Read KITAB SUCI ZABUR INJIL ZABUR 91 Bible Online

ZABUR 91 - KITAB SUCI ZABUR INJIL bible

ZABUR 91

¹Dengan saq berlindung léq Saq Maheagung, dait araq léq dalem lindungan Saq Mahekuase,

²gen matur tipaq ALLAH, “Deside pembéle dait pelindung kaji, Allah kaji, léq Deside kaji percaye.”

³Ie gen ngelepasang side léman bahaye saq ndéq penggitan, dait léman wabah penyakit saq miaq dengan maté.

⁴Ie gen kudung side siq keléték-Ne sehingge side aman léq dalem lindungan-Ne; kesetiean-Ne maraq éndé saq ngelindungin side.

⁵Ndaq side takut siq bahaye léq waktu kekelem, atao serangan saq selung-selung léq waktu kenjelo;

⁶siq bahle saq dateng léq waktu peteng, atao keancuran saq nimpe side léq waktu tengari.

⁷Timaq siyu dengan maté léq dékétde, dait sepulu iyu léq sedi kanan side, laguq hal nike ndéq gen nimpe side.

⁸Lamun side merhatiang léq sekeliningde, side serioq dengan jahat nerimaq pembalesan.

⁹Séngaq ALLAH nike pembélende, Saq Maheagung side jariang pelindungde.

¹⁰Make side ndéq gen kene siq bahle, balén side ndéq kene siq musibah.

¹¹ Allah mréntahang malaékat-Ne jagaq side, jari ngelindungin side ojok mbé juaq lainde.

¹² Ie pade gen sangklap side kadu imene, adéq naénde ndéq kedampes léq batu.

¹³ Side gen ngeléngkak ulah dait singe, ngicaq anak singe dait ulah nage.

¹⁴Manik ALLAH, “Dengan saq ngasihin Tiang gen Tiang selametang, saq ngakuq Tiang gen Tiang lindungin.

¹⁵Lamun ie bekuih tipaq Tiang, Tiang gen jawab ie. Léq waktu ie kebucuq, Tiang gen tulung ie; ie gen Tiang luputang dait Tiang béng kehormatan.

¹⁶Tiang gen puasang ie siq umur bélo, dait Tiang selametang.”