Read KITAB SUCI ZABUR INJIL ZABUR 84 Bible Online

ZABUR 84 - KITAB SUCI ZABUR INJIL bible

ZABUR 84

¹Umaq pemimpin kor. Menurut lagu: Gitit. Zabur kaum Korah.

²Nyenengang gati taoq Deside meneng, ya ALLAH Saq Mahekuase!

³Jiwe kaji lebur anyong séngaq kangen gati léq Gedéng Deside, jiwe dait awak kaji besurak bagi Allah saq idup.

⁴Malahan kedit perit mauq balé dait kedit sriti mauq sopoq kesebu, taoq ie pade noloq anakne léq dékét méje taoq persembahan Deside, ya ALLAH Saq Mahekuase, Raje kaji dait Allah kaji.

⁵Tetu-tetu bahagie dengan saq ndot léq Gedéng Deside, dait tetep nyanyiang pujian bagi Deside.

⁶Bahagie dengan saq mauq kekuatan léman Deside, dait saq beniat siarah ojok Gunung Sion.

⁷Waktu ie pade lampaq liwatin Lembah Baka, taoq nike ie pade robah jari pengembulan aiq, malahan ujan penembéq penoqin Lembah Baka nike siq berkah.

⁸Kekuatan ie pade sayan beromboq, waktu ie pade parek tipaq Allah léq Sion.

⁹Pirengang do'e kaji, ya ALLAH, Tuhan Saq Mahekuase, pirengang, ya Allah Yakub.

¹⁰Berkahin raje kaji pade, ya Allah, lindungin dengan saq sampun Deside piléq.

¹¹Séngaq solahan sejelo léq Gedéng Deside ketimbang siyu jelo léq taoq saq lain. Solahan kaji jari penunggu lawang léq Gedéng Allah kaji ketimbang ndot léq balén dengan jahat.

¹²Séngaq ALLAH , Tuhan pelindungte dait raje saq agung, saq ngicanin ite kasih dait kehormatan. Ie nénten uwah nolaq napi juaq saq solah léman dengan saq idupne ndéq bedowé cele.

¹³Ya ALLAH Saq Mahekuase, bahagie dengan saq percaye léq Deside.