Read KO E TOH TAPU KATOA TONGA KO ‘ĒSELA 1 Bible Online

KO ‘ĒSELA 1 - KO E TOH TAPU KATOA TONGA bible

KO ‘ĒSELA 1

¹PEA ‘i he ‘uluaki ta‘u ‘o Kōlesi ko e Tu‘i Pēsia,[1] pea koe‘uhi ke fakamo‘oni ki he folofola ‘a Sihova na‘e lea‘aki ‘e Selemaia, ko ia na‘e ue‘i ‘e Sihova ‘a e laumālie ‘o Kōlesi ko e Tu‘i Pēsia, ‘o ne fanongonongo ‘i hono pule‘anga kotoa, ‘o ne tohi ‘o pehē:

²Ko e folofola ‘eni ‘a Kōlesi Tu‘i Pēsia, Ko Sihova ko e ‘Otua ‘o Langi kuo ne foaki kiate au ‘a e ngaahi pule‘anga kotoa pē ‘o māmani; pea kuo ne na‘ina‘i kiate au ke langa ha fale mo‘ona ‘i Selusalema ‘a ia ‘oku ‘i Siuta.

³‘Ilonga kimoutolu ‘i hono kakai kotoa ‘oku ne ‘atā ke ‘alu, pea ‘ofa ke kau mo ia ‘a Sihova ko hono ‘Otua, pea ke mou ‘alu hake ki Selusalema, ‘a ia ‘oku ‘i Siuta, ‘o langa ‘a e fale ‘o Sihova ko e ‘Otua ‘o ‘Isileli, Ko ‘ena ‘a e ‘Otua ‘a ia ‘oku ‘i Selusalema.

⁴Pea ‘ilonga kimoutolu ‘oku toe ‘i he potu kehekehe ‘oku mou takitaha ‘āunofo ai, ke tokoni atu ‘e he kakai ‘o e feitu‘u ‘aki ‘a e siliva, mo e koula, mo e koloa kehekehe, mo e fanga manu — tukukehe ‘a e feilaulau-‘ofa ‘e fai ki he fale ‘o e ‘Otua ‘oku ‘i Selusalema.

⁵Pea na‘e toki tutu‘u ‘a e hou‘eiki ‘ulumotu‘a ‘o ha‘a Siuta mo Penisimani, mo e kau taula‘eiki, mo e kau Līvai — ‘io, ‘a e kakai kotoa kuo ue‘i honau laumālie ‘e ‘Elohimi ke ‘alu hake ke langa ‘a e fale ‘o Sihova, ‘a ia ‘oku ‘i Selusalema.

⁶Pea ko honau kau nonofo na‘a nau poupou kiate kinautolu ‘aki ‘a e nāunau siliva, ‘aki ‘a e koula, ‘aki ‘a e koloa kehekehe mo e fanga manu, mo e ngaahi me‘a mahu‘inga: tukukehe ‘enau tānaki me‘a‘ofa.

⁷Ko Kingi Kōlesi foki na‘a ne ‘omai ‘a e nāunau ‘o e fale ‘o Sihova, ‘a ia ne ‘omi ‘e Nepukanesa mei Selusalema, ‘o tuku ki he fale ‘o hono ‘Otua;

⁸‘io, na‘e ‘omi ia ‘e Kōlesi ko e Tu‘i Pēsia, ‘o fakafai ‘ia Mitelatata ko e tauhi koloa, ‘o ne lau kia Sesipasa ko e ‘eiki Siuta.

⁹Pea ko hono lau ‘eni: ko e kumete koula ‘e tolungofulu, ko e kumete siliva ‘e afe ko e hele[2] ‘e uofulu mā hiva;

¹⁰ko e ipu koula ‘e tolungofulu, ko e ipu siliva, kalasi ua, ko e fāngeau mā hongofulu, ko e ipu kehe ‘e afe.

¹¹Ko e lau kātoa ‘o e ngaahi ipu koula mo siliva ko e nima afe mā fāngeau. Na‘e ‘ohake kotoa ‘e Sesipasa ‘i he ‘ave ‘a e kau pōpula mei Pāpilone ki Selusalema.