Read KO E TOH TAPU KATOA TONGA KO 1 TU‘I 2 Bible Online

KO 1 TU‘I 2 - KO E TOH TAPU KATOA TONGA bible

KO 1 TU‘I 2

¹PEA na‘e ‘unu‘unu mai ‘a e taimi ‘o Tēvita ke pekia; pea ne fai tu‘utu‘uni ki hono foha ko Solomone, ‘o pehē,

²Ko ‘eku ‘alu ē ‘i he hala ‘oku fou ai ‘a māmani kātoa; ko ia ke ke lototo‘a, pea ke fai ngali tangata;

³pea ke tauhi ‘a e fatongia ‘o Sihova ko ho ‘Otua, ke fou ‘i hono ngaahi hala, ke tauhi ‘ene ngaahi fekau, ‘a ‘ene ngaahi tu‘utu‘uni, mo konisitūtone, mo fakamo‘oni, ‘o hangē ko ia kuo tohi ‘i he lao ‘a Mōsese, koe‘uhiā ke ke fai fakapotopoto ‘i he me‘a kotoa te ke fai, mo e potu kotoa te ke hanga ki ai:

⁴koe‘uhiā ke fakapapau ‘e Sihova ‘ene folofola na‘a ne fai ‘iate au, ‘o pehē, Kapau ‘e tokanga ‘e ho‘o fānau ki honau founga, ke fai ‘i mo‘oni ‘enau fakafeangai kiate au ‘aki ‘a e kotoa ‘o honau loto, mo e kotoa ‘o honau laumālie (pea ne fai atu ‘ene folofola), pea ‘e toki ‘ikai hala hao tangata ‘i he taloni ‘o ‘Isileli.

⁵Pea ‘oku ke ‘ilo foki ‘a e me‘a na‘e fai kiate au ‘e Sioape, ko e tama ‘a Seluvaia: ‘a e me‘a na‘a ne fai ki he ongo ‘eikitau ‘Isileli, kia ‘Āpina foha ‘o Nā, pea kia ‘Āmasa foha ‘o Sēteli, he‘ene fakapoongi kinaua, ‘o ne fakaai[3] ‘i he taimi melino, ‘o ne tuku ‘a e toto tau[4] ‘i he no‘o na‘e ‘i hono[5] kongaloto, mo e teka na‘e ‘i hono[6] va‘e.[7]

⁶Ko ia ke ke fai fakapotopoto, ‘o ‘oua ‘e tuku hono hinā ke ‘alu hifo ki fa‘itoka ‘i he melino.

⁷Ka ke fai ‘ofa ki he hako ‘o e Kiliati ko Pasiliai, pea tuku ke kau ‘i he fa‘ahinga ‘oku keinanga mo koe: he na‘e tatau mo ia ‘enau ‘unu kiate au ‘i he‘eku hola mei he ‘ao ‘o ‘Apisalome ko ho tokoua.

⁸Pea ko eni, ‘oku ‘iate koe ‘a Simi, foha ‘o e Penisimani ko Kela mei Pahulimi, pea na‘e fai ‘e ia ha kape mamafa kiate au ‘i he ‘aho ‘o ‘eku ‘alu ki Mehanemi: ka na‘a ne ‘alu hifo ki Soatani ke fakafetaulaki kiate au, pea u fuakava kiate ia ‘ia Sihova, ‘o pehē, ‘Ilo ‘e au ‘o kapau te u tāmate‘i koe ‘aki ha heletā.

⁹Pea ko eni, ‘oua te ke lau ia ko e ta‘ehalaia, he ko e tangata poto koe; pea te ke ‘ilo ‘a e me‘a ke fai kiate ia, ka te ke ‘ohifo hono hinā ki faitoka ‘i he toto.

¹⁰Pea toka ‘a Tēvita mo ‘ene ngaahi kui, pea na‘e telio ia ‘i Kolo-‘o-Tēvita.

¹¹Pea ko e fuoloa ‘o e Pule ‘a Tēvita ki ‘Isileli ko e fāngofulu‘i ta‘u: na‘e fitu ta‘u ‘ene hau ‘i Hepeloni, pea tolungofulu ta‘u ‘ene hau ‘i Selusalema.

¹²Pea ko Solomone ē ‘oku nofo ‘i he taloni ‘o ‘ene tamai ko Tēvita, pea na‘e kaukaua ‘aupito ‘ene pule. Ko e Mālōlō ‘a ‘Atunaisá.

¹³Pea ha‘u ‘a ‘Atunaisa tama ‘a Hākiti kia Patisepa ko e fa‘ē ‘a Solomone. Pea pehē ‘e he fefine, Ko ho‘o ha‘u melino pē? Pea ne tali, Melino pē.

¹⁴Pea ne fai atu ‘ene lea, ‘Oku ai ha‘aku me‘a ke fakahā atu. Pea pehē ‘e he fefine, Lea pē.

¹⁵Pea ne pehē, ‘Oku ke ‘ilo na‘e ‘o‘oku ‘a e pule‘anga, pea na‘e hanga ‘a ‘Isileli kātoa kiate au ke u tu‘i: ka kuo le‘ei ‘a e pule‘anga, pea kuo ‘o hoku tehina: he na‘e tō kiate ia meia Sihova.

¹⁶Pea ko eni ‘oku ai ha‘aku fo‘i kole ‘oku ou fai kiate koe, ‘oua te ke fakafisi au. Pea tali ange ‘e he fefine, Lea pē.

¹⁷Pea ne pehē, Ke ke lea mu‘a kia Kingi Solomone (he tala‘ehai te ne fakafisi koe), ke ne tuku mai ‘a ‘Apisaki ko e fefine Sūnemi ke ma nonofo.

¹⁸Pea tali ‘e Patisepa, Lelei; te u lea ma‘au ki he tu‘i.

¹⁹Ko ia na‘e ‘alu ‘a Patisepa kia Kingi Solomone ke lea kiate ia ma‘a ‘Atunaisa. Pea me‘a ki ‘olunga ‘a e tu‘i ke fakafetaulaki kiate ia, mo fai ‘ene faka‘apa‘apa, ‘o ne nofo ki hono taloni, ‘o ne fekau ke ‘omi ha taloni mo‘o e fa‘ē ‘a e tu‘i; pea ne nofo ‘i hono to‘omata‘u.

²⁰Pea ne pehē ange, ‘Oku ai ha‘aku ki‘i kole ke fai atu; ‘oua te ke fakafisi au. Pea tali ‘a e tu‘i ki he fefine, Kole pē, ‘alā: he ‘e ‘ikai te u fakafisi koe.

²¹Pea pehē ‘e he fefine, Ke ke ‘ange ‘a e Sūnemi ko ‘Apisaki ki ho tokoua ko ‘Atunaisa ke na nonofo.

²²Pea tali ‘e Kingi Solomone, ‘o ne folofola ki he‘ene fa‘ē, Pea ko e hā ‘oku ke kole ai ma‘a ‘Atunaisa ‘a ‘Apisaki pe ko e Sūnemi? kole foki ‘a e pule‘anga ma‘ana; he ko hoku ta‘okete ia: ‘io, ma‘ana, pea ma‘a ‘Āpaiata taula‘eiki, pea ma‘a Sioape tama ‘a Seluvaia.[8]

²³Toki fuakava ‘a Kingi Solomone ‘ia Sihova, ‘o ne pehē, ‘Ilo ‘e au ‘o lahi hake, ‘o kapau ‘e mo‘ui ‘a ‘Atunaisa ‘i he‘ene fai ‘a e lea ko ia.

²⁴Kae tala atu, Tangi mo‘oni ‘a e ‘Eiki, ‘a ia ‘oku ne puke hoku hau, mo fakanofo au ‘i he taloni ‘o ‘eku tamai ko Tēvita, pea kuo ne fakaai hoku fale, ‘o hangē ko ‘ene folofola, ka ko ‘Atunaisa te ne mate he ‘aho ni.

²⁵Pea ‘alu ‘a e fekau ‘a Kingi Solomone ‘ia Penaia foha ‘o Sihoiata, pea ne ‘ohofi ia, ‘o ne pekia ai.

²⁶Pea ko e me‘a kia ‘Āpaiata ko e taula‘eiki, na‘e folofola ‘a e tu‘i ki ai, ‘Alu ki ‘Anatoti, ki ho ‘api ‘o‘ou; he ‘oku taau ke ke mate: ka ‘e ‘ikai te u tāmate‘i koe ‘i he taimi ni, he na‘a ke fua ‘a e ‘A‘ake ‘o ‘Ātonai Sihova ‘i he ‘ao ‘o ‘eku tamai ko Tēvita, pea koe‘uhi na‘a ke kaungā mamahi ‘i he ngaahi mamahi ‘a ‘eku tamai.

²⁷Ko ia, na‘e kapusi ‘e Solomone ‘a ‘Āpaiata mei he‘ene taula‘eiki kia Sihova, ka ne fakamo‘oni ‘a e folofola ‘a e ‘Eiki na‘a ne fai ‘i Sailo, ‘o kau ki he fale ‘o ‘Īlai.

²⁸Pea pavake atu hono ongoongo kia Sioape: he kuo afe ‘a Sioape ke muimui kia ‘Atunaisa, ka na‘e ‘ikai te ne afe ke muimui kia ‘Apisalome. Pea hola ‘a Sioape ki he Tēniti ‘o e ‘Eiki, ‘o ne puke ki he nifo‘i ‘ōlita.[9]

²⁹Pea na‘e fakapā kia Kingi Solomone, Tokua kuo hola ‘a Sioape ki he Tēniti ‘o e ‘Eiki, pea vakai, ‘oku ne ‘i he tafa‘aki ‘ōlita. Pea fekau ‘e Solomone ‘a Penaia[10] foha ‘o Sihoiata, ‘o pehē, ‘Alu, ‘o taa‘i ia.

³⁰Pea a‘u ‘a Penaia ki he Tēniti ‘o Sihova, ‘o ne pehē ange, Ko e folofola eni ‘a e tu‘i, Ke ke hū kitu‘a. Pea tali ‘e ia, ‘ikai; ka te u mate heni. Pea foki mai ‘a Penaia ki he tu‘i mo e lea ko ia, he‘ene pehē, Na‘e pehē ‘a e lau ‘a Sioape, ‘o pehē ‘ene tali au.

³¹Pea folofola ‘a e tu‘i ki ai, Fai hangē ko ‘ene lau, ‘o taa‘i ia mo tanu; ka ke ‘ave ‘a e toto ‘a ia na‘e lilingi tu‘unga‘a pē ‘e Sioape meiate au mo e fale ‘o ‘eku ‘eiki.

³²He ‘e fakafoki ‘e Sihova hono toto ki hono tumu‘aki ‘o‘ona; he na‘a ne ‘ohofi ha ongo tangata na‘e mā‘oni‘oni ange mo lelei ‘iate ia, ‘o ne fakapoongi heletaa‘i,[11] ka na‘e ‘ikai ‘ilo ki ai ‘eku tamai ko Tēvita, ‘io, ko ‘Āpina foha ‘o Nā, ko e ‘eiki ‘o e hōsitē ‘o ‘Isileli, mo ‘Āmasa foha ‘o Sēteli, ko e ‘eiki ‘o e hōsitē ‘a Siuta.

³³Pea ‘e foki hona toto ki he tumu‘aki ‘o Sioape, pea ki he tumu‘aki ‘o hono hako ‘o ta‘engata: ka ko Tēvita mo hono hako, mo hono fale, mo hono taloni, ‘e tō ki ai meia Sihova ‘a e melino ‘o ta‘engata.

³⁴Pea ‘alu hake ‘a Penaia foha ‘o Sehoiata, ‘o ne taa‘i ia mo tāmate‘i; pea na‘e tanu ia ‘i hono fale ‘o‘ona ‘i he toafa.

³⁵Pea na‘e fakanofo ‘e he tu‘i ‘a Penaia foha ‘o Sehoiata ke fetongi ia ‘i he pule ki he tau: pea ko e taula‘eiki ko Sātoki na‘e tuku ‘e Ko e Mālōlō ‘a Simi.

³⁶Pea fekau ‘e he tu‘i ke ui mai ‘a Simi, ‘o ne folofola kiate ia, Langa hao fale ‘i Selusalema, ‘o nofo ai, ‘o ‘oua te ke hū kitu‘a mei ai ki hē pe ki hē.

³⁷He tala atu, ko e ‘aho te ke hū ai kitu‘a, ‘o a‘a ‘i he vai ko Kitiloni, ke ke ‘ilo fakapapau te ke mate ai: ‘e ‘i ho tumu‘aki ‘o‘ou ho toto.

³⁸Pea fakatau folofola ‘a Simi ki he tu‘i, Mālō e tu‘utu‘uni: hangē ko e folofola ‘a e ‘afio ‘a e tu‘i, ‘e pehē ‘a e fai ‘a ho‘o tamaio‘eiki ko au. Pea na‘e nofo ‘a Simi ‘i Selusalema ‘o fuoloa.

³⁹Pea ‘i he faifai pea ‘osi ‘a e ta‘u ‘e tolu, na‘e hola ha ongo tamaio‘eiki ‘a Simi kia ‘Ākisi foha ‘o Mā‘aka ko e Tu‘i Kati. Pea na‘e fakahā kia Simi ‘o pehē, Tokua ‘oku ‘i Kati ho‘o ongo tamaio‘eiki.

⁴⁰Pea tu‘u ‘a Simi, ‘o ne teu ‘ene ‘asi, ‘o ne ‘alu ki Kati kia ‘Ākisi he kumi ‘ene ongo tamaio‘eiki: pea ‘alu ‘a Simi, ‘o ne ‘omi ‘ene ongo tamaio‘eiki mei Kati.

⁴¹Pea na‘e fakapā kia Solomone, ne ‘alu ‘a Simi mei Selusalema ki Kati, pea kuo ne foki mai.

⁴²Pea fekau ‘e he tu‘i ke ui mai ‘a Simi, ‘o ne folofola ange, ‘Ikai na‘a ku fakafuakava koe ‘ia Sihova, ‘o u fakapapau kiate koe, ‘o pehē, Ko e ‘aho te ke hū ai kitu‘a, ‘o ‘alu ki hē, pe ki hē, te ke ‘ilo fakapapau ai te ke mate? pea na‘a ke pehē mai, ‘Oku lelei ‘a e tu‘utu‘uni kuo u fanongo ki ai.

⁴³Pea ko e hā ai kuo ‘ikai te ke tauhi ‘a e fuakava ‘a Sihova, mo e tu‘utu‘uni na‘a ku kouna atu?

⁴⁴Na‘e folofola foki ‘a e tu‘i kia Simi, ‘Oku ke ‘ilo foki ‘a e fu‘u kovi ‘oku tekefili ‘i ho loto, ‘a ia na‘a ke fai ki he‘eku tamai ko Tēvita: ko ia ‘e fakafoki ‘e Sihova ho‘o kovi ki ho tumu‘aki ‘o‘ou.

⁴⁵Ka ‘e fai tāpuekina ‘a Kingi Solomone, pea ‘e fakapapau ‘a e taloni ‘o Tēvita ‘i he ‘ao ‘o Sihova ‘o ta‘engata.

⁴⁶Pea kouna ‘e he tu‘i ‘a Penaia foha ‘o Sihoiata, ‘o ne hū kitu‘a, ‘o ne taa‘i ia ‘o ne pekia. Pea na‘e tu‘u kaukaua ‘a e hau ‘o Solomone.