jari ime naén keturunan Lot.

¹⁰ Perlakuang ie pade maraq dengan Midian, maraq Sisera dait Yabin léq Kokoq Kison,

¹¹saq sampun tebinaseang léq Endor, dait jari raboqne tanaq.

¹² Perlakuang pemimpin ie pade maraq Oreb dait Zeeb, taklukang penguase ie pade maraq Zebah dait Salmuna,

¹³séngaq ie pade sampun bebase, “Silaq ite rebut tanaq taoq Allah meneng.”

¹⁴Ya Allah, sangkurang ie pade maraq kerepuk, maraq jami saq tekesurang siq angin.

¹⁵Maraq api saq julatang gawah, nyale api saq ngotongang gunung-gunung.

¹⁶Paléq ie pade siq ujan angin Deside, tinjotang ie pade siq angin pusut Deside.

¹⁷Ya ALLAH, menengang ie pade tehine, adéq ie pade ngakuq kekuasean Deside.

¹⁸Menengang ie pade seterusne teperilaq dait takut, menengang ie pade maté léq dalem kehinean.

¹⁹Adéq ie pade nenaoq cume Deside Saq Maheagung, ALLAH, saq nguasein seantéro gumi.