Read KITAB SUCI ZABUR INJIL 2 KORINTUS 13 Bible Online

2 KORINTUS 13 - KITAB SUCI ZABUR INJIL bible

2 KORINTUS 13

¹ Niki saq ketelu kaline tiang dateng jangoq side pade. Dalem Kitab Suci tetulis, “Sebilang pelekare harus tebuktiang siq kesaksian due atao telu dengan saksi, baruq pelekare nike sah.”

²Dengan-dengan saq laéq saq sampun gawéq dose dait selapuq dengan lainne, sampun tiang peringet bejulu sewaktu tiang dateng jangoq side pade saq kedue kaline. Mangkin, léq waktu tiang bejaoqan kance side, tiang peringet malik bahwe lamun tiang dateng malik, ndéq araq sopoq dengan léman ie pade saq gen luput léman hukuman.

³Make side pade gen mauq selapuq bukti saq side pade melétang bahwe Almasih tetu-tetu bemanik langan tiang. Lamun Almasih ngelaksaneang hal nike tipaq side pade, Ie nénten gen alem-alem, sebalikne Ie nyatayang kuase-Ne léq antare side.

⁴Mule léq waktu Ie tepakuq léq kayuq salib Ie lemah, laguq mangkin Ie idup dalem kuase Allah. Mule tiang pade lemah léq dalem Almasih, laguq tiang pade gen idup bareng kance Ie siq kuase Allah.

⁵Cobaq side pade uji diriqde mésaq napi side pade tetu-tetu idup léq dalem iman tipaq Almasih! Pasti side pade sadar bahwe Deside Isa Almasih araq léq dalem side pade! -- lain halne lamun mule side pade ndéq tetu-tetu percaye.

⁶Tiang harep side pade sadar bahwe tiang pade ndéqne dengan saq ndéq tahen uji.

⁷Tiang pade bedo'e tipaq Allah semoge Ie kayun nulung side pade adéq side pade ndéq gawéq jahat. Ndéqne jari nyatayang bahwe tiang pade dengan-dengan saq berhasil, laguq adéq side pade ngelaksaneang napi saq solah, timaq ruene tiang pade maraq dengan-dengan saq gagal.

⁸Séngaq tiang pade ndéq tao piaq napi-napi jari ngelawan kebenaran; tiang pade cume bau ngelaksaneang kebenaran.

⁹Tiang pade seneng lamun tiang pade lemah, dait side pade kuat. Tiang pade bedo'e éndah adéq side pade jari sempurne.

¹⁰Keranaq nike tiang nulis surat niki léq waktu tiang ndéqman araq léq tengaq-tengaq side pade. Siq care nike, lamun tiang dateng laun, tiang ndéq gen keras tipaq side siq kekuasean saq teicanin siq Tuhan léq tiang. Kekuasean nike teicanin jari ngebéng side pade semanget, ndéqne jari ngancurang.

¹¹Ahirne, semeton senamian, side pade harus gembire, dait berusahe jari sempurne. Terimaq selapuq naséhat tiang. Side pade harus sepaham dait idup dalem damé sejahtere. Allah sumber kasih dait damé sejahtere gen araq bareng kance side pade.

¹²Side pade harus besalam-salaman sopoq kance saq lain siq penoq kasih. Selapuq dengan-dengan saq tehususang bagi Allah ngirim salam tipaq side.

¹³Rahmat Junjungan Saq Mulie Deside Isa Almasih dait kasih Allah dait persahabatan léq dalem Roh Suci araq bareng kance side pade selapuq!