Read KO E TOH TAPU KATOA TONGA KO SĒNESI 36 Bible Online

KO SĒNESI 36 - KO E TOH TAPU KATOA TONGA bible

KO SĒNESI 36

¹KO E tohi eni ‘o e hako ‘o ‘Īsoa, ‘a ia ‘Ītomi.

²Ko ‘Īsoa na‘a ne ma‘u ‘unoho mei he kau ta‘ahine Kēnani; ko ‘Ata ko e ‘ōfefine ‘o ‘Eiloni ko e Heti, mo ‘Aholipama ko e ‘ōfefine ‘o ‘Ana, pea ko e hako[91] ‘o Sipione ko e Hevi;

³pea mo Pasimati, ‘a ia ko e ‘ōfefine ‘o ‘Isime‘eli mo e tuofefine ‘o Nepaiote.

⁴Pea fā‘ele‘i ‘e ‘Ata kia ‘Īsoa ‘a ‘Elifasi; pea ko Pasimati na‘a ne fā‘ele‘i ‘a Leueli;

⁵pea ko ‘Aholipama na‘a ne fā‘ele‘i ‘a Siusi, mo Sialame, mo Kola: ko e ngaahi foha ia ‘o ‘Īsoa, ‘a ia na‘e fanau‘i kiate ia ‘i he fonua ko Kēnani.

⁶Pea ‘ave ‘e ‘Īsoa hono ngaahi ‘unoho, mo hono ngaahi foha, mo hono ngaahi ‘ōfefine, mo hono kau nofo‘anga kotoa pē, mo ‘ene fanga manu, mo ‘ene manu ngāue kotoa pē, ‘io, ‘a ‘ene koloa kotoa kuo ne ma‘u ‘i he fonua ko Kēnani; pea ne ‘alu atu ki loto fonua mei he ‘ao ‘o hono tokoua ko Sēkope.

⁷He ko ‘ena koloa na‘e lahi fau ke na nofo fakataha; pea na‘e ‘ikai ala utangi kinaua ‘e he fonua ‘oku na ‘āunofo ki ai, koe‘uhi ko ‘ena fanga manu.

⁸Ko ia na‘e nofo ‘a ‘Īsoa ‘i he mo‘unga ko Seia: ko ‘Īsoa ko ‘Ītomi ia.

⁹Pea ko e tohi eni ‘o e hako ‘o ‘Īsoa, ko e tupu‘anga ‘o ha‘a ‘Ītomi ‘i he mo‘unga ko Seia.

¹⁰Ko e ngaahi hingoa eni ‘o e ngaahi foha ‘a ‘Īsoa; ko ‘Elifasi ko e tama ‘a ‘Ata ko e uaifi ‘o ‘Īsoa, ko Leueli ko e tama ‘a Pasimati ko e uaifi ‘o ‘Īsoa.

¹¹Pea na‘e ai ha hako ‘o ‘Elifasi; ko Tīmani, ko ‘Ōma‘a, ko Sifo, pea mo Kātami mo Kēnasi.

¹²Pea ko Tīmina‘a ko e sinifu ia kia ‘Elifasi ko e foha ‘o ‘Īsoa; pea na‘a ne fā‘ele‘i kia ‘Elifasi ‘a ‘Amaleki: ko e hako kinautolu ‘o ‘Ata ko e uaifi ‘o ‘Īsoa.

¹³Pea ko e hako eni ‘o Leueli; ko Nāhati mo Sala, ko Sama mo Misa: ko kinautolu ko e hako ‘o Pasimati ko e uaifi ‘o ‘Īsoa.

¹⁴Pea ko e hako eni ‘o ‘Aholipama ko e uaifi ‘o ‘Īsoa ‘a ia ko e ‘ōfefine ‘o ‘Ana mo e hako[92] ‘o Sipione; na‘a ne fā‘ele‘i kia ‘Īsoa ‘a Siusi mo Sialame mo Kola.

¹⁵Ko eni ‘a e ngaahi hingoa ‘eiki ‘i he fānau ‘a ‘Īsoa: ko e hako ‘o ‘Elilasi ko e ‘uluaki foha ‘o ‘Īsoa: ko Tu‘i Ha‘a Tīmani, ko Tu‘i Ha‘a ‘Ōma‘a, ko Tu‘i Ha‘a Sifo, ko Tu‘i ha‘a Kēnasi,

¹⁶ko Tu‘i Ha‘a Kola, ko Tu‘i Ha‘a Kātami, ko Tu‘i Ha‘a ‘Amaleki: ko kinautolu ‘a e ngaahi hingoa ‘eiki meia ‘Elifasi ‘i he fonua ko ‘Ītomi; ko e hako ‘eni ia ‘o ‘Ata.

¹⁷Pea ko e hako eni ‘o Leueli ko e foha ‘o ‘Īsoa; ko Tu‘i Ha‘a Nāhati, ko Tu‘i Ha‘a Sala, ko Tu‘i Ha‘a Sama, ko Tu‘i Ha‘a Misa: ko e ngaahi hingoa ‘eiki ia meia Leueli ‘i he fonua ko ‘Ītomi; ko e hako eni ia ‘o Pasimati ko e uaifi ‘o ‘Īsoa.

¹⁸Pea ko eni ‘a e hako ‘o ‘Aholipama ko e uaifi ‘o ‘Īsoa; ko Tu‘i Ha‘a Siusi, ko Tu‘i Ha‘a Sialame, ko Tu‘i Ha‘a Kola: ko e ngaahi hingoa ‘eiki ia meia ‘Aholipama ko e uaifi ‘o ‘Īsoa, ‘a ia ko e ‘ōfefine ‘o ‘Ana.

¹⁹Ko e ha‘a ‘Īsoa ‘a kinautolu ni, ‘a ia ko ‘Ītomi, pea ko honau hou‘eiki ia.

²⁰Ko e hako eni ‘o Seia ko e Holi, ‘a ia na‘e nofo ‘i he fonua; ko Lōtani mo Sōpale mo Sipione mo ‘Ana,

²¹pea mo Tīsoni mo ‘Ēseli mo Tīsani: ko e hou‘eiki eni mei ha‘a Holi, ko e hako ‘o Seia ‘i he fonua ko ‘Ītomi.

²²Pea na‘e ai ha fānau ‘a Lōtani ko Holi mo Heimami: pea ko e tuofefine ‘o Lōtani ‘a Tīmina‘a.

²³Ko e hako eni ‘a Sōpale; ko ‘Alivani mo Manahate mo ‘Īpale, ko Sifo mo ‘Ōnama.

²⁴Ko e ha‘a Sipione eni; ko ‘Aia‘a mo ‘Ana fakatou‘osi; ko e ‘Ana ia na‘a ne ‘ilo ‘a e ngaahi matavai māfana ‘i he toafa ‘i he‘ene tauhi ‘a e fanga ‘asi ‘a ‘ene ‘eiki ko Sipione.

²⁵Pea ko e ha‘a ‘Ana eni; ko Tīsoni, pea mo ‘Aholipama ko e ‘ōfefine ‘o ‘Ana.

²⁶Pea ko e hako eni ‘o Tīsoni; ko Hemitani mo ‘Esipani mo ‘Itilani mo Kēlani.

²⁷Pea ko ha‘a ‘Ēseli eni; ko Pīlani mo Sa‘avani mo ‘Ākani.

²⁸Pea ko ha‘a Tīsani eni; ko ‘Usa mo ‘Ālani.

²⁹Ko eni ia ‘a e ngaahi hingoa ‘eiki mei ha‘a Holi; ko Tu‘i Ha‘a Lōtani, ko Tu‘i Ha‘a Sōpale, ko Tu‘i Ha‘a Sipione, ko Tu‘i Ha‘a ‘Ana,

³⁰ko Tu‘i Ha‘a Tīsoni, ko Tu‘i Ha‘a ‘Ēseli, ko Tu‘i Ha‘a Tīsani: ko e hou‘eiki ia mei ha‘a Holi ‘i he lau ‘o e ngaahi ‘eiki ‘o e fonua ko Seia.

³¹Pea ko eni ia ‘a e ngaahi tu‘i na‘e hau ‘i he fonua ko ‘Ītomi, ‘i he te‘eki ke pule ha tu‘i ‘i ha‘a ‘Isileli.

³²Pea na‘e hau ‘i ‘Ītomi ‘a Pela ko e foha ‘o Peoli; pea ko e hingoa ‘o hono kolo ko Tīnapa.

³³Pea pekia ‘a Pela, pea fetongi ia ‘i he pule ‘e Siopapi ko e foha ‘o Sala mei Pōsila.

³⁴Pea pekia ‘a Siopapi, pea fetongi ia ‘i he pule ‘e Hūsami mei he fonua ‘o Ha‘a Tīmani.

³⁵Pea pekia ‘a Hūsami, pea fetongi ia ‘i he pule ‘e Hētati ko e foha ‘o Pētati, ‘a ia ko e tokotaha na‘a ne taa‘i ‘a Mitiani ‘i he tuku‘uta ‘o Moape: pea ko e hingoa ‘o hono kolo ‘o‘ona ko ‘Āviti.

³⁶Pea pekia ‘a Hētati, pea fetongi ia ‘i he pule ‘e Sāmila mei Masileka.

³⁷Pea pekia ‘a Sāmila, pea fetongi ia ‘i he pule ‘e Saula mei Leopote-‘i-Vaitafe.

³⁸Pea pekia ‘a Saula, pea fetongi ia ‘i he pule ‘e Peali ‘Ānani, ko e foha ‘o ‘Akepoa.

³⁹Pea pekia ‘a Peali-‘Ānani ko e foha ‘o ‘Akepoa, pea fetongi ia ‘i he pule ‘e Hētati: pea ko e hingoa ‘o hono kolo ‘o‘ona ko Pa‘u; pea ko e hingoa ‘o hono uaifi ko Mehetapeli ko e ta‘ahine ‘a Mateleti, ko e ‘ōfefine ‘o Mei-Sāhapi.

⁴⁰Pea ko e ngaahi hingoa eni ‘o e ngaahi ‘ulu ‘eiki na‘e tupu ‘ia ‘Īsoa, ‘o fakatatau ki honau tupu‘anga, pea fakatatau ki he ngaahi hingoa ‘o honau ngaahi feitu‘u: ko e ‘eiki ‘o Tīmani, ko e ‘eiki ‘o ‘Ālia, ko e ‘eiki ‘o Sīteti;

⁴¹ko e ‘eiki ‘o ‘Aholipama, ko e ‘eiki ‘o ‘Ela, ko e ‘eiki ‘o Pīnoni;

⁴²ko e ‘eiki ‘o Kēnasi, ko e ‘eiki ‘a Tīmani, ko e ‘eiki ‘o Mipisali;

⁴³ko e ‘eiki ‘o Makatieli, ko e ‘eiki ‘o ‘Īlami. Ko e ngaahi ‘eiki eni ‘o ‘Ītomi, ‘o fakatatau ki honau nofo‘anga ‘i he fonua kuo nau ma‘u. Ko ‘Īsoa eni ko e tupu‘anga ‘o ‘Ītomi.

⁴⁴Ka ka nofo ‘a Sēkope ‘i he fonua na‘e ‘āunofo ki ai ‘a ‘ene ‘eiki, ko e fonua ko Kēnani.