Read KO E TOH TAPU KATOA TONGA KO 2 SĀMIUELA 2 Bible Online

KO 2 SĀMIUELA 2 - KO E TOH TAPU KATOA TONGA bible

KO 2 SĀMIUELA 2

¹PEA hili ia na‘e huhū ‘a Tēvita kia Sihova, ‘o pehē, Te u ‘alu hake koā ki ha taha ‘o e ngaahi kolo Siuta? Pea tali ‘e Sihova, ‘Alu hake pē. Pea pehē ‘e Tēvita, Te u ‘alu hake ki fē? Pea ne tali, Ki Hepeloni.

²Pea ‘alu hake ki ai ‘a Tēvita, mo hono ongo uaifi, ko ‘Ahinoame ko e fefine Sisilili, mo ‘Apikale na‘e nonofo mo e Kāmeli ko Nāpale.

³Pea ‘ohake ‘e Tēvita ‘a e kau tangata na‘e ō mo ia, takitaha mo hono fale: pea nau nofo ‘i he ngaahi kolo ‘o Hepeloni.

⁴Pea ha‘u ‘a e kau tangata Siuta, ‘o nau fakanofo ai ‘a Tēvita ke tu‘i ki ha‘a Siuta. Pea na‘e fakahā kia Tēvita ‘o pehē, Ko e kau tangata Siepesi-Kiliati ia na‘a nau tanu ‘a Saula.

⁵Pea tuku atu ‘e Tēvita ha tu‘unga talafekau ki he kau tangata Siepesi-Kiliati, ‘o ne pehē kiate kinautolu, ‘Ofa ke mou tāpuekina mei he ‘Eiki, ho‘omou fai ‘a e ‘ofa ni ki homou ‘eiki, ‘a Saula, ‘o telio ia.

⁶Pea ko eni, tauange mo e ‘Eiki ke ne fai ‘ofa mo mo‘oni kiate kimoutolu: pea ko au foki te u totongi ‘a e ngāue lelei ni, ‘a ho‘omou fai ‘a e me‘a ni.

⁷Pea ko eni, ke mālohi homou nima, pea mou fakato‘oto‘a: he kuo pekia eni, ke mālohi homou nima, pea mou fakato‘oto‘a: he kuo pekia homou ‘eiki ko Saula, pea kuo fakanofo foki au ‘e ha‘a Siuta ko honau tu‘i.

⁸Ka ko ‘Āpina foha ‘o Nā, ko e ‘eiki ‘o e tau ‘a Saula, kuo ne to‘o ‘a ‘Isiposeti, ko e foha ‘o Saula, ‘o ne fakahā‘ele mai ia ki Mehanemi;

⁹pea ne fakanofo ia ke tu‘i ki Kiliati mo ha‘a ‘Āsuli,[2] mo Sisilili, mo ‘Ifalemi, mo Penisimani, mo ‘Isileli kātoa.

¹⁰(Na‘e fāngofulu ta‘u ‘a ‘Isiposeti foha ‘o Saula, ‘i he‘ene hoko ko e Tu‘i ‘Isileli, pea na‘e ua ta‘u ‘ene tu‘i). Ka ko ha‘a Siuta na‘a nau muimui kia Tēvita.

¹¹Pea ko e fuoloa ‘o e taimi na‘e tu‘i ai ‘a Tēvita ‘i Hepeloni ki ha‘a Siuta ko e fitu ta‘u mo e māhina ‘e ono.

¹²Pea ‘alu ‘a ‘Āpina foha ‘o Nā, mo e kau tamaio‘eiki ‘a ‘Isiposeti, foha ‘o Saula, mei Mehanemi ki Kipione.

¹³Pea ko Sioape ko e tama ‘a Seluvaia, mo e kau tamaio‘eiki ‘a Tēvita, na‘a nau ‘alu atu, ‘o nau fetaulaki tu‘u mo kinautolu ‘i he lepa ‘i Kipione; ‘o nau nofo hifo, ko kinautolu ‘i he kau lepa ko ē, mo kinautolu ‘i he kau lepa ko ē.

¹⁴Pea pehē ‘e ‘Āpina kia Sioape, Ke tu‘u hake mu‘a ‘a e kau tama, ‘o faiva ‘i hotau ‘ao. Pea tali ‘a Sioape, Ke nau tu‘u pē.

¹⁵Pea nau tutu‘u ‘o laka ange, ‘a kinautolu na‘e lau; ko e toko hongofulu mā ua ma‘a Penisimani, pea ma‘a ‘Isiposeti ko e foha ‘o Saula, pea ko e toko hongofulu mā ua ‘i he kau tamaio‘eiki ‘a Tēvita.

¹⁶Pea puke takitaha ‘a e ‘ulu ‘o hono fili, pea ko ‘ene heletā kuo ‘i he vakavaka leva ‘o ē; pea ko e toka‘apuaka na‘e fai: pea na‘e ui ‘a e feitu‘u ko ia ko Mala‘e-‘o-hele māsila; ‘oku ‘i Kipione ia.

¹⁷Pea fai atu ‘a e tau ‘i he ‘aho ko ia, ‘o kakaha ‘aupito; pea na‘e nuiki ‘a ‘Āpina mo e kau tangata ‘Isileli ‘i he ‘ao ‘o e kau tamaio‘eiki ‘a Tēvita.

¹⁸Pea na‘e ‘i he feitu‘u ko ia ‘a e tolu‘i tama ‘a Seluvaia, ‘a Sioape, mo ‘Apisai, mo ‘Asaeli: pea ko ‘Asaeli na‘e ve‘ekimokimo ‘o hangē ha kaseli taka vao.

¹⁹Ko ia na‘e tuli ‘a ‘Asaeli kia ‘Āpina, pea ‘i he‘ene ‘alu na‘e ‘ikai te ne afe ki he to‘omata‘u pe ki he to‘ohema, ka ne tuli tāupaua kia ‘Āpina.

²⁰Pea kilo ki mui ‘a ‘Āpina? ‘o ne pehē, Ko koe ‘ena, ‘Asaeli? Pea ne tali, Ko au.

²¹Pea pehē mai ‘e ‘Āpina, Afe mu‘a ki to‘omata‘u pe ki to‘ohema, ‘o ala ki ha toko taha ‘o e kau tama, ‘o puke ma‘au hono kofu tau. Ka ka ‘ikai fie afe ‘a ‘Asaeli mei he‘ene tuli.

²²Pea toe lea mai ‘a ‘Āpina kia ‘Asaeli, Tuku mu‘a ho‘o muimui kiate au: koe‘uma‘ā ‘eku taa‘i koe ki he kelekele? Ka u hanga hake fēfē ai ki ho ta‘okete ko Sioape?

²³Kae ‘ikai ‘aupito te ne afe: ko ia na‘e veloi ia ‘i hono kete ‘e ‘Āpina ‘aki ‘a e hiku‘i tao,[3] pea ‘asi ‘a e tao ki tu‘a; pea ne tō leva ‘o pekia ‘i he potu ko ia: pea ko ia, ka a‘u ha taha ki he potu kuo tō ai ‘a ‘Asaeli, pea ne tu‘u ai.

²⁴Ka ka tuli ai pē kia ‘Āpina ‘e Sioape mo ‘Apisai; pea na‘e tō ‘a e la‘ā fe‘unga mo ‘enau a‘u ki he mā‘olunga ko ‘Ama, ‘a ia ‘oku ‘i he hāngai ki Kia, ‘i he hala toafa ‘o Kipione.

²⁵Pea fakatefua mai ‘e ha‘a Penisimani, ‘o muimui kia ‘Āpina, ‘o nau hoko ko e fo‘i kongakau, ‘o nau tutu‘u ‘i ha funga mā‘olunga.

²⁶Pea kalanga ‘a ‘Āpina kia Sioape ‘o pehē, ‘E keina koā ‘a e heletā ‘o ta‘engata? ‘Ikai ‘oku ke ‘ilo ‘e iku kona? ko futu mo ho‘o ta‘efekau ki he kakai ke tuku ‘enau tuli ki honau kāinga.

²⁷Pea tali ‘e Sioape, Tangi mo‘oni ‘a ‘Elohimi, ka ne ‘ikai te ke lea pehē, ne foki hake pongipongi ‘a e kakai takitaha mei he tuli hono kāinga.

²⁸Pea na‘e ifi ‘e Sioape ‘a e talupite, pea tutu‘u ‘a e kakai kotoa, ‘o ‘ikai te nau toe tuli atu ‘a ‘Isileli, ‘o ‘ikai te nau fai atu ‘a e tau.

²⁹Pea ko ‘Āpina mo ‘ene kau tangata na‘a nau ‘alu ‘i he ‘Alapā ‘i he pō ko ia kotoa, pea nau a‘a ‘i Soatani, pea na‘e ‘osi mai mo Pitiloni kotoa, pea nau a‘u ki Mehanemi.

³⁰Pea foki ‘a Sioape mei he tuli ‘o ‘Āpina: pea ‘i he‘ene tānaki ‘a e kakai, na‘e ava ‘a e tu‘unga ‘o e toko hongofulu mā hiva ‘i he kau tamaio‘eiki ‘a Tēvita, pea mo ‘Asaeli.

³¹Ka kuo te‘ia ‘e he kau tamaio‘eiki ‘a Tēvita ha toko tolungeau mā onongofulu: ko e kau Penisimani ia mo e kau tangata ‘a ‘Āpina na‘e pekia.

³²Pea nau kauala ‘a ‘Asaeli, ‘o tanu ‘i he fa‘itoka ‘o ‘ene tamai ‘a ia na‘e ‘i Pētelihema: pea ‘alu ‘a Sioape mo ‘ene kau tangata ‘i he pō ko ia kotoa, pea ‘i he ma‘a ‘a e ‘aho kuo nau ‘i Hepeloni.