Read KO E TOH TAPU KATOA TONGA 1 Kal 4 Bible Online

1 Kal 4 - KO E TOH TAPU KATOA TONGA bible

1 Kal 4

¹KO E ha‘a Siuta; ko Felesi, Heseloni, mo Kālimi, mo Hua, mo Sōpale.

²Pea na‘e tupu ‘ia Laia foha ‘o Sōpale ‘a ‘Iahati: pea tupu ‘ia ‘Iahati ‘a ‘Ahumai mo Lāhati. Ko e ngaahi fāmili ia ‘o e ha‘a Sola.

³Pea ko eni ia ‘a e hako ‘o e tupu‘anga ‘o ‘Eitami;[13] ko Sisilili, mo ‘Īsima, mo ‘Itipasi; pea ko e hingoa ‘o honau tuofefine ko Hasiliponi:

⁴ko Penueli foki ko e tupu‘anga ‘o Kētoa, mo ‘Ēseli ko e tupu‘anga ‘o Husa. Ko eni ia ‘a e hako ‘o Hua, ko e ‘uluaki tama ‘a ‘Efalata ko e tupu‘anga ‘o Pētelihema.

⁵Pea ko ‘Asihua, ko e tupu‘anga ‘o Tekoa, na‘e toko ua hono ‘unoho, ko Hēla‘a mo Na‘ala‘a.

⁶Pea fanau‘i kiate ia ‘e Na‘ala‘a ‘a ‘Ahusami, mo Hēfeli, mo Teimeni, mo Ha‘aha-sītali. Ko eni ‘a e hako ‘o Na‘ala‘a.

⁷Pea ko e hako ‘o Hēla‘a; ko Sīleti, mo ‘Isoha‘a, mo ‘Etinani.

⁸Pea tupu ‘ia Kosi ‘a ‘Ānupi, mo Sōpepa, mo e ngaahi fāmili ‘o ‘Aha‘ahela foha ‘o Hālumi.

⁹Pea ko Siepesi na‘e tokangaekina ange ‘i hono kāinga: pea ko ‘ene fa‘ē na‘a ne fakahingoa ia ko Siepesi (ko Fakamamahi),[14] he‘ene pehē, He ne u fanau‘i ia ‘i he mamahi.

¹⁰Pea tautapa ‘a Siepesi ki he ‘Otua ‘o ‘Isileli, ‘o pehē, Taumaiā ke ke tāpuaki‘i mo‘oni au, mo toloaki hoku kau‘ā, pea ke ‘iate au ho nima, pea ke ngāue telia ‘a e mala, ke ‘oua na‘a hoko ia ko hoku mamahi‘anga, pea na‘e ‘omi ‘e he ‘Otua ‘a e me‘a na‘a ne kole ki ai.

¹¹Pea na‘e tupu ‘ia Kēlupi ko e tokoua ‘o Suha ‘a Mēhili; ko e tupu‘anga ia ‘o ‘Esitoni.

¹²Pea tupu ‘ia ‘Esitoni ‘a Pete-Lafa, mo Pāsea, pea mo Tehina ko e tupu‘anga ‘o ‘Ili-Nāhasi, Ko e kau tangata ia ‘o Leka.

¹³Pea ko e hako ‘o Kēnasi; ko ‘Ōtenili, mo Selaia: pea ko e hako ‘o ‘Ōtenili ko Hātati.

¹⁴Pea na‘e tupu ‘ia Monatai[15] ‘a ‘Ōfila: pea na‘e tupu ‘ia Selaia ‘a Sioape ko e tupu‘anga ‘o Kihalasimi (ko Tele‘a-tufunga); he ko e kau tufunga kinautolu.

¹⁵Pea ko e hako ‘o Kēlepi foha ‘o Sīfune; ko ‘Ilu, ‘Ela, mo Nā‘ami: pea ko e hako ‘o ‘Ela ko Me‘a[16] mo Kēnasi.

¹⁶Pea ko e hako ‘o Sihalaleleli; ko Sifi pea mo Sifa, ko Tilia mo ‘Asaleli.

¹⁷Pea ko e hako ‘o ‘Ēsela‘a; ko Sēteli, mo Mēleti, mo ‘Ēfeli, mo ‘Ialoni. Pea ne[17] feitama ‘ia Miliame, mo Samai, mo ‘Isipa‘a ko e tupu‘anga ‘o ‘Esitemoa.

¹⁸Pea ko hono uaifi ko e fefine Siuta na‘a ne fanau‘i ‘a Sēleti ko e tupu anga ‘o Kētoa, mo Hepa ko e tupu‘anga ‘o Soko, mo ‘Ikutieli ko e tupu‘anga ‘o Sānoa. Pea ko eni ‘a e hako ‘o Pītia ko e ‘ōfefine ‘o Felo, ‘a ia na‘e mali mo Mēleti.

¹⁹Pea ko e hako ‘o e uaifi ‘o Hōtaia, ‘a ia ko e tuofefine ‘o Nāhami, ko e tupu‘anga ‘o Kī‘ila ko e ha‘a Kālemi, mo ‘Esitemoa ko e ha‘a Mā‘aka.[18]

²⁰Pea ko e hako ‘o Sīmone; ko ‘Amanoni, mo Lina; ko Penihānani, mo Tīloni. Pea ko e hako ‘o ‘Isi; ko Sōheti, mo Peni-Sōheti.

²¹Ko e hako ‘o Sela foha ‘o Siuta: ko ‘Ea ko e tupu‘anga ‘o Leka, mo Lā‘ata ko e tupu‘anga ‘a Mālesa; mo e ngaahi fāmili ‘o e fale tufunga tupenu mahu‘inga, ‘a e fale ‘o ‘Asipea;

²²mo Siokimi, mo e kau Kōsepa, mo Soasi, mo Sālafa, (‘a ia na‘a ne pule ‘i Moape) mo ‘Iasupilihema.[19]

²³Ko e tohi fuoloa foki. Ko e kau tufunga ipu ia, mo e ha‘a nofo Netaimi mo Kētela: na‘a nau nofo ai mo e tu‘i he fai ‘o ‘ene ngāue.

²⁴Ko e hako ‘o Simione; ko Nemueli, mo Siamini, ‘a Sialipi, Sala, Saula;

²⁵ko Sālumi hono foha ‘o‘ona, ko Mipisami hono foha ‘o‘ona, ko Mīsima hono foha ‘o‘ona.

²⁶Pea ko e hako ‘o Mīsima; ko Hamueli hono foha ‘o‘ona, ko Sākuli hono foha ‘o‘ona, ko Simi hono foha ‘o‘ona.

²⁷Pea na‘e ma‘u ‘e Simi ha foha ‘e toko hongofulu mā toko ono mo e ‘ōfefine ‘e toko ono: ka na‘e ‘ikai tokolahi ‘a e fānau ‘a hono ngaahi tokoua, pea na‘e ‘ikai tupu honau fāmili kotoa ‘o tatau mo ha‘a Siuta.

²⁸Pea na‘a nau nofo ‘i Peasipa, mo Mōlata, mo Hasasuali;

²⁹pea ‘i Pīla‘a, mo ‘Āsimi, mo Tōlati;

³⁰pea ‘i Petueli, mo Hoama, mo Sikilaki;

³¹pea ‘i Pete-makapoti, mo Hasa-susimi, mo Pete-pili, mo Sa‘alaimi. Ko honau ngaahi kolo ia ‘o a‘u ki he pule ‘a Tēvita, pea mo honau ngaahi vilisi.

³²Ko ‘Eitami, mo Eni, ko Līmoni, mo Tōkeni, mo ‘Āsani, ko e kolo ‘e nima:

³³pea mo honau ngaahi vilisi kotoa na‘e takatakai ki he ngaahi kolo ko ia, ‘o a‘u ki Peali. Ko eni ia honau ngaahi nofo‘anga, pea ‘oku nau ma‘u honau tohi hohoko.

³⁴Mo Mesopapi, mo ‘Imaleka, mo Siosa foha ‘o ‘Amasaia; mo Sioeli,

³⁵mo Sehu foha ‘o Siosipaia, foha ‘o Selaia, foha ‘o ‘Asieli;

³⁶mo ‘Elioenai, mo Siakopa, mo ‘Isohaia, mo ‘Āsaia, mo ‘Atieli, mo ‘Isimieli, mo Penaia;

³⁷mo Sisa foha ‘o Sifi, foha ‘o ‘Āloni, foha ‘o ‘Ītaia, foha ‘o Sīmeli, foha ‘o Sēmaia;

³⁸ko kinautolu ‘oku tu‘u honau hingoa ko e hou‘eiki ‘i honau ngaahi fāmili: pea na‘e tupu lahi honau ngaahi ‘ulu motu‘a.

³⁹Pea na‘a nau ‘alu ki he hū‘anga ‘o Kētoa,[20] ki he potu hahake ‘o e tele‘a, ke kumi kaikai‘anga ki he‘enau fanga sipi.

⁴⁰Pea nau ‘ilo ha potu mahu mo lelei, pea ko e fonua na‘e ‘atā ki hē mo ē, pea nonga mo melino; he ko hono kau nofo‘anga mu‘a ko e ni‘ihi Hami.

⁴¹Pea ko kinautolu kuo tohi honau hingoa na‘a nau omi ‘i he kuonga ‘o Hesekaia ko e Tu‘i Siuta, ‘o nau taa‘i honau ngaahi tēniti, mo e kau Meuni na‘e ‘ilo ai,[21] mōifua kinautolu, pea talu ai pē; pea nau nofo pē ko e fetongi ‘o kinautolu: he na‘e ai ha me‘akai ki he‘enau monumanu.

⁴²Pea ko honau ni‘ihi, ko e ni‘ihi ‘o ha‘a Simione, ko e toko nimangeau, na‘a nau ‘alu ki Mo‘unga Seia, pea na‘e angi ‘e Pelataia, mo Nālaia, mo Lefaia, mo ‘Osieli ko e hako ‘o ‘Isi. Pea nau taa‘i ‘a e toenga ‘Amaleki na‘e hao, ‘o nau nofo ai ‘o a‘u ki he ‘aho ni.