Read KO E TOH TAPU KATOA TONGA 1 Kal 11 Bible Online

1 Kal 11 - KO E TOH TAPU KATOA TONGA bible

1 Kal 11

¹PEA fakataha ‘a ‘Isileli kātoa kia Tēvita ki Hepeloni, ‘o nau fakatau folofola, ‘o pehē, ‘Eni, ko ho hui mo kakano ‘a kimautolu.

²Na‘a mo e taimi mu‘a, ‘io, ‘a e taimi na‘e pule ai ‘a Saula, ko koe na‘e taki atu mo taki mai ‘a ha‘a ‘Isileli; pea na‘e folofola kiate koe ‘e Sihova ko ho ‘Otua, Ko koe te ke tauhi hoku kakai ‘Isileli, ‘io, ko koe te ke ‘eiki ki hoku kakai ‘Isileli.

³Ko ia na‘e ha‘u ‘a e kau mātu‘a kotoa pē ‘o ‘Isileli ki he tu‘i ki Hepeloni; pea na‘e fai kovinānite mo kinautolu ‘e Tēvita ‘i Hepeloni ‘i he ‘ao ‘o e ‘Eiki; pea nau fakanofo ‘a Tēvita ke Tu‘i ‘Isileli, ‘o hangē ko e folofola ‘a Sihova ‘ia Sāmiuela.

⁴Pea ‘alu ‘a Tēvita mo ‘Isileli kātoa ki Selusalema (ko Siepusi ia); pea na‘e ‘i ai ‘a e kau Siepusi na‘e nofo‘i ‘a e fonua.

⁵Pea lea kia Tēvita ‘a e nofo Siepusi, ‘E ‘ikai te ke ha‘u ki heni. Ka na‘e hamu pē ‘e Tēvita ‘a e talitau‘anga ko Saione (‘a ia kuo Kolo-‘o-Tēvita).

⁶Pea folofola ‘a Tēvita, Ko ia te ne tā ‘a e ‘uluafi ‘o e kau Siepusi te ne ‘uluaki mo ‘eikitau. Pea mu‘omu‘a hake ‘a Sioape ko e tama ‘a Seluvaia, ‘o ne hoko ko e ‘uluaki.

⁷Pea nofo ‘a Tēvita ‘i he talitau‘anga, ‘a ē ā na‘a nau ui ai ko Kolo-‘o-Tēvita.

⁸Pea ne langa ‘a e kolo ‘o takatakai, ‘o kamata mei Milo, ‘o fai takai; pea monomono ‘e Sioape hono toe ‘o e kolo.

⁹Pea fakautuutu ai pē ‘a e mālohi ‘o Tēvita; he na‘e kau mo ia ‘a Sihova Sāpaoti.

¹⁰Pea ko eni ‘a e kau tu‘ukimu‘a ‘i he kau helo ‘a Tēvita, ‘a kinautolu na‘e pukepuke hono hau, ‘o kau mo ‘Isileli kātoa ‘i he fakanofo ke tu‘i hangē ko e folofola ‘a Sihova ‘i ‘Isileli.

¹¹Pea ko eni ‘a e lau ‘o e kau helo na‘e ‘ia Tēvita, ko ‘Iasopeami ko e hako ‘o e Hakamoni, ko e ‘ulu ia ‘o e Kau Tolungofulu;[41] na‘a ne ‘ohofi ‘aki hono tao ha toko tolungeau fakataha, ‘o tāmate‘i kotoa.

¹²Pea hoko mo ia ‘a ‘Eliesa foha ‘o Toto, ko e ha‘a ‘Ahoa‘a, ko e taha ia ‘i he Tolu‘i Helo.

¹³Na‘a ne ‘ia Tēvita ‘i Fesitami, pea kuo fakatefua ki ai ha kau Filisitia ke tau, pea na‘e ai ha konga vao na‘e ‘akau ‘aki pē ‘a e pa‘ale, pea na‘e feholaki ‘a e kakai mei he ‘ao ‘o e kau Filisitia.

¹⁴Pea nau fakama‘u hifo mei he loto konga vao, ‘o nau fakahaofia, ‘o te‘ia ‘a e kau Filisitia; pea na‘e fai ‘e Sihova ha fakamo‘ui lahi.

¹⁵Pea ‘alu hifo ha toko tolu ‘i he Tolungofulu‘i Kapiteni ki he maka tu‘u kia Tēvita, ki he ‘Ana ‘Atulami; pea ko e kau Filisitia e na‘e ‘apitanga ‘i he lautoka ‘o Lefaimi.

¹⁶Pea ko e taimi ko ia na‘e ‘i he talitau‘anga ‘a Tēvita, pea ko e le‘o ‘o e kau Filisitia na‘e ‘i Pētelihema.

¹⁷Pea holi ‘a Tēvita, ‘o ne pehē, Taumaiā ke ‘omi hoku inu mei he vaikeli ‘o Pētelihema, ‘a ia ‘i he matanikolo!

¹⁸Pea fakapuke ‘a e toko tolu ‘i he tau Filisitia, pea nau touvai mei he vaikeli ‘i Pētelihema, ‘a ia ‘i he matanikolo, ‘o nau fetuku ‘o ‘ave kia Tēvita: ka ka ‘ikai loto ‘a Tēvita ke inu, ‘o ne hua‘i ia kia Sihova,

¹⁹‘o ne pehē, Ko e ‘Otua ē ha‘aku fai pehē! Ka u inu koā ‘a e toto ‘o e tu‘unga tangata ni na‘e ‘alu ‘aki ‘enau mo‘ui? he ko ‘enau mo‘ui na‘e ‘omi ‘aki. Ko ia na‘e ‘ikai te ne loto ke inu ia. Ko e ngaahi me‘a ia na‘e fai ‘e he Tolu‘i Helo.

²⁰Pea ko ‘Apisai ko e tokoua ‘o Sioape ko e ‘ulu ia ‘o e Toko Tolu:[42] he na‘a ne ‘ohofia ‘aki hono tao ha toko tolungeau, ‘o tāmate‘i, pea na‘e tu‘u hono hingoa ‘i he Toko Tolu.

²¹‘I he Toko Tolu ko ia na‘a ne ongoongo ange ‘i he toko ua,[43] ‘o ne hoko ko honau kapiteni; ka na‘e ‘ikai te ne a‘u ki he Toko Tolu ko ē.

²²Ko Penaia foha ‘o Sihoiata, ko e hako ia ‘o ha tangata to‘a ‘o Kapesili: kuo fai me‘a lalahi ia. Na‘e taa‘i ‘e ia ‘a e ongo loto fakalaione ‘o Moape: kae‘uma‘ā na‘a ne ‘alu hifo ‘o taa‘i ha laione ‘i ha lepa ‘i ha ‘aho na‘e sinou.

²³Ko ia foki na‘a ne taa‘i ‘a e motu‘a ‘Isipite, ko e tangata kafaofa, ko e kiupite ‘e nima hono mā‘olunga. Pea na‘e to‘o ‘e he ‘Isipite ha fu‘u tao hangē ko e ‘akau ‘a e tangata lalanga; ka ka ‘alu hifo ia ki ai ‘aki ha tokotoko pē, ‘o ne heu‘i ‘a e tao mei he nima ‘o e ‘Isipite, ‘o ne tāmate‘i ia ‘aki hono tao ‘o‘ona.

²⁴Ko e ngaahi me‘a ia na‘e fai ‘e Penaia foha ‘o Sihoiata, pea na‘e tu‘u hono hingoa ‘i he Tolu‘i Helo.[44]

²⁵Tokua na‘a ne ongoongo ange ‘i he Kau Tolungofulu, ka na‘e ‘ikai te ne a‘u ki he Tolu ko ē: pea na‘e fakanofo ia ‘e Tēvita ke pule ki he Fakataha Tokoni.

²⁶Pea ko e kau helo ‘o e ngaahi kongakau; ko ‘Asaeli ko e tokoua ‘o Sioape, ko ‘Elanani foha ‘o Toto mei Pētelihema;

²⁷ko Sāmoti ko e Hāloli, ko Hēlesi ko e Pēloni;

²⁸ko ‘Ila foha ‘o ‘Īkesi ko e Tekoa, ko ‘Apiesa ko e ‘Anatoti;

²⁹ko Sipekai ko e Husa, ko ‘Īlai ko e ‘Ahoa‘a;

³⁰ko Mahalai ko e Nētofa, ko Hēleti foha ‘o Pā‘ana ko e Nētofa;

³¹ko ‘Ītai foha ‘o Lipai mei Kipea-ha‘a-Penisimani, ko Penaia ko e Pilatoni;

³²ko Hūlai mei he ngaahi tele‘a ‘o Kaasi, ko ‘Apieli ko e ‘Alapā;

³³ko ‘Asimaueta ko e Pahulimi, ko ‘Elihapa ko e Sa‘aliponi;

³⁴ko e hako ‘o Hāsemi ko Kīsoni,[45] ko Sionatane foha ‘o Sake ko e Hālali;

³⁵ko ‘Ahiami foha ‘o Sākali ko e Hālali, ko ‘Elifali foha ‘o Ua;

³⁶ko Hēfeli ko e Mēkela, ko ‘Āhaia ko e Pēloni;

³⁷ko Hēselo ko e Kāmeli, ko Na‘alai foha ‘o ‘Esipai;

³⁸ko Sioeli tokoua ‘o Nētane, ko Mipehali foha ‘o Hākeli;

³⁹ko Sēleki ko e ‘Āmoni, ko Nahalai ko e Piheloti, ko e fua mahafu ‘a Sioape ko e tama ‘a Seluvaia;

⁴⁰ko ‘Ila ko e Sēteli, ko Kālepi ko e Sēteli;

⁴¹ko ‘Ūlaia ko e Heti, ko Sāpati foha ‘o A‘alai;

⁴²ko ‘Ātina foha ‘o Sisa ko e ha‘a Lūpeni, ko ha ‘eiki ‘o Lūpeni, pea na‘e ‘iate ia ha toko tolungofulu;

⁴³ko Hānani foha ‘o Mā‘aka, mo Siosafate ko e Mēteni;

⁴⁴ko ‘Ūsaia ko e ‘Asiteloti, ko Sama mo Sieli ko e hako ‘o Hōtame ko e ‘Aloeli;

⁴⁵ko ‘Itieli foha ‘o Sīmeli, mo ‘Ioha ko hono tokoua ko e Tisi;

⁴⁶ko ‘Eliela ko e Māhavi, mo ‘Ilipai, mo Siosavaia, ko e hako ‘o ‘Elinaami, mo ‘Ītema ko e Moape;

⁴⁷ko ‘Eliela, mo ‘Ia‘asieli ko e Mēsopa.[46]