Read KO E TOH TAPU KATOA TONGA 1 Kal 7 Bible Online

1 Kal 7 - KO E TOH TAPU KATOA TONGA bible

1 Kal 7

¹PEA ‘i he ha‘a ‘Īsaka; ko Tola mo Pua, ko ‘Iasupi mo Similoni; ko e toko fā.

²Pea ko e ha‘a Tola; ko ‘Osi, mo Lefaia, mo ‘Ilieli mo ‘Iamai, mo ‘Ipisami, mo Sāmiuela; ko honau ngaahi ‘ulumotu‘a ia, ‘o ha‘a Tola; ko e kau to‘a ‘i honau tohi hohoko: ko honau tokolahi ‘i he kuonga ‘o Tēvita ko e toko ua mano mā ua afe, mā onongeau.

³Pea ko e ha‘a ‘Osi; ko ‘Isilaia: pea ko e hako ‘o ‘Isilaia; ko Maikeli, mo ‘Opataia, mo Sioeli, mo ‘Īsaia; ko e toko nima: ko e hou‘eiki kotoa pē.

⁴Pea na‘e kau kiate kitautolu ‘i honau tohi hohoko faka‘ulumotu‘a ha ngaahi vāhenga tau, ko e toko tolu mano mā ono afe: he na‘e tokolahi honau uaifi mo e fānau.

⁵Pea ko honau kāinga ‘i he ngaahi fāmili kehekehe ‘o ‘Īsaka, ‘a e kau to‘a, ko e toko valu mano mā fitu afe; na‘e tohi kotoa pē honau hingoa.

⁶‘I Penisimani; Ko Pela, mo Pēkeli, mo ‘Itieli; ko e toko tolu.

⁷Pea ko e hako ‘o Pela; ko ‘Esiponi mo ‘Osi, mo ‘Osieli, mo ‘Ilimoti, mo ‘Ili; ko e toko nima: ko e ngaahi ‘ulumotu‘a ia, ko e kau to‘a; pea ko honau lau ‘i he tohi ko e toko ua mano mo e toko ua afe mo e toko fā.

⁸Pea ko e hako ‘o Pēkeli; ko Sēmila, mo Soasi, mo ‘Eliesa, mo ‘Elioenai, mo ‘Omilai, mo ‘Ilimoti, mo ‘Āpaia, mo ‘Anatoti, mo ‘Alemeti; ko e hako kotoa pē ia ‘o Pēkeli.

⁹Pea na‘a nau tu‘u kotoa pē ‘i honau tohi hohoko, ko honau kau ‘ulumotu‘a ko e kau to‘a tete‘e; ko e toko ua mano mā uangeau.

¹⁰Pea ko e hako ‘o ‘Itieli; ko Pīlani: pea ko e hako ‘o Pīlani; ko Siusi, mo Penisimani, mo ‘Ēhuti, mo Kena‘ana, mo Sītani mo Tāsisi, mo ‘Ahisahali.

¹¹Ko e hako ‘a kinautolu kotoa ‘o ‘Īteli, faka‘ulumotu‘a, ko e kau to‘a na‘e ‘alu ki he tau, ko e toko taha mano mā fitu afe mā uangeau.

¹²Ko Sūfimi foki, mo Hūpimi, ko e hako ‘o ‘Ili; ko e kau Husi, ko e hako ‘o ‘Āhila.[25]

¹³Ko e hako ‘o Nafitalai; ko ‘Iakasili, mo Kuni, mo ‘Ieseli, mo Sālumi; ko e ha‘a Pila‘a[26] ia.

¹⁴Ko e hako ‘o Manase; ko ‘Aselieli, ‘a ia na‘e fanau‘i ‘e Me‘a: (ko ‘ene sinifu ko e fefine Sīlia, na‘a ne fanau‘i ‘a Mākili ko e tupu‘anga ‘o Kiliati:

¹⁵pea ma‘u uaifi ‘e Mākili meia[27] Hūpimi mo Sūfimi, pea ko e hingoa ‘o hono tuofefine ko Ma‘aka): pea ko e hingoa ‘o hono ua ko Silofehati: pea na‘e ma‘u fānau fefine ‘a Silofehati.

¹⁶Pea fanau‘i ha tama ‘e Mā‘aka ko e uaifi ‘o Mākili, pea ne fakahingoa ia ko Pēlesi; pea ko e hingoa ‘o hono tokoua ko Sēlesi; pea ko hono hako ko ‘Ūlami mo Lēkemi.

¹⁷Pea ko e hako ‘o ‘Ūlami ko Pētani. Ko e hako eni ia ‘o Kiliati, foha ‘o Mākili, foha ‘o Manase.

¹⁸Pea ko hono tuofefine ko Hamoleketi na‘e fanau‘i ‘e ia ‘a ‘Isihoti, mo ‘Apiesa, mo Māhala.

¹⁹Pea na‘e ai ha hako ‘o Sēmita ko ‘Ahiani, mo Sīkemi, mo Liki, mo ‘Aniami.

²⁰Pea ko e hako ‘o ‘Ifalemi; ko Sūtela, (pea ko Pēleti hono foha ‘o‘ona, mo Tāhati hono foha ‘o‘ona, mo ‘Eliata hono foha ‘o‘ona, mo Tāhati hono foha ‘o‘ona);

²¹ko Sāpati foki hono foha, (mo Sūtela hono foha ‘o‘ona, mo ‘Ēseli mo ‘Ēlati, ‘a ia na‘e tāmate‘i kinautolu ‘e he kau tangata Kati na‘e tupu ‘i he fonua, koe‘uhi na‘a nau hifo mai ke ‘ave ‘enau monumanu).

²²Pea tangi fakamamahi ‘a ‘Ifalemi ko honau tupu‘anga, ‘o ‘aho lahi, pea ha‘u hono kāinga ke fakalelulelu ki ai.

²³Pea ne ‘alu ki hono uaifi, pea ne feitama ai, ‘o ne fā‘ele‘i ha tama, pea fakahingoa ia ‘e he motu‘a ko Pēli‘a (ko Mala‘ia)[28] koe‘uhi ko e ‘alu ‘i mala hono fale.

²⁴Pea ko hono ‘ōfefine ‘a Sē‘ela, ‘a ia na‘a ne langa ‘a Peteholoni-‘Olunga mo Lalo, pea mo ‘Ūseni-Seela.

²⁵Pea mo Lēfahi hono foha, mo Lēsefi hono foha ‘o‘ona, mo Tēlaha hono foha ‘o‘ona.

²⁶Ko Tāhani foki hono foha, ko Lātani hono foha ‘o‘ona, ko ‘Amihuti hono foha ‘o‘ona, ko ‘Elisama hono foha ‘o‘ona,

²⁷ko Nuni hono foha ‘o‘ona, ko Siosiua hono foha ‘o‘ona.

²⁸Pea ko honau tofi‘a mo e nofo‘anga ko Pēteli mo hono ngaahi kolo fakaongo, pea ‘i hahake ‘a Na‘alani, pea ki hihifo ‘a Kēseli, mo hono ngaahi kolo fakaongo; ko Sikemi foki mo hono ngaahi kolo fakaongo, ‘o a‘u ki ‘Asa mo hono ngaahi kolo fakaongo:

²⁹pea ‘i he tafa‘aki ‘o ha‘a Manase, ko Petesani mo hono ngaahi kolo fakaongo, mo Ta‘anaka mo hono ngaahi kolo fakaongo, ko Mekito mo hono ngaahi kolo fakaongo, ko Toa mo hono ngaahi kolo fakaongo. Ko e ngaahi potu ko ē na‘e nofo ai ‘a e hako ‘o Siosifa ko e foha ‘o ‘Isileli.

³⁰Ko e hako ‘o ‘Āseli; ko Simina, mo Sisua, mo Sisui, mo Pēli‘a, mo Sela ko honau tuofefine.

³¹Pea ko e hako ‘o Pēli‘a; ko Hepa, mo Malakieli, ‘a ia ko e tupu‘anga ‘o Pilisaiti.

³²Pea tupu ‘ia Hepa ‘a ‘Ifileti, mo Sōmeli, mo Hōtame, mo Sua‘a ko honau tuofefine.

³³Pea ko e hako ‘o ‘Ifileti; ko Pāsaki, mo Pīmali, mo ‘Asuati: ko e hako ia ‘o ‘Ifileti.

³⁴Pea ko e hako ‘o Sōmeli; ko ‘Ahi, mo Louka, ko ‘Īhupa, mo ‘Ālame.

³⁵Pea ko e hako ‘o Hēlemi[29] ko hono tokoua; ko Sofa, mo Simina‘a, mo Sēlesi, mo ‘Āmali.

³⁶Ko e hako ‘o Sofa; ko Sua mo Hanefeli, mo Suali, mo Peli, mo ‘Īmila;

³⁷ko Pēseli, mo Hoti, mo Sama, mo Sīlisa, mo ‘Itilani mo Pea.

³⁸Pea ko e hako ‘o Sēteli; ko Sīfune, mo Pīsipa, mo ‘Ala.

³⁹Pea ko e hako ‘o ‘Ula; ko ‘Āla‘a mo Hanieli, mo Līsia.

⁴⁰Ko e hako eni ia kotoa ‘o ‘Āseli, ko e ngaahi ‘ulumotu‘a, ko e kau to‘a fili, ko e tu‘ukimu‘a ‘i he hou‘eiki. Pea ko kinautolu na‘e tohi honau hingoa ‘i he tau ko honau lau kātoa ko e toko ua mano mā ono afe.