Read KO E TOH TAPU KATOA TONGA 2 Kal 7 Bible Online

2 Kal 7 - KO E TOH TAPU KATOA TONGA bible

2 Kal 7

¹PEA ‘i he ‘osi ‘a e lotu ‘a Solomone, na‘e hifo ha afi mei langi, ‘o keina ‘a e feilaulau-mōifua, mo e ngaahi feilaulau: pea na‘e fonu ‘a e fale ‘i he kolōlia ‘o e ‘Eiki.

²Pea na‘e ‘ikai lava ‘a e kau taula‘eiki ke hū ki he fale ‘o Sihova, he kuo fakafonu ‘e he kolōlia ‘o e ‘Eiki ‘a e fale ‘o e ‘Eiki.

³Pea na‘e mamata ‘a ha‘a ‘Isileli kātoa, ‘i he hifo ‘a e afi, mo e toka ‘a e kolōlia ‘o e ‘Eiki ki he fale; pea na‘a nau fakafo‘ohifo ki he faliki, ‘o nau hū, ‘o nau fai ‘enau fakafeta‘ia ‘a Sihova, “He ‘oku lelei ia. ‘Oku tolonga ‘o ta‘engata ‘ene ‘alo‘ofa.”

⁴Pea ko e tu‘i mo e kakai kotoa na‘a nau lavaki fai feilaulau ki he ‘ao ‘o e ‘Eiki.

⁵Pea feia ‘e Kingi Solomone ha feilaulau pulu ko e toko ua mano mā ua afe, mo e sipi ‘e taha kilu mā ua mano. Ko hono huufi ē ‘o e fale ‘o ‘Elohimi ‘e he tu‘i mo e kakai kotoa.

⁶Pea lavaki tu‘u ‘a e kau taula‘eiki ‘i he fai honau lakanga; ko e kau Līvai foki mo e nāunau-hiva ‘a e ‘Eiki, ‘a ia ne ngaohi ‘e Kingi Tēvita ke fai‘aki ‘a e fakafeta‘i kia Sihova (“He ‘oku tolonga ‘o ta‘engata ‘ene ‘alo‘ofa”), ‘i he fakafai ‘iate kinautolu ‘e Tēvita ‘ene fakamālō: mo e kau taula‘eiki na‘e lavaki ifi talupite ‘i he mata ‘otu; pea lavaki tu‘u pē ‘a ‘Isileli kātoa.

⁷Pea na‘e tapui ‘e Solomone ‘a e loto‘ā kotoa na‘e ‘i he mata fale ‘o e ‘Eiki; he na‘a ne feia ai ‘a e ngaahi feilaulau-mōifua, mo e ngako ‘o e ngaahi feilaulau-‘ofa: he ko e ‘ōlita palasa ne ngaohi ‘e Solomone na‘e ‘ikai fe‘unga mo e feilaulau-mōifua, mo e feilaulau-me‘akai, mo e ngaahi ngako.

⁸Pea fai ‘e Solomone ‘a e Kātoanga ‘i he taimi pē ko ia, ‘o ‘aho fitu, ‘e ia mo ‘Isileli kotoa; ko e fu‘u kātoanga kakai ‘aupito, ko e ha‘u mei he Hū‘anga ‘o Hēmati, ‘o a‘u ki he vaitafe ‘o ‘Isipite.

⁹Pea ‘i hono ‘aho valu na‘a nau fai ‘a e Faka‘osi: he na‘a nau fai ‘a e huufi ‘o e ‘ōlita, ‘o ‘aho fitu, mo e kātoanga ‘o ‘aho fitu.

¹⁰Pea ‘i hono ‘aho uofulu mā tolu ‘o e fitu‘i māhina na‘a ne tuku atu ‘a e kakai ke ō ki honau ngaahi tēniti, ‘oku nau fiefia, pea lelei honau loto ‘i he lelei kuo feia ‘e Sihova kia Tēvita pea kia Solomone, pea ki ‘Isileli ko hono kakai.

¹¹Pea faka‘osi ‘e Solomone ‘a e fale ‘o Sihova, mo e fale ‘o e tu‘i: pea ko e me‘a kotoa na‘e hā ki he loto ‘o Solomone ke fai ‘i he fale ‘o Sihova, mo hono fale ‘o‘ona, na‘a ne lava lelei.

¹²Pea hā ‘a e ‘Eiki kia Solomone ‘i he pō, ‘o ne folofola mai, Kuo u ongo‘i ho‘o lotu, pea kuo u fili ‘a e potu ni mōku fale feilaulau‘anga.

¹³Kapau te u tāpuni ‘a e langi ke ‘oua ‘e ‘uha, pe te u fekau ‘a e he‘e ke keina ‘a e fonua, pe te u tuku atu ‘a e mahaki faka‘auha ki hoku kakai:

¹⁴kapau ‘e fakavaivai‘i kinautolu ‘e hoku kakai, ‘a ia ‘oku ui‘aki hoku hingoa, pea nau lotu, ‘o kumi ki hoku fōtunga, pea nau tafoki mei honau ngaahi ‘alunga kovi; pea te u toki ongo‘i ‘i langi, pea te u fakamolemole ‘enau angahala, mo faito‘o honau fonua.

¹⁵Ko eni, ‘e ‘ā hoku mata, pea ‘e fakaongo hoku telinga ki ha lotu ‘e fai ‘i he potu ni.

¹⁶He kuo u fili eni mo tapui ‘a e fale ni, ke tu‘u ai hoku hingoa ‘o ta‘engata: pea ‘e ‘i ai hoku mata mo hoku loto ma‘u ai pē.

¹⁷Pea ko e me‘a kiate koe, kapau te ke taka ‘i hoku ‘ao ‘o hangē ko e fai ‘a ho‘o tamai ko Tēvita, mo ke fai hono kotoa ‘o e me‘a kuo u tu‘utu‘uni atu, ‘o tauhi ‘eku ngaahi fekau mo konisitūtone;

¹⁸te u toki fakapapau ho taloni mo ho‘o pule, ‘o hangē ko ‘eku fuakava ki ho‘o tamai ko Tēvita, ‘o pehē, ‘E ‘ikai hala hao tangata ke pule ki ‘Isileli.

¹⁹Ka ‘o kapau te mou tafoki, ‘o li‘aki ‘a e ngaahi tu‘utu‘uni mo fekau, ‘a ia kuo u tuku ‘i homou ‘ao, ka mou ‘alu ‘o tauhi ‘otua kehe ‘o lotu ki ai:

²⁰pea te u toki ta‘aki fu‘u kinautolu mei he kelekele kuo u foaki kiate kinautolu; pea ko e fale ni, ‘a ia kuo u tapui ki hoku hingoa, te u li‘aki mei hoku ‘ao, pea te u tuku ke fakatokotokanaki ‘aki mo luma‘i ‘e he ngaahi kakai kotoa.

²¹Pea ko e fale ni, ‘a ia ‘oku pehē fau hono mā‘olunga, ‘e ofo ai ‘e kinautolu kotoa pē ‘e ‘alu ai, pea te nau pehē, Ko e hā kuo fai pehē ai ‘e Sihova ki he fonua ni mo e fale ni?

²²Pea te nau tali, Koe‘uhi ā na‘a nau li‘aki ‘a Sihova ko e ‘Otua ‘o ‘enau ngaahi kui, ‘a ia na‘a ne ‘omi kinautolu mei ‘Isipite; ka nau piki ki he ngaahi ‘otua kehe, ‘o lotu ki ai mo tauhi ia: ko hono ō ia kuo ne ‘omi ai ‘a e ngaahi fu‘u kovi ni kiate kinautolu.